غلط ..

........

__________________
أشهد أن لا إله إلا الله و أشهد أن محمدا رسول الله صلى الله عليه و سلم

هذا انتقام من رسوبك فالكسبرة و البقدونس

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الله يعطيكم العافية حبيباتي مريم وlofty وصلت المعنى

__________________

دورة اقرأ وارتق ... دعوة لتلاوة القران الكريم


هل تتعرضين للابتزاز في الانترنت؟
هنا من ينقذك

مثلي جلست أبحث ههههههههههه بس مثل ماقلت أقرب للمعنى 😂

مر اليوم وأنا أنتظره من طلع الظهر مارجع حتى ماأتصل يتطمن عليّ أو مثل ماكنت متوقعه ، جالسه أغلب الوقت في الغرفه اللي عطتني سمر ماحبيت وجدي يقيدها من شي ، رغم إصرارها إني اطلع من الغرفه لكن رفضت ولما جا وقت العشا طلعت وع طاولة الطعام أحرك بصحني وسرحانه فيه قاطعتني سمر : حكى فيصل وقال اذا بدك شي إحكيه
عقدت حواجبي: كيف يعني !
مبتسمه : شو كيف !
يعني هو مو جاي هنا
إبتسمت : أكييد لا فيصل اللي بعزفه مستحيل يبقى بشقة فتاة مهما كان هو الظرف
نزلت راسي أناظر صحني : بس أنا موجوده هنا
اهمم صح وانت مابدك فيصل يكون موجوده عارفه لهيك هو منع حاله يكون متواجد هون
رفعت لها راسي : لا من قال ذَا الكلام
فاتحه عيونها ع وسعها: إنت قلتيه أمس
: ايه ، بس أمس شي واليوم شي ثاني
شو اللي تغير يعني
مارديت عليها ماعندي لها جواب
إبتسمت : مابدي أعرف الجواب لكن اللي له الحق بمعرفته فيك تحكيه وتخبريه وإذا بدك فيني آخذك عنده
قمت من عند الأكل وجلست ع الصوفايه ومارديت عليها وهي رتبت الطاوله ودخلت المطبخ ، ناظرت في الجوال وخذته حطيت ع رقمه وترددت أتصل أو لا لكن قلبي ميت ع مايسمع صوته إتصلت وقربته لأذني وبصوت نعسان: ألووو
مارديت عليه ، ألوووو
مارديت لكن ردت دموعي
عدل صوته : أحمم، هدييل هذا انت
اهممم
فيك شي ، ليش متصله من جوال سمر وين جوالك
عدلت صوتي : أحمم طافي
طيب وش بغيتي
عضيت ع شفاتي: ولا شي
ليش متصله طيب
ماعندي رد
سمر وينها
في المطبخ تبيها
لا بس أسأل اذا كنت لوحدك ولا معك أحد ،
أهممم
وبعد دقيقة صمت قال : اذا ماعندك شي ولا تبين شي أعذريني تعبان وابي أنام من أمس مانمت زين
غمضت عيوني وحارت دمعه : اوك
تصبحين ع خير
وانت من أهله
سكرت منه ورجعت راسي لورا وانا مغمضه وتركت دموعي تنزل ع راحتها وقطعت علي سمر : شو فيه
مسحت دموعي وعدلت جلستي : ولا شي بس تضايقت شوي
مدت لي المويه ، : أحكيتي فيصل
هزيت راسي إييه
وشو حكى حتى ضايقك
إبتسمت لها : ماحكينا بشي
بإهتمام : طيب بدك انا وانت نحكي
خذت فنجان القهوه : عن شو نحكي
إبتسمت : حتى وانت متضايقه بتقلديني
إبتسمت لها : لساني ينعوج لوحده هههه
فرحت : ايييه اضحكي واطردي الهم وراك
ومن سمعك حد ينول ويرفض الله يعين بس
طيب مابدك نتكلم باللي صار
انزعجت : لا لأنه مابي اتذكر ذيك الليله المزعجه مجرد إني أتذكرها يضيق صدري
طيب مابدك تعرفي شي عن مادلين
: اعرف عنها كل شي تكلم عنها فيصل من قبل ولا ابي أتكلم أكثر بسيرتها
طيب ع راحتك بس فيه شي مهم تعرفيه
بإهتمام : شو
بجديه : مادلين عشان حبها ممكن تسوي اي شي عشان تحصل عليه حطي هيدا ببالك وماتنسيه
بسخريه : مثل جرأتها بالأمس
بجديه : وأكتر أنت ماتعرفي بشو هددت فيصل كانت ترسل له وتتصل عليه بأنها راح تأذيك ي يكون إلها او مايكون لحدا غيرها
عشان كذا كان خايف ع طول الوقت ويرفض اطلع لوحدي
يعني بس كان صادق لندن مدينة خطيرة مابيصير تطلعي لوحدك وانت ماتعرفي للمدينة
اهممم
رِن جوالها وإبتسمت : هيدا حبيبي عن إذنك بحكي معه وبرجع لك
لا تكلمي معه ع راحتك انا داخله أنام ، دخلت الغرفه وماجاني النوم خذت القران وقريت وردي اليومي واوترت ونمت ..
وبصباح اليوم الثاني جلست بنفسيه ثانيه وبقرارات جديده وبتسعد الكل والأهم هو انا وفيصل ، جهزت الفطور أنا لأنه جلست بدري : شو عيدا الفطور بيشهي كتير
إبتسمت لها : بالعافيه حبيبتي
وبعد الحديث العادي ، بتروحين العياده
اييه بدك شي مني
إبتسمت لها : لا بس أنا قررت أرجع شقتي خلاص كفايه كذا طولت عندك
عقدت حواجبها ع انه معصبه هه: شو طولتي يومين ماشفت غيرهن وبعدين انت فيك تجلسي هون قد مابدك ومابتضايق منك حكيك هيك بيزعلني
هههههههههههه نعتذر بس جد خلاص كفايه كذا ولاتنسين رجعتنا للسعوديه قربت وانا لازم ارتب أموري قبل السفر وبعدين << نزلت راسي مستحيه >> ضروري قبل نطلع من البلاد هاذي نصلح اللي انكسر فيها
إبتسمت : قصدك تصالحيه
بخجل : أكمل مكان ماوقفت فيه وتراجعت عنه
نقزت فرحانه : وااااااو بدك نرتب لليله الحلوه
بخجل : لا ابيها تكون ع طبيعتها
حطت أيدها ع خدها : طبيعتها وخجل يعني الله يرحمه
فهمت علها وانصرعت وهي ضحكت : ههههههههههههههههههههههههههه
ضربتها ع كتفها وقمت عنها : بطلع أجهز نفسي ووصليني ع طريقك
رفعت أيدها : ربنا ينولنا من الحب جانب
إلتفت لها أضحك : ههههههههههههه عندك جوخان ولا مايكفي
بهيام: يكفي يكفي يؤبش قلبي
وصلتني الشقه وأصرت توصلني لعند الباب ☺ ولما دخلت الشقه مثل ماتركتها نظيفه ومرتبه لكن تارك فناجين القهوه ع الطاوله : ذبح عمره بالقهوه << دخلتهم المطبخ ونظفتهم ، بعده طلعت فوق خذت لي شور ونزلت أشوف وش اطبخ ولما ابتديت فيه طرى على بالي هو وينه فيه اذا ع الشركه هو قال وجوده ماله داعي بالوقت ذه، اممم بس أكيد يروح لها من طفشه والمواقف اللي صارت<< إبتسمت>> أوعدك كل شي راح يتغير والأسبوع اللي باقي هنا راح يبقى أجمل ذكرى لنا في لندن << جهزت الأكل وناظرت الساعه قرب موعد رجعته او بالأحرى أتمنى يرجع بالوقت 😑، جهزت له الحمام والملابس ، لبست وضبطت نفسي وبعد ماصليت نزلت تحت أنتظره ومرت ساعه ع موعده بالعاده فكرت انه ماراح يجي هنا وتعبي كله يروح خذت جوالي بتصل عليه لكن ترددت وحذفت جوالي الا ع دخلته قربت منه خطوه وإبتسمت ، سكر باب الشقه : إنت هنا
اختفت إبتسامتي ماكنت متوقعه رده كذا بس ماتحطمت عذرته : وين بكون يعني أكيد هنا معك
اهاا << جا بيصعد ووقفته>> احم جهزت لك الحمام خذ لك شور ع ماجهز الأكل
إلتفت لي : بس أنا ماقلت لك سوي غدا
إبتسمت له : ولازم تقول عشان أسوي
: اييه مو يمكن أكون أكلت برا ولا مش مشتهي
بصدمه تعبي كله راح : وانت جد أكلت
بأخذ شور وانزل لك
إبتسمت : أوك
جهزت الأكل ع الطاوله ونزل جلس قبال الأكل ☹ ياكل ولا يتكلم وانا مو عارفه وش أتكلم فيه ولا كيف أبدأ حتى كلمه الله يعطيك العافيه ماقالها 😕
خلصنا الأكل ونظفت الطاوله وسويت لنا فنجان قهوه طلعت حصلته جالس ع الشرفه خذ فنجانه من دون ولا كلمه
حجزت التذاكر << عضيت ع لساني غبيييييييه مافيه غير السؤال هذا >>
حط فنجانه وقام وقف بيمشي : لا بس لاتحاتين بنحجز بالوقت
وقفته : بس أنا ماآحاتي واثقه انك بتحجز بالوقت
إبتسم ع جنب : اهاا زين واثقه
: فيصل أنا ...
قاطعني : أنا طالع متواعد مع جوخان ويمكن أتأخر لاتنتظريني
مسكت ايده : بس أنا كنت << ماطلعت معي >>
وسحب ايده : تصبحين ع خير
طلع وتركني آكل في نفسي ليش مايساعدني أنا جالسه أحاول وهو يمشي ويتركني ي سرعه ي مافيه 😤
جلست أنتظره ومارجع بدلت ملابسي ونزلت أنتظره وطول وغفت عيوني ولما رجع حملني وحسيت فيه لكن سويت نفسي نايمه نزلني ع السرير وايدي متشبثه بقميصه جا بيفكها وفتحت عيوني : لا تبعد
نزل ايدي : مو إختياري
جلست ومسكت ايده : صدقت كل شي مضى ماكان بإختيارنا لكن فينا اللحين نختار اللي نبيه
: صدقتِ حتى لو كان هالشيء بيإذينا كثير لكن لابد منه
شدِّيت ع يده : فيصل أنا...
قاطعني مبتسم : لاتحاتين بنكون متفقين ذَا المرّه << جا بيمشي >> وين رايح
تعبان وابي انام
طيب نام بس ليش تنزل ، نام هنا
ناظر المكان اللي حطيت ايدي عليه ثم ناظرني: قصدك هنا جنبك
إبتسمت خجل : اييه حرام تكسر ظهرك من الصوفايه
بجديه : لا انا مرتاح بنومتي ع الصوفايه
قمت وقفت قدّامه : وش فيك ليش ماتبي تنام جنبي
مافيني شي بس تعودت ع نومه الصوفايه وقبل كنت انام جنبك لأنك خايفه
بسرعه : وانا اللحين خايفه
عقد حواجبه : خايفه ؟!!
تعتعت: اا أقصد لما تكون جنبي ماأحس بالخوف
قرب مني خطوه ورجعت ورا وقرب ورجعت الين أصتطدمت بالدرابزين الزجاجي وبعد عني خصلاتي: طيب وخوفك مني وش علاجه
فهيت ولارديت وهو نزل بعد مااخذ بيجامته وانا واقفه مكاني أفكر باللي قاله فهم تصرفي غلط وناظرته كان يرتب مكانه للنومه ، خذت الغطا والوسادة ونزلت له إلتفت لي وناظر بإيدي : وش ذه ؟
عطيته ظهري ورتبت مكاني وإنسدحت ،
: أكلمك أنا
ايه وش بغيت
خير نايمه هنا
إلتفت وبإبتسامه عريضه : مكان اللي تكون فيه مضطره أكون فيه
رفع حاجبه وضغط ع ايده ونام مكانه
وبعد شوي : نمت
مغمض : هممم
يعني مانمت
زفر : اااوف هديل وش بغيتي
ولا شي بس ابي اعرف نمت
سكتي وبنام
طيب << أُوف طبعه حاد مايساعد الواحد يتكلم غطيت راسي وأستعديت للنوم >>
ولما طلع النهار جلسني وجلست وأنا أتألم من ظهري : هممم
قومي صلي الفجر وجهزي نفسك طالعين
جلست وايدي ع ظهري : وش عاجبك بالنومه هنا تكسر الظهر
إبتسم ع جنب : من حدك ع النومه هنا
ناظرته وزممت شفايفي : غبائي << دفيته بعيد عني ، وسمعته يضحك ويوم التفت سكت ورسم ملامح الجديه>>
صليت وجهزت ونزلت له ماحصلته : وين راح هذا قال بنطلع وطلع لحاله << خذت جوالي إتصلت عليه >> الوو وينك
فيصل : انتظرك تحت
طيب ، << سكرت منه ونزلت له >> ليش ماأنتظرتني
جوخان جا ونزلت آخذ منه الأوراق
اهاا .. طيب وين بنروح
نفطر بعده نشوف ، مد ايده لي ومديت ايدي لكن وقفتها لما شفت ايده لابس الساعه والخاتم هدية مادلين رفعت عيوني له مصدومه : وش ذه
ناظر ايده : ساعه وخاتم
بعصبيه مخفيه : أدري انه ساعه وخاتم بس ليش لابسهم
بعدم مبالاه: الواحد ليش يلبسهم عشان يكشخ فيهم
عصبت : وماحصلت غيرهم تكشخ فيهم
مسك ايدي بقوه ومشى : امّم فيه غيرهم لكن الساعه ذي والخاتم لها مكانه خاصه ولما صحيت من نومتي حسيت بحنين لها لذالك لبستها
سحبت ايدي منه بصدمه : انت ملاحظ نفسك وش تقول
مسك ايدي وشد اكثر وركبني السياره وقال : أكييد

مشى بالسياره وانا أناظر فيه مصدومه ومستغربه تصرفه !!

ومضه :
مشكلة الحب بأن قراره لايتخد!! كل ماعليك فعله : التفيذ فحسب !

الحلقه خاصه للي يتهاوشون بصفحتي 😏 واللي سموها حلقه 😂

...................

__________________
أشهد أن لا إله إلا الله و أشهد أن محمدا رسول الله صلى الله عليه و سلم

وكمان مره
.
.
.
.
.
.

__________________
سبحان الله وبحمده..سبحان الله العظيم

........

. اس 4

__________________