يا رب نور بصيرتي ،، ترى معظمنه مثل هالحالة وكلام زوجك صحيح هم يخافون ترجعين وتشوفين الغرفة مكركبة وتزعلين! بنفاسي او باي جلسة ببيت اهلي حتى لو يوم ويكون لوحده بدون بنتي ما ينام الا بالصالة عشان ما يخرب ترتيبها وبنفس الوقت ما يحب يدخلها لوحده ... لاحظت لاني دايما اطلب منه عدم التخريب فاتوقع انتي بعد هالسبب
|
سجل معك واحد عزوبي من بعد العيد ..
بيني وبينك .. من أهم الأشياء ابتعاد الزوجين عن بعض مؤقتاً لكن بشروط وضمانات حتى ما تنعكس بالسلب . بعض الزوجات تنسى زوجها إذا كانت عند أهلها .. وما تدري إن الزوج يفهم هذا كرسائل صامتة أنك لا تمثل لي شيء .. وأني ممكن أنساك أو أنشغل عنك . عشان كذا لابد من الرسالة أو الاتصال ويكون الاتصال للمشاعر وليس للمحاسبة ( رتبت السرير - غسلت المواعين - مسحت الغبار - انتبه أجي وفي حوسة -...) وهلم جرّا . وطبيعي أن الرجال ليسوا على طبيعة واحدة ، فمنهم يعتبر الاتصال ملاحقة ومنهم مثلي ومثل صاحب الموضوع يعتبره رائع لكن بالشروط والضوابط السابقة . لكن ألاحظ إني إذا كنت وحدي في البيت ما يصير لي نفس للأكل ، ممكن وجبة وحدة باليوم ولا فيه نفس للطبخ . ويكون مشروع تنقيب عما يصلح للأكل في الثلاجة والمستودع هههه . وفرصة للتصفية . الله يوفق كل زوجين ويزيدهم محبة وألفة ويوفقنا لحسن القوامة . |
ام مريمي والثانية نسيت اسمها
انا مستحيل انام بغرفة النوم اذا كانت مو موجودة احسها كئيبة جدا احسن حاجة ارمي نفسي بأي مكان ويصير الشاحن عندك وريموت الاسبليت وبسس اليوم طبخت سمان فطور على كيفك طبعا في بيت اهلي وخلاص هذا يعتبر فطور وغدا بنفس الوقت الى العشاء كانك ما انعزمت الا ياحليل الازواج بس بعضهم مثلي وامجد |
صدق دلع
اول شي ليه انت اللي تتصل بس !! ثاني شي ليه تقول تعالي وتقول لا اسبوع كمان يعني ليه ما تشتاق لك مثل ما تشتاق لها !! الحين هذا ليا قالوا النساء عاطفيات ويحتاجن صدر حنون وووو ليه تشاورها لذا الدرجة اذا بغيت ترجع قل تعالي وبس الا اذا عندها شي مقنع انت عاد لازم تتفهم لا ويزعلون اذا عددنا وهذي التصرفات منهم وتجي تولول والله ما قصرت معه بشي ووووو الحين تعال شف الهجوم الدامي علي |
مادري ليش ما تقتنعوا وتعتبروها فترة نقاهه للمرأة! ،، لازم 24 ساعه تدلع وتخدم وتجامل حتى على حساب عمرها و وناستها!؟ تخيل نفسك بغيت تغير جوو واصدقائك عزموك على سفرة اسبوع ببلد واسبوع اخر ببلد الثاني والمسكينة بهالحزة يصير مالها حق تتملم لزوحها لا لازم تشجعه وتدعي له! وفوقها لا اتصال ولا شي الرجال لاهي بمتعته فعليها تقدر وتسكت وما تنكد! وان قالا يفلان اشتقنا لك قال بدينا النكد ...
بالنهاية مو كل شي يحلى بوجود هالنصف الثاني! بعد اهلها امها اللي حملت بها 9 شهور وربتها سنين مت عمرها واخواتها اللي يعرفون كل صغيرة وكبيرة عنها و حتى بطبيعتها اكثر من زوجها وغير انهم من جنس واحد يعني كلشي مشترك ماعتقد يكفيها اسبوع او اثنين انها تملي عينها منهم وخصوصا اذا كانوا هم ببلدة وهي ببلدة وبين فترة وفترة فقط تلاقيهم ... الله يعيينه احنا النساء ،،، لازم ناخذ سلاسل ونربطها برقابنا عسى ولعل يرضى هالرجال! |
بالصراحه الموضوع حلو
اول مره اسمع فضفضة رجال دايم الحريم يفضفضو وعلى قوله ريماس تفهمي شخصيه الزوج اشويه مع اني أشك انها تتفهم 😡 وخليهم يأخذوا راحتهم بالمنتدى من حقهم يفضفضو والي يبي يعلق يدخل بكيفه يعني الموضوع مافيه ضرر على احد بس بالصراحه من كلامكم كان في أشياء كثيره من حركاتكم في طليقي معقوله كان يحبني ومتعلق فيه |
الله يهنيكم بازواجكم ويسعد الجميع
بالنسبة لاخونا اللي متضايق من زوجته حاول تغير معاملتك لها لان واضح فرق بينك وبين الاعضاء في التعامل مع الزوجة وبالنسبة لاخواتي العضوات استغرب صراحة انكم تقولوا لازواجكم لا توسخوا البيت وخلووه مرتب --بالنسبة ليا اقول خذ راااااحتك لاني لما ارجع حنظف كل شي من والى والشهادة لله هو طبعه ما يخرررب كثييير ولايحب الطبخ نهائيا والله يعين العزااب ويرجعوا يتزوجوا من جديييد --------امزح امزح اقصد يرجعوا زوجاتكم وتعيشوا بسعاده |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|