اللهم ابعد عنك التعب والحزن اللهم ارح قلبك وأسعدك سعاده لاتفنى ولا تزول اللهم فرج همك واعنها يا الله وكن معها ياكريم و اكتب لها الخير في الدنيا واﻻخرة.
والله يخلي لك الأميرات ويرزقك برهم 🌹🌹❤

يارب يارب يارب
جزاك الله خير ام تميم
والله اني في كرب عظيم
و الله اني ما اتمنى الطلاق و لا شتات الأسرة
و لسه في مشاعر ب قلبي له
ولاني قادرة اتخطى مصايبه معاي
و احساسي الداخلي ان احنا ما نصلح لبعض و الأفضل الفراق
تعبت تعبت يارب دبّرني و الله اني اكتب و دموعي تنزل ..

مرات اتحسب عليه
ومرات ادعي ب رجوعه ان كان فيه خير لي

بس يظل ب قلبي خوف منه و احساس انه مو سهل ابداً

ابوي ماعاد يتقبل كلمة مني بهالموضوع
أمس صرخ علي قال مالي دخل فيك قلت لك ما يصلح لك
و حتى المحامي يقول نفس الكلام ، و يقول ان قررتي قرار لا تتراجعين ابداً

أمس و اليوم غصب عني مروا علي الأيام و الساعات أثقل ما يكون على قلبي
في نار و اضطراب و غضب و شتات

غضب غضب فيني
احاول اذكر الله و استهدي بالله

لكن فيني قهر
افكاري تروح يمين يسار

__________________

الحمدلله على قضاء يقربني من الله عز و جل.

مستجداتي:
اليوم على اساس ب يرسل رده النهائي على اخوي الكبير
وانا مستمرة حاظرته من كل مكان

و متوترة لي يومين جداً

اتصلت على اخوي الساعة ٦ المغرب قلت له ارسل شي؟
قال لا
قلت عموما اذا ما ارسل .. او ارسل و ساوم و نقض الشروط ب ارفع عليه قضايا اليوم من كل اتجاه
و كنت اليوم افكر ارفع عليه زيادة قضية تشويه سمعة لأنه ماشي يتكلم فيني عند اقاربي ان فيني هلاوس عقلية و و

ارسل رسالة قبل شوي طويلة لأخوي فيها رده النهائي

توترت قلت ما ب اقراها الين أصلي
صليت و دعيت ربي بالخيرة و انه يربط على قلبي

ملخصها :
اختك حطت علي شروط
و غيرتها حطت شروط جديدة و لغة تهديد و حظرتني
ماني فاهم ايش تبغى

اقترحت عليها نروح لمستشار اسري عشان نحل المشاكل من جذورها و رفضت

عطيني رقم اي احد من طرفكم تختارونه لحل المشكلة
طريقة حل المشاكل بالواتس ماتنفع

__________________

الحمدلله على قضاء يقربني من الله عز و جل.

أنا ولعت
الغضب اعماني
كتبت بسرعة

رد عليه قول له:
لانك ماشي بين الناس تتهمها بالهلاوس العقلية
و مو راضي تتحمل مسؤولية اخطائك
وهي اصلا ناوية ترفع عليك دعوى تشويه سمعة بالاضافة للقضايا الأخرى
اذا ماتجيب تقرير طبي تثبت ان فيه خلل ب عقلها !!!!

__________________

الحمدلله على قضاء يقربني من الله عز و جل.

مسحت الرسالة بسرعة و تراجعت
حسيت ب شتات
تعبت من الحيرة و القهر و الغضب و التوترات

ابغاه بس مو بهالطريقة و لا بهالشكل
مو هذا الزواج و لا هذا الزوج اللي كنت اتخيله و أتأمل فيه خير
انا لي من اسمي نصيب كبييييير "آمال عظيمة"

ماعرف ايش اسوي
مارديت ولا رفعت قضايا ولا كنت قد كلامي

بس بكيت ..

__________________

الحمدلله على قضاء يقربني من الله عز و جل.

حبيبتي خذي نفس والله كريم لا تزعلي نفسك
اساس المشكله انك مو عارفه ايش تبغين
رجعه او لا
هذا التخبط ياثر عليك وعلى الي حولك
استخيري واخذي قرار
اذا رجعه شروطك واضحه ومنطقيه
وفعلا معاه حق حطيتي شروط وغيريتها وهددتيه اي احد بيقول هذي مو جاده بالرجعه
تبي بس تصعد الامور
ولا انتي الي اتخذتي قرار الطلاق وقدمتي على الخطوه الي بعدها
لا ابوكي ولا المحامي ولا حتى زوجك بيساعدك باتخاذ القرار
انتي كوني قويه وصيري قد القرار الي بتاخذينه

امال
انتي وش تبين
ترجعين او لا
جاوبي عشان هذا بيختصر اشياء كثيره

ما ودي بالطلاق بس
ولا ودي ب شتات الاسرة
و ودي بالرجعة و بيت يجمعنا
و بناتي يتربون مع أبوهم
ودي ارجع لبيتي و سريري و اغراضي و اشيائي و خصوصيتي
و حياتي اللي بنيتها
و زواجي اللي مشيت فيه و كافحت عشانه

لكن مو مع كمية الكذب و الخبث و المراوغة هذي كلها
و احساسي ب عدم الجدية و الامان

كانت كلمة آسف من 3 احرف و اعتذار حقيقي صادق
ب يمحي كل شي في نفسي تجاهه
ب اضغط رز السماح و العفو بكل سهولة زي كل مرة
و ب امحي من ذاكرتي كل الاشياء اللي تعور

لكن هو مو راضي يعتذر لي
و لا يقرّ ب اي شي سواه
ولا هو ندمان
و يكذب و يفتري و مستمر


نفسي يرجع لي الشخص اللي حبيته ب اول سنة
اللي كنت اشوفه اصدق و أطيب انسان بالدنيا

فيه اشياء كثيرة انكسرت ب نفسي
فيه فضايح صارت من طرفه و افتراءات و كذب
فيه اشياء تستحين من الغفران تجاهها

انا في شتات
كل ما تعمقت في نفسي القى نفسي ضايعة

انا كتبتها قبل
اعرف القرار الصح لكني ما أجرؤ على تنفيذه !

__________________

الحمدلله على قضاء يقربني من الله عز و جل.

لا تبررين لنا
ولا تقولين ودي ارجع لو انه كان كذا وكذا
هذا الوضع كاملا عندك
هل انتي مستعده للعوده اذا حقق شروطك الاصليه
هل انتي مستعده لقلب هذه الصفحه من حياتك والبدء من جديد
مشكلتك تلفين وتدورين
ودي ارجع بس لو كان بالصوره المثاليه الي ببالي
ودي انفصل لو كنت اقوى من كذا ولو كان بسهوله
كل الوضعين معقد وصعب لان الصوره مشوشه عندك ومتخبطه
هذا هو الرجل نفسه ماراح يصير نفس الصوره المثاليه الي ببالك
ياانك تتقبليه وترجعي بحذر وشروط
او خلاص

اعذريني اذا كان كلامي قاسي
لكن صدقيني افكر فيك وحاسه فيك شعور غريب يمكن لاني اعاني حاليا
احس بهالوقت لازم احد يقول لك هالكلام
تلفين وتدورين غصب طيب تبينه يعنذر بالشكل الي انتي تبينه وبالطريقه والاسلوب الي انتي تبينها
ولما ما يصير هالشيء تاكلين بعمرك وتغضبين وتهددين
عندك واقع واضح اعملوا خطواتك بناء على الموجود