هلا صغرى ..
عاد تصدقين دخلت عشانك لما شفتك تسألين عني مشكورة قلبو على دفاعك عني وحسن ظنك ..

اما إش صار يعني ماصار شيء جديد ..

إلا أمس لما دقيت على زوجي وقلت قفل بوجهي قلت لأبويا زي ماقلتيلي <<< اسمع الكلام ترى

وقلتله بعد ليش زوجي زعلان وعن المشكلة ككل قالي أنا عارف وأنا عارف ..

قالي إيوه عارف على بالك مادري عن حبيبتي بس أنا حبيت انتي بنفسك تقوليلي .....

قلتله أكيد هو قائلك قال إيوه قالي .. قلتله طيب إش رايك ؟؟؟

قال رائي إنكم تتفاهمون مع بعض هو يحبك وانتي تحبيه وتوكم عرسان بكرة يتعود عليك وتتعودين عليه
قلتله يابويا عجزنا نتفاهم قال لان تفاهمكم غلط هو يعاند وانتي تعاندي هو اناني وانتي اكثر انانيه ..
وأنا يابويا قال لازم تتنازلي شوي وهو كمان يتنازل ..

دى الكلام كان العصر تقريبا والساعة عشرة ونص دق علي زوجي <<< حسيت أبويا كلمه
طبعا مارديت لانه قفل بوجهي قبل كذا فارسل رسالة يقول .. ادري إنك ماتبغين تردي بس جهزي نفسك انا جائ بنطلع ..

طلعنا وقالي ياشاهي هذى أخر مرة نحاول نتفاهم يا إمساك بمعروف أو تسريح بإحسان <<< لا ياشيخ مسوي فيها

وكلمه من هنا وكلمه من هنا قلتله أنت تخلي اي احد يدخل بحياتنا .. قال مين قصدك ؟؟
(بصراحة تورطت ودي أقول بس خفت يفهم غلط ) قالي ياشاهي بلا لف ودوران ترى هذا اللي ينرفزني
انتي عندك شيء بس قولي ...
قال عالعموم أنا داري إن قصدك عبدالرحمن <<< طلعت شكوكي محلها بس ماحد صدقني
أنتي إش بينك وبينه ؟؟ قلت مابينا شيء وهو زوج أختي مستحيل يكون بينا شيء
قال خلاص اللي راح راح وهالشخص اصلا ماعنده ذوق ومو انا اللي اسمع له وانتي عارفة هالشيء
وعمري ماسمحت له يجيب سيرتك هي مرة وحده تكلم وبس وتهاوشنا وقتها وماعاد عادها مع انه ماقال شيء بس يوصيني عليك ويقول إنك غير عن كل خواتك ويقول انه زي اخوك .........

إلى هنا كان كل شيء مضبوط إلى ماقالي كلام زعلني كثيير ..
قال ياشاهي صح إني لما تزوجتك كنت عارف كل شي بس انا أشوف إنا بحاجة لدكتور نفسي
يضبط لنا سلوكنا <<< هو قصده علي فهمتها وبصراحة تحسست منها كثير وحسيته كمان كلام ابويا .
قال ياشاهي فكري بكلامي واتخذي قرارك عشان نستمر مع بعض

واليوم كانت العيلة مسويه طلعة ... بس مارحت معهم ضايقة فيني ومالي رغبة بشيء ..
دق علي زوجي قال غرريبة ماجيتي معقولة شاهي تفوت طلعة كذا ولعب وناسة .. ليش ماجيتي ؟
قلت مو جائ على مزاجي .. قالي صوتك تعبان انتي باكيه قلت لا قال شاهي قوليلي .. قلت مافيني شيء
قالي اجيك قلت لا ...
قالي فكرتي بكلامي قلت إيوه قال إش قررتي قلت مانقدر نكمل مع بعض ..قالي شاهي من جد قلت إيوه
قال أنتي تعبانة خلاص بعدين نتكلم وقفل ..

وجتني إختي تقول ياشاهي سمعت إن بينكم مشكلة وبتطلقي ياشاهي ترى الحياة مو لعبة وقامت تقول كلام كثييير وأسخف كلمة قالتها تقول شاهي انتي تعرفي احد <<< دايما ظنها سيء
بالله عليك حتى لو اعرف احد بقولك عشان تفضحيني انتي وامك من متى عمري قلت لك شيء خاص فيني ..........


بس صغرى حياتي هذى أخر مستجداتي <<< تعبت وانا أكتب
إذا صار جديد قلتلك ...........

الحقيقة كلام والدكِ في منتهى الحكمة .. وشعرت بأنه منصف جداً عندما لم تغلبه عاطفة الأبوة ووصفكِ بأنكِ (أكثر أنانية) ما شاء الله عليه .. كذلك لم أجد في كلام زوجكِ أي خطأ .. الرجل حريص عليكِ وفي نفس الوقت حريص على حياتكما معاً ويريد الراحة لنفسه كما يريدها لكِ .. أما أختكِ فيمكن يكون كلامها موجعاً .. ولكنني ألتمس لها العذر لأن تصرفاتكِ كلها على بعضها لا تستدعي أن تطلبي الطلاق.

ما أراه بشكل واضح هو مكابرة وعناد منكِ .. وإن كنتِ تنوين البقاء على هذا الحال فاطلبي الطلاق حتى يرتاح الجميع .. أو بمعنى أدق أقترح الخلع لأنني أرى زوجكِ مظلوماً أكثر منكِ.


هداكِ الله.

__________________


اللهم طِيبَ الأثر .. وحُسْنَ الرحيل.

مشكورة مرة ثانية