بطلة ياكنافة
الحضن حركة جميلة..

حلوو تتصرفين بعفويتك التاااامة متجاااهلة تماما تعليقاته
صعب جدا اعرف
لكنها بالنهاية راح توقف الاستفزاز بإذن الله

جميل ان الانسان يهمل ردود افعال الخلق ويتعامل مع رب الخلق



- يقولُ اللهُ عزَّ وجلَّ ابنَ آدمَ لا تُعْجِزْنِي من أربعِ ركعاتٍ أولَ النهارِ أَكْفِكَ آخرَهُ


الراوي:
نعيم بن همار الغطفاني
المحدث:
الألباني - المصدر: إرواء الغليل - الصفحة أو الرقم: 2/216خلاصة حكم المحدث: إسناده صحيح وهو على شرط مسلم
بعض العلماء فسرها الفجر مع نافلة الفجر
وبعضهم فسرها بصلاة 4ركعات ضحى ..

احسنتِ كنافة !

و يا حبذا لو تبعثين له رسالة نصية جميلة ...!!

__________________
أشهد أن لا إله إلا الله و أشهد أن محمدا رسول الله صلى الله عليه و سلم

رساله نصيه جميله قبل النوم بليزززززز

لا زوجك مريض نفسي و لا فيه خلل و لا انتي مافيك انوثة

السالفة هي ان زوجك يبي زوجة تنتظر جيته ع نار تنظره حتى تحضنه و تعبر عن شوقها باختصار يبي زي اللي نشوفه ف المسلسلات ، كثير عليه ؟!!
لا و الله مو كثير

و لما ما يحصل هالاهتمام الأنثوي يقلب الى انسان لسانه متبري منه "تعريف الانوثه عندهم هي الرغبة فيه و عدم الصبر عنه مو كلها دلع و ميوعة و بكاء "

و انت مشكلتك راسك يابس ووقت الزعل الكلام يؤثر فيك


ما عليه حبيبتي تنازلي لاخرر مررره
و دامك عند اهلك استغلي الوضع و ارسلي مسج انك ما تحبين تبعدين عنه حتى لو كنتم في لحظات خصام

و كمان اذا رجعتي البيت من اول ما تدخلين مع الباب توددي له

كنافة وضعك جدا طول مع ان الحل بيدك و يرحم والديك لا تقولين غلط عليّ و قال لي و اهانني و مدري وشو
هذا زوجك عادي و قدري وضعه و فكري ان ممكن هالمره كل شيء يتغير

هذا انت اكيد بيوم زعلتيه و مع هذا ما يبخل عليك بشيء

يا انتظار هو يشوفني غير عن الاناث
بكل شي مو بس الرغبه
تخيلي من فتره جا طاري الرقص
قال: ماتعرفين! كل البنات يرقصون الا انتي!
يعني معتبرني جاهله بابسط الامور
مع اني ماقد جربت ارقص عنده (استحي)
ولا ارقص بمناسبات اهله
لاني اخاف تخرب كشختي واناقتي
فصارت شخصيتي بنظره : جاده وثقيله

ببدايه زواجنا كنت اتدلع كثير
وكان يقبل علي.. لحد ماجبت بنتي
مع المسؤوليات صرت جاده ومهمومه
واذا بيوم تدلعت
قال لي: بلا تصنع او خلاص كبرتي (تحطيم)


على اساس امس صراخك على بنتك يلعلع
واليوم فجأه صرتي كيوت ودلوعه
بتفكيره.. ماتجي ابدا
وهو ناسي اني بشر ولي طاقه
مره انضغط ومره اروق.. شي طبيعي


انتي تقولي يبغى زي المسلسلات
ياليت!
هو يبغى اكثر من كذا
زي افلام ابيض واسود

مشكورين على فكرة المسج
بس صعبه
لانه بيعتقد ان اهلي معقليني (حسب كلامه)
دايما هو يتصور اني واهلي مشغولين فيه
وهم مادروا عنه اصلا
او يتصور اني مو مرتاحه عندهم

فبخليني عالصامت احسن
فرصه نبعد عن بعض 24 ساعه
يمكن يخف الضغط النفسي

اخر تطوراتي
انا راجعه بيتي امس
كان لطيف ويسولف شوي بالسياره
بس ولدي امس تعبان
جنني بالليل
وزوجي نام بالصاله عشان وراه دوام

اليوم الصبح دق يطمن علينا بعد امس
ويسأل عن الولد
طمنته وشكرته لسؤاله
جا العصر من دوامه
قمت احضنه زي زمان (قبل المشاكل الاخيره)
قابلني بجفاء وبرود ودخل ينام
المغرب قلت له حبيبي ابغى امر السوبرماركت
رحنا شريت المقاضي
طلعنا وهو كان يهاوش على شي تافه
اخذت حزمه نعناع
ويقول قبل كم يوم جبت نعناع
ونا استخدمته وخرب ورميته
اول مره يدقق بهالامور

رجعنا البيت
قال لي بصيغه الامر: هاتي الولد
وجلس يلعب ولده
بعدين فتح درج بالغرفه
شاف كريم اليد حقي (علبتين)
قال ليه طلبتي اجيب واحد وعندك ثاني؟!
قلت الاول قرب يخلص
قال: اذا خلص علميني..لاتكدسين الاشياء!

برضو اول مره يدقق بهالشي
انا مارديت عليه بس تغير وجههي
نيمت عيالي
رحت لقيته سابقني عالسرير ومعطيني ظهره
عطيته ظهري
وجلست اكتب لكم


بعضكم بيقول زوجي فاقد العلاقه
بعد يومين بنكمل شهر بعد اخر مره
بس اللي فاقد العلاقه مايسوي كذا
هذا كارهني.. بسلامته
انا مقابله بنتي وولدي
الله لايحرمني منهم ويرزقني برهم

لاتكدرين خاطرك حبيبتي .. اسأل الله أن يسخركم لبعض ويفرج همك يارب..واولادك عندك بالدنيا..

مو يمكن زوجك يغار من أولادك وأهتمامك فيهم؟ ويمكن عشان كذا فكر يجيب لك شغالة!!!

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

متفائلة
ماشاء الله عليك.. الله يسعدك
طيب واذا فز من النوم وعصب 😕

بعدين انا اشك انه بحاجتي اصلا
بدليل افتعاله للمشاكل وصده
يعني حسيته مشتاق اول ما اخذني من اهلي
لمادخلت البيت انقلب شخص ثاني
وانا للامانه من بعد السوبرماركت معبسه
صعب ابتسم بوجه واحد معبس


اول مره يطول الزعل بيني وبينه لهالحد

يا جماعة ردوا علي
خصوصا الاعضاء الرجال
زوجي يحقق طلباتي بشكل آلي
مو بقصد حب ولا تودد
يبغى يفتك باختصار.. طيب وينفذ
ونظراته لي كلها كره ونفور
طيب
هو حاقد علي عشان رفعت صوتي عليه
لماعصبت بعد ماسبني
ولما رميت الدبله وطلبت الطلاق الخ
طيب هذي كلها تراكمات من افعاله معي
هو وصلني لهالمرحله
ومع ذلك مايبي يطوي
طيب والحل.. معلقني وبس!

بعد ماقريت ردود رزان
وطبقتها.. حسيت براحه وهدوء
خفت عصبيتي وتوتري الحمدلله
بس باقي الشرخ اللي بيني وبين زوجي


مايبغاني اكلمه ولا اقرب منه
ولا ألمسه ولا يفكر هو يكلمني
لاول مره من تزوجت احسه كارهني جدا
بكل ماتحمله هالكلمه من معنى
ما ادري يعني بعيش كذا طول عمري والا كيف

هل ممكن الزوج يرجع يحب زوجته بعد مايكرهها