اخوي مضلوم الحب زوجتك معيونه ليش متهاونين العين اقوي من اي مرض ثاني
واكبر دليل ان طليقها ماكان يبي يطلقها ومتمسك فيها ويبي يعالجها هذا كلامك بمواضيعك السابقه
وان اهلها ارغموه على طلاقها بعد ماتعبت
بديهيا نفسه فيها

ولا تتهاون بهذا الشي

هي مع الناس طبيعيه بس معك انت لا
الحسد والعين

كم من واحد ترك وظيفته بسببها وطلق زوجته بسببها والي حاول ينتحر وا وا وا لوبقعد اتكلم ما راح اخلص

اذكر لك واحد من الجماعه معروف بدينه ماشاءالله وصلاته مايفارق المسجد
فتره مدري وش جاه ترك المسجد وماعاد اصلا يصلي
وكان السبب خلق الله عاطينه عين عى صلاته
بس بعد مداومه عند القراء لمده سنه ونص الحمدلله رجع الرجال لوضعه الطبيعي
سبحان الله وهذي صلاه شف كيف خلاها

والله لو تقراء قصص الناس ماتصدق
عاد انت تشره على زوجتك زوجتك مافيها لامرض نفسي ولا جهل وحياء الي فيها مسوي حاجز بينك وبينها وهذي النفس ياخي نصيحه شف شيخ وخلها تداوم بالقراءه عنده مو اسبوع وخلاص تقول قرينا
لا استمر

وعارف الحين الكل بيقول لمتى يستمر انا اقول اذا شايف نفسه يقدر يصبر
واذا لا
توكل على ربك وتزوج

__________________
امير زمانه... فـ عيون خلانه

بس ماكان يستمر بالقراءه يوم يومين بس كان يروح يشخص الحاله ويطلع فقط

__________________
امير زمانه... فـ عيون خلانه

مظلوم انا مع كلام ملاك يونا الى متى وانتت نمشي علىكيفها اجبرها وش النتائج انت اساسا كذا ماانت مستفيد ولو كانت لها تاثيرات تنتكس افضل من الحين عشان تعرف راسك من رجليك وتعرف تاخذ قرارك
نفسي اعرف وش صا ر لك امس

مظلوم وش فيك ماترد علينا؟؟؟؟ طمنا وش صار معك ووش رسيت عليه؟؟
ولاتنسى تطبق كلام اخونا بو سعدان... خلك رجل يا اخي ولا تضعف قدامها
لان الطيبه ماتنفع معها وانا اعتقد انها تشوفها هباله او غباء
صدقني ...
لازم تصير شديد وتغير نظرتك لها ..

بانتظار ردك
واتمنى ماتزعل مننا كلنا نحبك ونخاف عليك

sabra2009
الله يجزاك خير والحمدلله صابر وراضي بنصيبي
وبالعكس كلامك راح يفيدني كثير

فيني هدوء الكون
يعطيك العافيه وديتها لاكثر من شيخ وقرى عليها

أميرات
الله يعطيك العافيه على كل ردودك وبالعكس كلامك ما يزعل ابد
دائما تنبهيني لحاجات ما كانت تخطر على بالي ونتظر ردودك وعارفه بموضوعي من الاول

الملاك يونا
وش فيك معصبه علي السالفه مو اغتصاب انا لما كلمتها كانت في حاله نفسيه سيئه
والله العظيم انها تنعذر واقدر اقول لها قومي واهي قالت اذا تبي الشي هذا قم بتصير
بلا اي انسجام ابد ولا لها طعم قلت طيب ووضحتها كيف ابيها تكون قالت خلاص براجع
دكتورة نساء قبل


ام قرنين
لا تلوميني والله اني احس بحيره من جهتها وجهتي وكنت افكر براحتها عشان ترتاح وتريحني لكن راح اتخذ قرار
وفي بالي الحين بعد تفكير واستخاره

demise
يعطيك العافيه على ردك وقسم بالله العظيم اني سمعت من احد زملاي نفس كلامك بالظبط ما بتتاكد
الا لما تجرب الحياه مع غيرها وبتشوف مع اني طول الوقت اللي راح اطنش اي شي اسمعه واكون انا مقتنع
ومتخذ قرار وانا متاكد فيه عشان ما اندم والحين صار تفكيري اكبر من العلاقه من كلام وحنان ورمانسيه واهتمام
انا كنت اقول يمكن اذا راح هالحاجز تظبط الامور الباقيه عشان كذا احاول واهي تفكيرها العكس تبي تظبط
نفسيتها بالاول عشان باقي تظبط هذا ما لاحظته من كلامها انت تبيني اتغير 180 درجه يعني انا اظغط عليها واهي لاحول ولاقوه


امير زمانه
انا ماني متهاون المرض وعارف ان اللي فيها عين ووديتها لاكثر من شيخ وقريت عليها صح ما طولت لكن اكثر من شيخ
قال ان اللي فيها عين ووضعها بسيط تستمر على القرايه بنفسها واهي تستمر واخذنا علاج حتى قال لو تودونها لدكتوره
ووديتها ولها اكثر من 7 شهور تتعالج من علاج وجلسات متفاوته نعم متحسنه لكن مو من اهتمام من مشاعر وكلام
ورغبه لا قايمه بواجباتها المنزليه شي بسيط حتى لما طلبتها بهالشي علاقه ما لها نفس وتتضايق وقالت انت
تقول لي بخليك على راحتك حتى اتحسن وما يعنيلك اي شي بتحسني الا بالشي هذا تقصد العلاقه عندها عقده
اليما ترتاح نفسيتها واهي تبي هالشي حتى قالت لها انا لو ما ابي هالشي وعارفه ان الزواج كذا كان قلت لك
بجلس في بيت اهلي ارتاح واريحك الله يعطيك العافيه

هلا امير زمانه
والله مدري من بعد اللي صار ما سويت شي ومخلي الامور ماشيه
حتى امس ابد جلسنا مع بعض وراحت نامت حتى انا ما كنت يمها افكر بوضعي


ما قصرتوا جميعكم لكن انا هالايام والله ان فكرة الزواج داخله براسي ويمكن هالاسبوعين راح اتخذ قرار بعد استخاره واستشاره واللي هو اني كلمت الوالده تدور بنت الحلال وان وضعي كذا وكذا وتكون زوجه وعارفه اني بتزوجها وان زوجتي
يمكن تكون على ذمتي او اني اطلقها شي راجع لي وتجس النبض للي بتقدم لها

والشي الثاني اني في حيره من امري ولو اني ودي ما اتخذ قرارا الا بعد ما اشوف هل تبي تراجع الدكتوره
عشان الشي هذا او اني اتوكل على الله مع ان القدره الماليه على فتح بيتين شوي الظروف صعبه
لكن شسوي ابي حياة ووحده تسعدني اكثر من اني ابي اسعدها اليوم جالس مع احد زملائي وصديق لي الروح
بالروح وانا اتكلم معاه وقلت له انا احتمال اشوف لي زوجه وقلت اذا تعرف احد قال عندي لك اختي
واصفطها لك ومدرسه وهو من زملائي بالعمل وقلت ترى انا وضعي كذا وكذا واني متزوج ويمكن تظل معاي وقال لا تسرع الا لما تشوف وضعك صح قلت طيب تزوجوني وانا متزوج قال انا ما ادري عنها بس حسيت انهم ما عندهم مانع
مع اني ما جبت طاري النظره بس مبي استعجل الا لما ادرس الموضوع
وااذا صار انا ما ودي اقول لها اخليها على حالها تدري بعد ما يصير اني خطبت خلاص عاد اذا طلبت الطلاق شسوي اسرحها يمكن ربي يسعدها
والله ان القدره الماديه الله يعينا على القرض شنسوي افيدوني هل انا على صح ووش اللي لازم اسويه خلال هالاسبوعين

__________________
أستغفر الله اللذي لا اله الاهو الحي القيوم واتوب اليه

سامحني اخوي بس انا معصبه عشانك

شوف صديقك قول له انك بتخطبها وروح شوفها النظره الشرعيه يمكن مايعجبك شكلها بعد
وبعدين كلم زوجتك خبرها انك تحبها ووكذا بس مضطر تتزوج عشان تستر على نفسك
وعشان هي ماتتعقد وتتعب ....!!!!

وعلمها انك بتخطب خلال هالاسبوعين ..
روح شوفها وان اعجبتك توكل على الله وصل استخاره
ومبروك عليك مقدماً لانك بتعيش الحياة الزوجيه من اول ليله ان شاء الله
بس بشرنا بالتطورات

وماقلت لنا زوجتك وش سوت لما رجعت من برى؟
شفتها متكشخه؟ وش شعورك؟؟
كيف تقدر تفااومها حتى لو انها قرد ... اهم شي انثى
كيف تحملت ماتلمسها؟؟ استغرب والله

المعذرة أخ مظلوم الحب على المداخلة ولكن شدني رد الأخت الملاك يونا

أشعر أنها أسئلة فضولية جداً مع احترامي .. وماذا يعنيك هذا ؟

من العيب أن تسألي مثل هذه الأسئلة المحرجة !!

أين الحياء ؟

تخيلي حرمه تجي تسأل زوجك نفس هذه الأسئلة ..

حتى ولو كانت مشكلة في منتدى وخلف اسماء مستعارة علينا احترام

خصوصيات الناس وحرماتهم لـ ربما كانت زوجته تتابع هذا الموضوع !!

وتقولين ( قرد ) حرام والله !

اقرئي رده على أمير زمانه :

اقتباس:

حتى امس ابد جلسنا مع بعض وراحت نامت حتى انا ما كنت يمها افكر بوضعي

شفاها الله وأصلح ذات بينهم !!

__________________

أخي: مظلوم الحب
يرجى منك مراجعة موضوعك في قسم مراسلة الإدارة للضرورة

__________________
سبحان الله و الحمد لله و لا حول و لا قوة إلا بالله
.

رغم كل الصعوبات ... استمتع بجمال الحياة ...

::

كان الله في عونك وفرج همك وأصلح حالك

أسأل الله أن يفك عنك ضيقتك ويشرح صدرك في هذه الليلة المباركة ليلة الجمعة

__________________
حسبي الله ونعم الوكيل

اسمحيلي اختي
انا بصراحه اول مره اقراء هالمشكله
بس والله بحياتي ماشفت ردود مثل كذا

يعني اشوف مالها داعي انك توضحين اكثر
كلام جرئ خلاص مافيه حياء
خير الكلام ماقل ودل قوليله مثل حياه اي زوجين والكل عارفين ايش يعني زوجين
ماله داعي هالتوضيح