السلام عليكم
اهلا بالناس الرووووومانسية
ياسلام على الجو اللي عندكم
يووونس

ااااه و اااه
تابعت الموضوع من البداية بس ما كملت لانه الحماس غلبني

اكتشفت
.
.



اني اعيش بصحراء الرومانسية يعني ميح


دايما اعقل نفسي واقول لا ما في شي .. يمكن الخلل عندي خلني ابادر لكن رغم محاولاتي ما وصلت للي اريده
في كلام كثير ابا اقوله بس ماعرف كيف
بشوف شو يطلع وياي

المهم اني اريد مساعدتكم وبالذات مساعدة الاخ اخي في الله
والله انك طلعت خطير ..تخطيط واستراتيجية اول مرة اعرف بهالسوالف

عمري وعمر زوجي 25
مب اهل لكن معارف
متزوجة من 4 سنوات وعندي بنت
الحمدلله احب زوجي و يحبني ..
لكن الاحظ انه كل واحد عايش حياته بصوب ..

تقسيم يومه :
دوام .. كلية .. نوم .. وباقي الوقت تلفوون كله عالفيس بوك او يلعب
الحمدلله واثقة فيه .. انسان محترم ويخاف ربه

كيف احس انه مب رومانسي ؟
ما نطلع طلعات خاصة الا بعد جهد جهييييييييد مني و طلب مرارا وتكرارا .... لين لاعت جبدي من الطلعة وياه
احس انه مطلعني عشتن اغير جو لوحدي وماله رغبه يقضي وقت وياي

طلباتي لازم اكرررها واكررها عشان توصلني

ما في كلام حلو الا بالنادر ..

ما في مفاجآت الا نادر ... امممم مرة يوم كمنا اول سنة زواج
و تقريبا مرتين عطاني ورد .. ومرة اشترى لي هدية يوم كنت حامل . قمت من النوم لقيته جنبي

احب المفاجات .. لو هدية او طلعه او كلمة او حركة
تذكرت .. كم من مرة يعطيني كاكاو يوم يرد من الدوام

بصراحة ابا احس اني طفلة مدللة عنده
ابا احس بوجودي بحياته و بوجوده بحياتي

اممممم . .. زين .. بقولك شو اسوي له
قبل لازوج كنت انسانه رزينة و عقلانية و صارمة
بعد ما تزوجت استوا العكس .. استويت حساسة و عاطفية و اسولف و اضحك
الوضع كان عاجبنه 10:10
اصلل اللي كان يجمهعنا هي المصخره

اشوف الحين ما يحب السوالف وايد .. بس انا خلاص تعودت

اممم بصراحة صرت مهملة بالتجديد بلباسي و شكلي .. اخدمه وحتى لو بينا مشاكل

كلمته مارا وتكرارا .. اني اعاني فراغ عاطفي . يقول انتوا الحريم ناكرات العشير
و ما يتفاعل او يعصب .. عادي .. احيانا يبتسم و يقلبها مصخره

و كم من مرة اكتب له رسايا .. يفهمها اكثر من الكلام و التجاوب يكون لمدة بسيطة و يرجع الوضع

وبس ها اللي حضرني الحين

مافي حياتي الحالية اصلاً رومانسية عشان يكون فيه فجوة اتحدث فيها
ولا شي من اللي تمنيته فوق صار بحياتي لو مرة بالغلط
جاف جاف جاف كجفاف الربع الخالي
وفوق هذا لسانه سيء اسوء لسان سمعت به في حياتي كل الكلام الجارح اللي ممكن ينقال وتتخيله او حتى ما تتخيله سمعته منه

واللي ما حبه في نفسي ه اني لما اواجهه واكلمه
وخلاص اكون منقهرة وواصل حدي

بعد كم من ساعه لما اشوفه ارد لنفس طبعي لكن االقهر بداخلي و الجفاف
احس انه هالشي غلط بس شو اسوي ماااقدر على البعد و اني اعبس بوجه انسان ماااقدر اطنش و اعيش حياتي

ما تعووووودت

عكس اهله . يطنشو وقت الزعل و يعاملوا بعض كانهم مش موجزدين
و لا يكلموا بعض


اااه انا ما اقدر

احيانا اقول عاادي خله يسوي اللي يريده اهم شي ما غلط علي
وانا بريح نفسي و بطلع من راسي كلام المسلسلات الفارغ

واذكرت اشيا بعد

لما اكلمه وهو اكيد التلفون بايده لانه ما يتركه .. ما يرد علي
شي يقهر .. كاني مب موجزدة

احسه شايف نفسه علي .. و يعاملني على اني اقل نضجا منه

عالعموم ... اتمنى ردك بكون باسلوب بسيط و يدخل المخ

لاتحاولون ياحلوين ... الزوج مايكون رومانسي بالصورة الي نتمناها الا لغرض واحد بس

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

من بعد اذن اصحاب الردود السابقة

والسبب ؟
هل تفكرتي بالسبب ؟
السبب مصدره تركيبة الرجل ، مواد كيميائية في مخه (خارجة عن ارادته) وهذه عند جميع الرجال.

مانريد عمله هنا هو جعله رومانسي خارج الحالة السابقة ولكن بإرادته

وعشان نوصل لإرادته لازم يقتنع

وعشان يقتنع لازم يفهم

وعشان يفهم لازم يشعر بأهمية الموضوع

وعشان يشعر بأهمية الموضوع لازم من صدمة خفيفة من الطرف الاخر (زوجته في حالتنا هذه)

عشان زوجته تعطيه الصدمة لازم تكون شجاعة ومؤمنة بقضيتها

عشان تكون شجاعة ومؤمنة بقضيتها لازم تقتنع

عشان تقتنع لازم تكون متفائلة وعندها أمل

عشان تكون متفائلة وعندها أمل لازم تقرأ مواضيعي

عشان تقرأ مواضيعي لازم تكون عندها مشكلة

عشان تكون عندها مشكلة لازم زوجها يكون غير متفهم لحبها له

عشان زوجها يكون غير متفهم لحبها له لازم تعطيه الحب بلا مقابل

والله اعلم (كتبتها على عجالة).

اهﻻ اخوي

ﻵزم كافيين و بالهيل

شوف الموضوع انو تحس انه فيه ناس عايشين في الماضي و ناس في الحاضر و ناس في المستقبل

الناس اللي عايشين في الماضي ما ينسوه و يعيدوا الشريط يا حزنانين يا يأخذهم الحنين

حاضرهم منسي العمل فيه منسي شكر النعم اللي فيه منسي

و مستقبلهم منسي تخطيطهم منسي طموحاتهم منسيه

#2 الناس الثانين

اللي من فئة زوجي

عايش يومه عايش الحاضر يجيب و يودي طلبات و يسوي كللللل اللي عليه

اي شي يواجهه في يومه يحاول يتعامل معاه و بعدين يفضى يرفه عن نفسه و بس

مستقبله منسي

ماضيه ما اشوفه اتعلم منه و الله اعلم

# و خﻵص رقم 3 هما اللي يحلموا بالمستقبل بس من غير اي عمل في الحاضر

و نسيوا الحاضر حتى ما يستمتعوا بيه و ﻻ يشكروا ربهم عليه


* مو قلتلك تحتاج كافيييين

__________________
[img]http://im78.***********/FRd0Bi.jpeg[/img]

بالضبط
الرجل رومانسي في الوقت الذي يريده وبمزاجه
حكاية مايعرف يكون رومانسي هذي مبررات سخيفة
يعرف يكون رومانسي لكن اذا وصل للشي اللي يبيه يترك الرومانسية

الدليل بعد الطلاق والعودة او بعد اي مشكلة او زعل بين الزوجين يطلع واحد ثاني
من شدة الرومانسية ،وكلها كم اسبوع ويرجع لاخلاقه الجميلة.

اخي في الله

اذا انت رايق و فاضي << بس انا شايفتك مشغول بمواضيعك و بالرومانسيه

افتح موضوع في قسم ساعدني !! لي

__________________
[img]http://im78.***********/FRd0Bi.jpeg[/img]