[quote=ابي رضاه;2254019]التفاصيل كالاتي
موعد الاسبوعين انتهى وكان لازم يكون رد
طلعت لي كم مشوار جوالي مقفل اول مافتحت الجوال القى مكالمات من خارج المملكه(اخت زوجي)
ارسلتلي انو نحتاج نتكلم ارسليلي اذا فضيتي
ارسلتلها انا فاضيه الان
ردت انو عندي مشوار ساعه وابيك بهالساعه تكتبين لي بورقه محاسن وعيوب علاقتك انتي وزوجك(اخوها)
قلت من عيوني
اتصلت وبدا الكلام يجر بعضه قالت انتي وش تبين قلت انا ابي يتغير ويغير اموره ابي تقدير ابي احترام انا لي حقوق ومطالب كزوجه وابيها
قالت هو يقول انه مهما سوى مايعجبك
وانك اغلب المشاكل تنتهي بابي اروح لاهلي
وانو احس اني مو كفو لها
مااعرف وش تبي....
اكثر ما يحز بخاطر الرجل هو هذا الكلام , ويصنع فجوة كبيره بينه وبين زوجته , وهذا الكلام من الاخطاء الكبيره للزوجات .
وانو ماراح اكلمها لانها ماراح ترد علي
وانا مااقدر ارجع للحياه الا كنا عايشينها تعبت وتعبت لازم يكون في تغير
يعني زوجك يريدك ويحبك , لكن يجب ان تتغيري وتتلافي اخطائك وهو ايضا عليه ان يتغير ويتلافى اخطائه .
قمت انا بدوري ابرر لاخته قلت فيه امور خاصه بيني وبينه مااقدر احكي فيهاا قالت ايش هو بارد جنسيا"قلت لا واعذريني مااقدر احكي
بس كل متزوجين حياتهم الجنسيه مهمه(وسكت)
قالت انا ابيكم انتوا تحكون مع بعض ماابي الاهل يدخلون وابيكم تروحون لمستشار زوجي
بما انك في بيت والدك فلا بد ان يتدخل في الموضوع , بدون التطرق منك لأخطاء زوجك المخجله علنا امام الناس , وناقشي معه موضوع الافلام والعاده السريه على انفراد , وقولي له اذا تكررت هذه الأخطاء منك مستقبلا فاعذرني سأكون مضطره لأخبر والدي بها , لكي لا يلومني على الطلاق لو طلبته مستقبلا لا سمح الله .
ويمكن بعد عودتكم الى بعض ان تذهبوا الى مستشار اسري لمساعدتكم على حل مشاكلكم .
قالت انا طول هالفتره مااعرف وش اللي صاير ولو اني داريه كان تدخلت ما كنت عارفه انها وصلت لهلامور اي للطلاق ..زقلت ليش هو ناوي قالت يقولون خلاص هي وصلت كذا وانو انتي ماحكيتي يعني موافقه
قلت لا انا ابي تتغير حياتنا للافضل بس نبدا بانفسنا
وانا مستعده اتكلم معاه الان اتصلي عليه وقوليله قالت طيب
رجعت ارسلتلي رساله تقول مارد عليها بس اذا جاء او بيجي حسسيه انك تبين الامور تنحل وتزين وروحوا لمستشار لازم
قلت بيني وبين نفسي خلاص ابي اتصل عليه واتصلت مرتين جوالك مقفل(بس حاط موجود يعني حيعرف انو متصله عليه)
لا تتصلي عليه , ودعي والدك يرتب لك عودتك .
ارسلت لاخته انو مشكوره عيوني تعبتك معاي وانا اتصلت عليه جواله مقفل(خلاص)
بعدها بخمس دقليق اخته الثانيه تتصل هلا وشلونك ومن هالامور
وسواليف عاديه وبما انها موجوده هنا بنفس المنطقه اللي انا حالين فيها قلت شلون اخوك قالت اخر مره كلمته الاسبوع اللي فات ويقول مافي جديد
قلت احنا على موعدنا ابوي ينتظر جيته انتهت مده الاسبوعين والتاخير مو بالصالح
قالت دام انه حدد خلاص اكيد بيجيكم خبر منه او من الوالد
قلت هو وش يقول(زوجي) قالت مره متلخبط من بدايت ماوداك لاهلك وشارد الذهن وكل ماحاولت احكي معاه تمسكه العبره ومره يسكت مره يقول ابي اتركها يمكن تعيش سعيده مع غيري وانا كذالك ....ورجعت تقول قبل اسبوع لما اتصل علي مره حزين وصوته متغير
هذا دليل واضح جدا على حبه لك وتمسكه بك .
قلت طيب وبعدين ليش مايحي ونشوف موضوعنا قالت يقول يبي وقت قامت تنصحه بالدعاء.....
قلت شوفي قوليله هذا الموضوع يخصني انا وياه ماعاد ابي وسيط قوليله انا اتصلت وانتظر اتصاله بكره او اذا مايبي يتصل انا اتصل عليه
هذا تصرف خاطئ منك , كان ممكن يكون صحيح لو انك ما زلتي ببيتك , ولكن بما انك في بيت والدك , فلا بد ان والدك يتدخل ولا تتصلي على زوجك , لكي لا تزيدي الامور تعقيدا , فمحاولة حل الموضوع بنفسك وانت في بيت اهلك قد يخسرك دعم والدك لك .
قالت خير انشالله.
شوي تجيني رساله من اخته اللي بالخارج تقول ارسليله رساله حلوه من قلب زوجه تحب زوجها يله بادري وحاولي انتي تصلح الامور(((لحد الحين ماارسلت)))
لا ترسلي
شوي بعد ساعتين ابو زوجي يتصل على ابوي يقول انو تاجل موعد المستشفى حقه كمان اسبوعين
وانو الولد يبي وقت يفكر وانو احنا نبيهم هم يتكلمون مع بعض من غير تدخلنا
لماذا قال والده ذلك وسبق ان طلب نفس الطلب سابقا ؟ لأنه يعرف اخطاء ابنه المخجله , ولا يريد ان يعلم بها والدك , فقدري وضع زوجك .
شوي يقول انت كلمها(يقصد انا) يقصد فهما وعلمها وش هي غلطانه في قال ابوي لا اذا فيه شي ينحكى ينحكى بالمجلس ببيتي
لماذا اصر والدك ان يكون الكلام علني امام الجميع في بيتكم ؟
ليس لأنه يعلم عن اخطاء زوجك المخجله , ولكن من اجل ان يعلمه كيف يحترمه ويرد على اتصالاته .
قال ابوه بنشوف هو مازال يفكر
يفكر بالعذر الذي يحفظ ماء وجهه
وجاي انا بعد اسبوعين رد ابوي قال((((على راحتكم))))
جتني امي قالت اتصل على ابوه وقوليله وش السالفه بالضبط,اتصلت على عمي قلت ياعم انا واقعه بين زوج وابو
وانامنحطه بموقف محرج
قم يهاوش عمي انتوا طفشتونا الله يهديك ويهديه كلكم غلطانين كل شهر وانتوا على هالموال هو يقول يتناقش معاك وياخذ ويعطي وساعه وتنقلبين ورفعتي صوتك وسمعوك الجيران ووووو
قلت ياعم المشكله انت ادرابها انا ابي احترام وتقدير ابي ميرضي الله ورسوله وانت تدري وش المشكله الخاصه (الافلام)
بما ان والده يعلم عن موضوع الافلام ولمح لولده عنها , أرى ان تكتفي بتأنيب والده له , وقولي لعمك : يا عم فهم ولدك بأنه اذا تكرر منه هذا الموضوع مستقبلا فلن استطيع العيش معه وستكون نهاية حياتي معه , وقولي لعمك ايضا انك تثقين به كثيرا وتثقين بتأديبه لولده وتوبيخه له , وانك لن تتطرقي لموضوع الافلام والعاده علنا امام والدك وانك ستناقشين هذا الموضوع مع زوجك على انفراد ولن تفضحيه عندما يأتون اليكم للصلح , وتوقعي الشخصي أنه بمجرد ما يثق زوجك انك لن تحرجيه بموضوع الافلام والعاده بشكل علني , سيأتيك ان شاء الله مثل الصاروخ طالبا الصلح , وانا متأكد والله اعلم ان هذا الموضوع المحرج هو ما يجعله يتردد كثيرا بالمجيئ والبحث عن الاعذار .
قال انا لمحتله وقلتله وجبتها من بعيد
وانا ادري ولدي لسه وصخ ولازم يتعدل بامور وانتي برضوا قلت ياعم انا ماابي اتعلق لازم ينحل هالموضوع
موقف والده ايجابي في الموضوع
قال يابنتي الولد يقول مايبي يرجع وترجع المشاكل اللي قبل قلت ولا انا انا ابي تغير اكثر منه ابي اغير ويتغير
قال خلاص انا بكلمه واقوله هالقول الطيب ونشوف قلتله كمان ياعم تراني اتصلت عليه وحاولت بس جواله مقفل ولاابي اهلي يدروووون وسلامتكم............
سمعت امي اني اتصلت علي قامت تهاوشني انتي تبين تذلين نفسك وتذلينا احنا نبي الحقوق ونبي نردك بكرامه وانتي تبين العكس تبين رايي خلاااااااااااااااااااااااااااااااااص تطلقي والله بيعوضك السالفه تخبصت وكلن قام يعطي من عنده وكان الحق مع ولدهم وهو اللي جابك وراح
السالفه لا تخبصت ولا شي , افعلي مثل ما قلت لك , وان شاء الله تنصلح اموركم .
ما منعني من ابداء رأيي سابقا بموضوعك , هو عدم وجود مستجدات تستدعي التدخل , ولكن بعد المستجدات الاخيره , هذا رأيي واسأل الله لكم التوفيق .
14-10-2009, 04:38 PM
استغفر الله العلي العظيم انا قلت لك هذا اللي اتوقعه 
ضوابط المشاركة
العرض العادي
