أنا بافصّل نفانيف القرقيعان للبنات هالأسبوع إن شاء الله .. وأنا باخذ لي نفنوف جاهز شفته في الانستغرام.

وفي نفس الوقت بافصّل للعيد .. هالمرة ناوية أسوي جلابية مغربية .. والبنات باخذ لهن فساتين جاهزة.

أما باقي تجهيزات وملابس العيد لي ولليهال فباخذهن شوي شوي الشهر الياي بإذن الله.


المهم أكون مخلصة كل شي قبل بداية رمضان إن شاء الله.

__________________


اللهم طِيبَ الأثر .. وحُسْنَ الرحيل.

مهوره تاخذين قطع شعبية حق القرقاعون ؟

__________________

حاجة الناس إليكم من نعم الله عليكم ، فـ لا تملوا النِعم ☁✨

السنة اللي طافت خذت لهن قطع شعبية. . أظن حطيت الصور في المنتدى.

هالسنة شوي غير.

من فترة طرزت لهن قطعتين لونهم عنابي .. التطريز على شكل مريّة ذهبية.

كان المفروض أفصلهن مخورات .. بس ما حصلت مناسبة .. فقلت بافصلهن نفانيف حق القرقيعان.


باحط صورهن لين خلصن إن شاء الله.

__________________


اللهم طِيبَ الأثر .. وحُسْنَ الرحيل.

اشرح المفردات التالية

نفنوف
ما عندنا قرقيعان بس اعرفه

فوسطااان على راي سيدة ملعقة ... قصدي شوكه

__________________

سيدة ملعقة
كيف ما اجا ببالنا هالاسم ليلتها
مشكورة خالة عالتوضيح
و انا يا ويلي

اشراقة الله يعينك قدامكم يومين راحة استرخوا و انتعشوا 🌷🌷🌷

انا بعد بخلص اغراض العيد قبل رمضان
ما احب اتسوق في رمضان ابدا ابدا 🙍

__________________

زين انا مثلك اول ما لبست النقاب
كان احس بكتمة ما كنت متعودة
الحين عادي ممكن افضل به وقت طويل

انا خلصت من ملابس الاولاد الحمد لله
ولي شريت قطع عجبتني و ما بعد لبستها بنقي منهم للعيد
عنا زواج قريبتي ان شاء الله بالصيف اخذت فستان لزينب منه للعيد و منه تحضر فيه الزواج طلبته من النت ووصل و الشوز ايضا ووصل الحمد لله و مقاساتهم تمام


و الاكسسوارات اخذتها من مول شعبي في الرياض

لشعرها حابة تاج ذهبي ناعم ما حصلت شي عجبني

و أفكر الفستان الحزام العريض الي فيه أحط عليه حزام ذهبي بنفس العرض
وش رايكم ولا أخليه مثل ما هو ؟
قلت بيعطيه شي من الحيوية

__________________

ماشالله 😍😍لو اقيت لبنتي زيه اشتريته عندنا زواج بالصيفية
انا برأيي تتركينه مثل ماهو ومع الشوز والاكسسوارات بيبرز اكثر

من علي اكسبرس يا جنا كله الفستان و الشوز
بس الفستان بالواقع لونة اغمق شوي لون الصورة احلى بس حلو ايضا و طلع عليها يجنن
و الشوز حلو و عالحقيقة احلى

__________________