انا برد على كلام العضو الجديد وله كل الإحترام بش بش وبقول إن زوحته عنيييدة ومو من النوع اللي بيتهدد وماراح ينفع معاها متل هاالنوع من الكلام ياللي راح يزيد الطين بلة وهذا راييي مع كل احترامي لرأيك

أخوي أحبها

أمس الليل من جد ما قدرت أنام ، بس أشوفك إنت و زوجتك في الحلم .. من جد
و في فمي كلام أبغى أكتبه من أمس ، من يوم قريت ردك


أخوي ..
إنت قلت في البداية إنها من غير أي سبب ، راحت لبيت أهلها و إنك ما زعلتها ..
ثم سألوك بعض الأعضاء ؟ إيش عيوبك إنت ؟ من إيش تشتكي هي ؟
و ما قلت لنا إلا الأمور السطحية و العادية و اللي ما تستاهل الفراق و كذا

و اللي عرفته إنك انسان ( عصبي ) .. مثل ما قلت لنا زمان ..
بس في ذا الموضوع ما قلت لنا إنك عصبي مع زوجتك وقت الغضب ؟


بس ردك الأخير ، كتبت إنك إنت و زوجتك تخاصمتوا .. و هي غلطت لإنها كل شوي تهددك
و إنت رديت عليها ( يا شيخة روحي بيت أهلك وبدالك فرفورة صغيرة تسكن في البيت الجديد وورقتك توصلك )

.
.

معنى كذا ، إنه أصلا حصلت مشكلة بينكم ..

مو إنها من غير أي سبب راحت لبيت أهلها و هددتك بالطلاق من غير أي سبب
و اللي خلى أغلبنا نفسره ، بإنه ( استغلال ) عيني عينك ؟؟؟؟؟؟؟

و اللي زاد الطين بلة ، إنه أبوك و أبوها تدخلوا في الموضوع ..
و هذا غلط زوجتك ، ليه تدخل أبوها و تخليها تكلم أبوك ؟

هل إنت غلطت على أبوها مثلا و لا هددتهم بشئ ؟
فقاموا يكلموا أبوك ؟


عاالعموم ..
مشكلتكم مو مجرد استغلال و كذا مثل ما فهمت قبل ..

مشكلتكم إنت و زوجتك ، إنه كل واحد أعند من الثاني ..؟؟؟؟؟
و ما عندكم طريقة للحوار ، إنت عصبي و هي عنيدة


بأغير رأيي دحين ..
و أقول لك ، لا تستعجل بالطلاق ..

كلمها بهدوء و وضح لها إنت ليه تكلمت بالجملة هذيك و بين لها فين أغلاطها
و إنها كل شوي تهدد بأهلها

و لازم كل واحد فيكم يتنازل للاخر ، هي تكبر عقلها و تتنازل عن عنادها
و إنت تمالك أعصابك و تحكم في عواطفك

سبحان الله ان من زمان ماتصفحت النت وكتب ربي اشوف موضوعك امس في الليل..
اخوي محد بيحس بجرحك الا اللي انجرح بمثل هالجرح..ترددك وخوفك وقلقك وقلة نومك وفزعك اثناء النوم وحتى احلامك اكيد متعبه ومفزعه..وتفكيرك بصغارك اللي كنت كل يوم تشوفهم وتسمع ضحكاتهم وبكائهم وصرخاتهم ويجونك يطيحون في حضنك واول ماتدخل من دوامك يتهافتون عليك واكيد تفكيرك مانسى زوجتك في كل لحظه كانت مطيعه لك ومبتسمه وكنتم مبسوطين في غربتكم وبعدكم عن اهاليكم_وفي داخلك عايش تناقض وصرخات محد قادر يحتويها ويلملم شتاتك ويحس بك..تحاول اوقات تفكر فيها بكل عيوبها وبكل اساءه اساءتها لك لاجل تبعد تأنيب الضمير عنك في حال طلقتها..صح؟
اخوووي حاسه فيك وبكل طعنه انطعنتها وبكل صدمه تجيك من وقت لوقت لوجود تشابه بين قصتي وقصتك..الفرق بيني وبينك انك انت رجل والمتسببون اهل زوجتك وانا امرأه والمتسببون اهل زوجي مريت بنفس اللي مريت فيه وعانيت وذقت الويل وتجرعت المر وانهنت وانحرمت من صغاري..الى نهاية قصتي.
لكن اللي كان يريحني هو ربي سبحانه..سكنها علي وبث في داخلي هدوء عجيب كل اللي حولي مستغربينه وهذا من اثر الدعاء سبحان الله وكان بداخلي ثقه عمياء بااني سوف انتصر بالنهايه لاني وكلت امري وفوضته لربي واحسنت الظن به سبحانه وتفائلت بالخير..فكنت بكل خطوه اقدم عليها استخيره..بمجرد ماابدأ بالقلق والشكوك والاوهام اقابلها بالاستغفار لين ينتحر هالشيطان اللي كان سببها..داومت على قراءة القرآن مصحوباً بالاستغفار والصدقه..تحريت كل وقت اجابه فكنت اصلي ماتيسر وادعي واشكي لربي همي وحزني وافضفض له والله الذي نفسي بيده بعدها ارتاح راحه عجيبه واقبل على الدنيا وكاني لم اعاني ولم اطعن والاصح لم اقتل من ذلك الرجل الذي كنت ادعوه بزوجي..ذلك الرجل الذي احببته وكان مصدر الامان لي ولصغاري..ذلك الرجل الذي ارى في عينه واستشعر منه محبته لي..الخ يالله قصتك فتحت علي جروح ابكتني في هذه اللحظه..ياربي لك الحمد.
يااخوي اذا دعيت فلا تنسى هذاء الدعاء(اللهم ان كان في زوجتي خير لي ولذريتنا وكان فيّ خير لها ولذريتنا فاكتب لنا عودة الى بعضنا،وان كان في زوجتي شر لي ولذريتنا وكان فيّ شر لها ولذريتنا فابعدنا عن بعضنا واخلف لكل منا خيرا )،(اللهم يامُألف القلوب الف بين قلبي وقلب زوجتي)،(اللهم اني اسألك ان تَعفني بزوجتي حلي وحلالي عاجلا غير آجل)(ياوليي في نعمتي وياصاحبي في وحدتي وياعُدتي في غربتي)(اللهم سخرلي زوجتي كما سخرت البحر لسيدنا موسى عليه السلام،اللهم الن قلبها لي كما ألنت الحديد لداود عليه السلام،اللهم يسر لي كل صعب وهون علي كل عسير وارزقني من الخير اكثر مما ارجو واصرف عني الضّر والسوء بحولك وقوتك واصلحلي ذريتي وهب لي من لدنك ذريةً صالحة ياوهاب ياذا الجلال والاكرام)(اللهم انت ارحم بي من امي التي انجبتني وانت ارحم بذريتي مني ومن امهم التي انجبتهم فلا تجعل شياطين الانس والجن تفرق بيننا وتهدم بيتنا،اللهم اجمعني بزوجتي وذريتي في بيتنا عاجلاً غير آجل ولم شملنا واجعل بيتنا عامرا بذكرك محيياً لسنة نبيك ياأرحم الراحمين يارحمن الدنيا والآخره اللهم اشملنا برحمتك التي وسعت كل شيء ولاتحرمنا منها ومن عطفك وكرمك ومنك يالله) داوم على الدعاء فالدعاء يرد القضاء وبه تتغير الاحوال فالله يغير ولا يتغير سبحانه وكفيل بأن يغير زوجتك لأن تكون زوجه صالحه من كل الجوانب.الح بالدعاء واخشع واذرف دموعك وان كنت ترتكب اياً من المعاصي (كسماع الاغاني) فاتركها لوجه الله وتاكد بانه سيعوضك خيراً من هذه المعصيه بشيء يحبه قلبك وتهفو له نفسك مما يرضيه سبحانه.وبقولك الحل اللي يجمد على الشارب..اقطع عرق وسيح دم.. حط النقاط على الحروف..فاانت الرجل وسيد الموقف..
اتصل عليها في وقت تكون ضامن بُعد امها وابوها عنها ولاهم جنبها وليكن ليلا..قل لها بالحرف الواحد اسمعي ولاتقاطعيني(يابنت الناس انا فلان اللي تسمعين صوته ماعاده فلان الله كنتي تعرفينه ماعادني ذاك الانسان الطيب اللي كان يشتريك بالذهب_اذا حاطه في بالك انك تلوين ذراعي بطلبك الطلاق فاانتي غلطانه انتي يافلانه ماشفتي الا جانبي الطيب لكن من يرشني بالماء ارشه بالدم ولاتحطين في بالك ان المحكمه اللي حكمت لك بالحضانه اللحين بتحكملك بحضانة عيالنا اذا كملوا سبع سنين ولاتفكرين اني بخليهم يتربون في بيت غير بيتي مجرد ماتكمل البنت سبع سنين باخذها وابن امه يفتح فمه واولهم القاضي والولد بيلحقها بالطريق..وانا متصل اعطيك اخر فرصه تصلحين فيها خطأك اذا في نيتك ترجعين واولها تعتذرين لي قدام اهلك وعمامك وخوالك وتعتذرين لي قدام اهلي وبعدين قل لها هالكلام اللي بيخليها تصحصح(اذا انتي دليتي طريق المحاكم فاانا يافلانه بعد ادله واقدر اطلبك لبيت الطاعه وانتي واهلك عيونكم تناظر وافواهكم منخرسه..واذا جبتك وربي لاعلمك منهو فلان واربيك من جديد وكل وسائل الاتصال الخارجي بقطعها عنك وبصبحك بعذاب وامسيك بعذاب والله ان تشوفين فلان ثاني عمرك ماشفتيه ولاسمعتي عنه)
وبعدها قل هذا انا عطيتك خيارين وانتي اختاري ومع السلامه وسكرها بدون ماتسمع منها اي كلمه انتبه تلين وتسمع منها اي كلمه ولا ترد عليها ابد في حال اتصلت لاترد اول يومين وبعدها رد عليها بنبرة صوت حاده وسو نفسك مشغول واذا خلصت كلامها بتنتظرك تتكلم وترد على كلامها خلال المكالمه فانت قل اكلمكم بعدين انا حاليا مشغول ومع السلامه..منها تبين لها انك جاد وانك ماشي بحياتك من دونها ومنها ترد على كلامها بعدين وانت هادئ.(واذا تدخل احد بينكم فرد عليه بنفس ماترد عليك اذا دخلت احد من طرفك وقل لااحد يتدخل بيننا)
وفي حال رجعتوا لبعض ورجعت المويه لمجاريها وبدت العلاقه بينكم تاخذ مجرها اجلس معها وقل لها..
دامك رجعتي معك فرصه سنه تتعدلين واذا ماتعدلتي ما احد يلومني بعدها اذا تزوجت الثانيه واول شيء تتعدلين فيه اسرار بيتك ياحرمه ياعاقله يافاهمه ماتطلع حتى لعيالك وان طلعت بيوم من الايام لاحد من اهلك او قريباتك او صديقاتك اعرفي انك هدمتي بيتك بيدك وثانيا: احفري هالكلام اللي بقوله بين عيونك..انا الرجال وانا الآمر الناهي وانا ولي امرك اللي ترجعين لي بكل كبيره وصغيره.فهمتي زين يافلانه..<<ادري سبقت الاحداث لاني واثقه بان الله سيصلح حالكم ويرأف بصغاركمانتهيت بحمدالله..هذا رأيي فاان اصبت فمن الله وان اخطأت فمن نفسي والشيطان والله يصلح ذات بينكم ويصلحها ويهديها وياك ويصلح بين كل زوجين متخاصمين يارب.
ولاتنسى اذا رحت للمحكمه طول الطريق ردد(اللهم اشرح صدري ويسر امري واحلل عقدةً من لساني كي يفقهوا قولي واجعلي ولياً من اهلي(ابي)في حال راح معك ابوك)_وبالنسبه لقصتي المشابه لقصتك فكانت نهايتها نصر وعاد الي زوجي وشفت بعيني اللي ظلموني شلون ربي اخذ حقي منهم وتصدقون ياللي تقرون هالسطور ان زوجي له سنه ماكلم اهله الا بالعيدين يعيدهم واذا سافرنا لهم(بحكم اغترابنا عن اهلي واهله اللي هم بنفس المنطقه)معاملته لهم جاااااافه جدااا وغيرها من الامور اللي ضيقت صدري وحزت في خاطري ..الخ من التفاصيل الكثيره في قصتي:14:
والله يفرجها عليك وعلى كل مكروب ومغبون من المسلمين اجمعين.

زي ماقلت مهزززززززله .. الله يكون بعونك ..

لانك سكت لها تماااااااااااااادت ..

لاتطلق وسوي نفسك طيب وحنون ورجعها وخذ حقك منها وطلع كل اللي سوته فيك ..
مافيه شيء بالغصب .. لاتطلق ..
فكر كم خسرت عليها 10 آلاف رضوه وطقم ذهب وفستان ب3000 وايفون وساعات واكسسوارات
ماتستاهل وربي .. وبهالسهوله يبونك تطلق
خلها تخلع وترجع لك المهر الدنيا مو سايبه ..

وفي هالفتره دور لك بنت الحلال واخطبها . .
وخلها تعرف ان الله حق ..

__________________

شوف اخي لاتطلق زوجتك تحت ضغوط اهلهاولو كانت تريد الطلاق لما طلبت الخادمة ربما تريد الخادمة لتعرف اخبارك لاتهددها بشيء ولاتساوم من اجل العودة عاملها بما يرضي اللة قدم واجبها وواجب اطفالك وارسل لها الخادمة لانها ستخدم اولادك انت ذكرت عيب كبير فيك انك تغار عليها والغيرة في حدود المعقول لاتضر لكنها اذا زادت عن حدها انقلبت الى الشك وهذا يجعل الانسان يحس بالاختناق ربما هذا هو السبب والدليل انها احضرت شريحة لتكلم خالها ويبدو ان خالها قريب من سنها وليس هناك اي مشكلة في مكالمتها لخالها الانسان بحاجة الى ان يتكلم مع انسان يرتاح لة وهي اختارت خالها لم تختر امها او اباها لانها لاتريد ان تخبرهم بشيء وكونك تغير عليها حتى من مكالمتها لخالها معنى ذلك ان هناك عيب كبير فيك وليس مجبرة ان تريك رسائل خالها ربما عندة مشكلة لايريد احد ان يطلع عليها وهو يقولها لابنة اختة ليس من حقك ان تطلع عليها ومن الاعضاء من يقول انهم يستغلونك استغلاك وهي زوجتك اسهل من الطلاق لانة في حال الطلاق لم يعد هناك مجال للاستغلال حاول ان تكلم زوجتك واعرف السبب الرئيسي الذي تطلب الطلاق لاجلة واجعل الاحترام بينها وبين اهلك وبينك وبين اهلها هناك اشياء صغيرة وتافهة كما تقول تتراكم وتصبح مشكلة كبيرة لان المشكلة الكبيرة نحاول حلها مباشرة اما المشاكل التافهة لانعيرها اهتماما وهي في الواقع هذة المشاكل تكون القنبلة الموقوتة راجع اخطأك وكن صريح مع نفسك انت ترضيها ماديا ربما لانة حصل خطأ في حقهاومادمت تحبها وهي تحبك ستحل مشاكلكم بعيدا عن الاهل وفقكم اللة

بارك الله فيك
هذا الكلام الي محتاجة صاحب الموضوع لم الشمل بالهدوء وليس بالعناد
مهما كان هذه ام اولادة وعشرة وباين عليها تحبه وهو ايضا
ان شاء الله يلتم الشمل ونسمع الاخبارة الطيبه

__________________

اشكر كل من شارك برأي او نصيحة أو تعاطف واعتذر من الجميع على عدم الرد خلال اليومين اللي راحت لانشغالي بظروف السفر والتأخر في المطارات ولي عودة بإذن الله دمتم في حفظ الرحمن0

لم أقرأ جميع الردود بيد أن ردّ الفاضل (البليغ) والأخت - أظنها أخت - الفاضلة (bint Q8) هما يوافقا رأيي
وأنت قلتها عنوانا لك "مهزلة"
ومذ قليل قلت في ردّ لموضوعٍ أخر كيف أن حالكم عجيب أيها الرجل من تسوؤكم الذل تركضوا خلفها وإن كانت فاضلة صارت المعادلة العكس !
حقا أشعر أني لم أعد أثق بكم وكأن قلوبكم صارت مكان عقولكم !
أختم قولي اليسير هذا بقول الشاعر : ومن يهن يسهل الهوان عليه ......

وعذرا إن قسوت عليك .

__________________

.
من الشجاعة أنْ لاتهاب الرجوع

يارب كل من لديه هم فرج همه ويسر أمره
الله يسلهاعليك ياخوي من فوق سبع سموات وكلما تمسكت أكثربالله زادك صبراوحكمه
وكن هينامتعلقالكي لاتندم

ربي لاتجعل صدمه لي في دنيامن أعزماأحب فلاأقوى على التحمل

انا اشوف اخوي ان اذا مافي سبب قوي ومقنع للطلاق وهي طالبة الطلاق بدون سبب ارى انك تطلقها طلقة وحدة عشان تعرف ان هدي الكلمة مو لعب عيال والا بتجلس تذلك وتلعبك لعب ...