مالك إلا الصبر في رايي لماذا لا تحاول التحدث معها شخصيا وتوضيح الأمور وجها لوجه

لاحول ولاقوة الابالله

سالفتها غريبة تكلم خالها ليه من وراك ومن ايش تشتكي ؟


أول ماقرأت موضوعك قلت مقلوب راسها ولايمكن نفسيتها بعد الولادة تعبت ( اكتئاب مابعد الولادة )


لاكن شريحة ومن وراك وهي معاها جوالها !! و ابوها ياهو مكذوب عليه ولايمكن أنت مزعل زوجتك بشئ ماذكرته في الموضوع

آخر مشكلة لما كنا في السيارة رايحين السوق وتناقشنا بحدة وقالت تراك طفشتني بأروح بيت اهلي وهذي عاشر مرة تقولها خلال اسبوع فقلت لها يا شيخة روحي بيت أهلك وبدالك فرفورة صغيرة تسكن في البيت الجديد وورقتك توصلك (كذااااب بس ابغى اخوفها) فقالت طيب والله لاروح بيت ابوي ولا عاد تشوفني وهذا الكلام هو اللي زعلها وزعل اهلها وحتى اهلي عتبوا علي اني قلت هذا الكلام لكن والله قلته في لحظة غضب وهي طفشتني بموال ودني بيت اهلي ولا اني احبها ولا ابغى غيرها لكن الشيطان اعوذ بالله منه خلاني اعصب ومع ذلك هذا الكلام ما يسبب الطلاق وضياع اطفال صح يا عالم ولا انا غلطان؟؟

والدها رفض نهائيا اني اجلس معها وغيروا شريحتها برقم ثاني علشان ما اتواصل معها وقدرت عن طريق وحدة من الاقارب اني اجيب رقمها وكلمتها وقالت انت اللي بعتني انت اللي هانت عليك العشرة ما جيت تكلم ابوي الا بعد شهروانت اخذت الشغالة (هم اللي ارسلوها لأهلي)وانت دخلت بياناتي في موقع وزارة الخدمة غلط علشان ما اتوظف وحلفت لها انت البيانات صح اصلا دخلناها مع بعض وانت ما تحترم اهلي وابوك ما احترم ابوي وتلفظ عليه وهو ما قال شي قال له لما اتصل يطلب صك الطلاق انت انسان ما تستحي الناس تبني بيوت وانت تهدمها ليش يا خي حريص على الطلاق ولدي ما راح يكون ضحية يخسر كل شئ اذا تبي طلاقها خلها تتنا زل عن الاولاد(والله نيته يخليها تتراجع) والا انا مو ناوي احرمها عيالها المهم كبروا السالفة اتصل والدها مرة ثانية والوالد طنش والمفروض ان ابوها يتفاهم معي ماله علاقة بابوي وبعدها راحت المحكمة تطالب بالأولاد والطلاق يعني هذي انسانة متهورة واهلها مثلها والنتيجة حتتطلق وانا مصيري آخذ الاولاد البنت عمرها 6 يعني بعد سنة حآخذها ولما قلت لها هذا الكلام في التلفون انلخمت وما عرفت تقول شي قالت اذا ما تبغى فضايح جب الورقة وبلاش محاكم وانا ما امامي الا اطلق بشكل ودي او انتظر المحكمة والوالد قال لي اذا ما تبغى يردون المهر طلقها وبلا وجع راس0

لااله الا الله


الله يعينك هي صغيرة سن واهلها المفروض يعقلونها نصيحتي لاتطلقها الطلاق مو غصب اذا تبيها تمسك فيها وأنت ساكت لاتشتكي لا لأهلك ولا لأبوك طنشها وطنش ابوها وماعليك من أحد

فترة لين تهدون وتشوف المشكلة ان الاهل دخلوا بينكم وكبروا السالفة

الله يكون فعونك .....

لا عاد تكلمهااااااا ......

.... بالنسبه لكلامهاانها اذا طلبت منك الطلاق لا تطلق ...

والله منتهى الوقاحه ..
يعني تطلب منك ما تصدقها وانها ما تبي ...
وهي قدام اهلها واللي حواليها تطلب الطلاق وتسوي انها ما تبغاك ...... وانت اللي تجري وراها .... والله عيييييب ... وواضح جدا انها انسانه ماديه ...
وبنتك قول لها اذا سالتك ماما عن الفيلا واش جبنا تقول بابا يقول مالك شغل في الفيلا ....خليها تحس انها مفارقه ..والله غير تراجع نفسها وان ما حصل فدبور وزن على خراب عشه ... وبالنسبه لبنتك راح تراجع نفسها بعد ما قلتلها انك راح تاخذها ....

خليك على موعد المحكمه .. ولا ترضى بالصلح على طول .. واعتب عليها ولا تفهي اذا قالت بارجع ......وحط شروووطك ...
بالنسبه للشغاله كان في وقتها قلت لها خذيها واعطيها راتبها .. اما تشتغل لاهلك وانا اعطيها الراتب لااااااااااااااااااااااااااااااااااااااااااااااااا .. وقف قدام استغلالهم هذي فرصة للتغيير ... لا تسمح باي تجازات او تدخلانت فيما لو كان هناك مشاورات ومحاولة رجوع .. وانت دورك انتهى ... لا تطلب الصلح وان كنت تريده لكن انا اتوقع انه راح تجي منهم .... انت ما قصرت وسويت اللي عليك .

ما زلت متابعاً لموضوعك من بعيد.
ما هو آخر قرار وصلتَ له؟

من كلامك أي وحدة مكانها تزعل و خصوصا إذا كنت معودها عا الحب والدلع زيادة يمكن حست إنو حبك ليها نقص شوي ولا شغلك أخد كل وقتك ولا أتر على نفسيتك وخلاك عصبي شوي معاها وكانت بتختبر حبك ليها لما اتكلمت اكتير عن الروحة لبيت أهلها وكانت مستنيةإنك تدلعها وتمنعها و تحسسها بحبك وخوفك عليها بس كلامك كتم نفسها وخلاها تكمل وتحول الموضوع لجد ودي الوقتي بالنسبة لها صارت مسالت كرامة في راي هي بتدلع ومش هاممها إلا حبك إلي يمكن بتصرفاتك والله أعلم فقدت التقة فيه هي مش عايزة ترجعلك غلا لما تحس إنها مالكة كل قلبك وإنك مش مرجعها عشان العيال وبس وإن الكلام للي قولتوهلها مش صحيييييييييح أبدا وإنك مش هتكررو تاني

خلي بنتك تقول لها انها سمعت اهلك يقولون لك تزوج وانهم لقو لك عروسة صغيرة ومررررررررررررة حلوة والعروسة موافقة
واذا سألتها عن رايك خلي بنتك تقول لها انه بابا متردد وقال اعطوني وقت افكر في الموضوع
وبكذا حيكون ردت فعلها وحدة من الاثنين اولا يا انها رح تبدأ تخاف وتحس انك رح تضيع من يدها اذا ما كبرت عقلها وما بطلت عنادها
ثانيا رح تصر على الطلاق اكثر
ولا تقول ممكن تكون بدأت تلين ويطيب خاطرها ولما حتسمع هذا الكلام رح ترجع تعاند ~~~ لانها لو ناقشتك في الموضوع انت حتقول لها انا ما جرحتك في شي اهلي عرضو علي الزواج لكن انا لا خطبت ولا شي
اعتقد انها فكرة حلوة رح تحسسها انه النهاية قربت ويمكن الغيرة تخليها تفكر فيك اكثر وتفكر كيف ترجع لك

والله اني تعبت وانا اقلب في الموضوع عشرين صفحة ... كأني بأذاكر لإمتحان .. وهذا والله كلو لهفة ورغبة في اني اشوف نهاية سعيدة ..
يا اخي الاخوان والله ما قصرو .. واعزم واحزم .. وتوكل على الله .. واستخر .. ونفذ النصائح .. وربي يكتب اللي فيه الخير