انتي موقفك عادي وموعادي وغريب وفيه شويه دلع كله هذا دلع بنات هههههههه

خلاص توكلي عى الله وكلميهم وبس

الموضوع هذا فيه ثلاثة أطراف :
الطرف الأول / البنت
وطبعا هذه لم تخطئ وكان موقفها معقول جدا

الطرف الثاني / الخاطب واخته
يبدو أن الولد مستعجل جدا أو خطب من كذا بيت ويردونه او ما يلقى اللي في باله فهو غير مطمئن وعلى أعصابة وخايف ينرفض فهو يضغط على اخته وهي تضغط على البنت هذا احتمال
أو أن الاخت هي المستعجلة تعبت جدا من البحث وتبي تزوج اخوها بسرعة وتفرح فيه وطبعا انا لا أوافقها على هالموقف بالعكس المفروض تكون اهدى واكثر حكمه ورويه وتحط نفسها في مكان البنت
ولا تقعد تحرجها : يالله يالله بسرعه ايه والا لا اللحين اللحين << ابد هالشي ماكان مناسب

الطرف الثالث / أهل البنت
وكأي أهل يبون الستر لبنتهم ركبوا موجة الاستعجال اللي تسبب فيها الطرف الثاني والمفروض يكون عندهم جواب يدخل الراحة والطمئنينة لقلب الولد واخته وانهم مبدئيا موافقين ويرحبون لكن بعد كم يوم بنرد عليكم ثم يقنعون البنت بكل هدوء يعني عليهم نسبة 20 % من الخطأ

في النهاية اقول الله يكون في عون هذه البنت وكل من مرت او ستمر بمثل موقفها ويوفقها لما فيه الخير وأنا بصراحة أقدر موقف أي بنت تمر بهذا الموقف الصعب واتمنى من الجميع أن يتعاملون معها بأسلوب هادي ومريح وبدون شد



شكرا لكم

ههههههههههههههههه

والله سالفتك ضحكتني وذكرتني بسالفتي يوم شافني انواع الخوف والارتباك والحــــــــر الي ذبحني

لا وما امداني اقوم الا يقول للوالد جيبوا المـــــــلاك ههههههههههه

سالفتك حلوه وطبيعيه تحصل مع اي بنت والله يوفقك وبلغينا بآخر التطورات..

والله قصتك حلوة وممتعة قريتها كلها وتخيلتك كيف وانتي مستحية
شي طبيعي الخجل والحيا بالمواقف وانتي ما غلطتي بشي
بعدين رح تذكريها وتضحكين على حالك يوم انك نسيتي الصندل هههههههههه
اختي الزواج قسمة ونصيب واذا نصيبك بيكون زوجك ولا تهتمي
والله يوفقك ويسير اللي فيه الخير ...

السلام عليكم .........
يا اخ تركي مثل ما قلت موافقه بس ابي اقولها عن ثقه ونا مرتاحه بدون ضغط ولا تأثير واحس انه فعلا هو قراري مو اني موافقه عشان ارضيكم قتلهم هالشي لاكن الوالده الله يهديها تزن بشكل مو طبيعي ماتقلي وافقي بشكل مباشر لاكن مافي شي زين الى وقالته فيه عشان تقنعني بشي انا مني رافضته تحاول تحليه بعيني قد ما تقدر لدرجة انها تقولي تمنيت لو الزمن يرجع ورى ويخطبني هههههههههه حتى انها تقولي لاتقسي على الولد شاريكي حرام يتيم حني عليه كني حكمت عليه إباده ...وبالنسبه للنقاط مافي غير الغربه زي ما قلت ويمكن بعد خوف من المجهول بطبعه واسلوبه كيف رح يكون معي طبعا كل الي وصلني انه هادي وباله طوييييييييييل ومحترم ان شاء الله انه صحيح لاكن في رجال معاملته مع الناس بره غير مع اهله وبيته وهالشي لايمكن احد يضمنه لي غير رب العالمين انه يوفقني وماعلي الى الدعاء.. ومشكور اخوي تسلم على المشاركه وطرح رأيك.

The Swan
بالنسبه لسؤالك عمري 21سنه... واكيد بالنهايه كلام اهلي هو الصح لاكن كنت متمنيه زي ماشاوروني وشاركوني الرأي كنت ابيهم بس يعطوني الفرصه مو بإختيار الشخص طبعا لا لأن الخيار الاول والاخير للوالد مارح يختارلي الى الانسب وغير كذا رح يمشيه اكيد بدون حتى ما اعرف بعد رايه اتكلم الي اقصده الثقه بالرأي اكيد هالشي مو كثير على أي بنت بمثل هالموقف
لاكن مين يقدر.

مشكوره اختي ايكو_ايكو على اهتمامك بس كنت ابي اوضحلك حبيبتي ... انا ماكلمته هو شخصيا كلمت اخته هو الي طلب منها تكلمني وتاخذ رأيي مو تاخذه من امي.

اخ ضاحي الله يهديك بس .... ابي تعليقك يوم ماتكون عريس ان شاء الله نصييييحه خلك منصف بالحكم عليها وإن كنت متزوج عطني إيش سار معك يومتها من ناحيتك ومن ناحيتها.

ويا اخ نشيط جدا.......... توضيح: فعلا اخته هي الوحيده له اكبر منه بسنه موكبيره كثيرحوالي بآخر العشرينات وامه متوفيه شافتله كثير اخته بس كل مره هي الي تشوف البنت وبس وإن كثرت وعجبتها كلمت امها ووقفت لاكن ماقد خطبتله بشكل كامل طبعا هذا الي وصلني الله اعلم ومن ناحية مستعجل هو مستعجل على الرد مو على الإعلان على الخطبه لانه مايبي ياخذ من بنات خواله وجماعته فمابينشر الخبر الى اذا انتهى الموضوع الى قبل العقد يعني والله يعين ويقدم الي فيه الخير. مشكور عزيزي على مشاركتك الرأي.

شقراء السعوديه.... تعليق بسيط على اني بضحك لما بتذكر هالموقف ... اخته قالتلي وقت شافتني بعد ماطلعت من عنده الحين شافك كذا خايفه ومدري ايش بعدين بيذكرك بهالموقف ونتي معصبه.

مشكورييييييييييييييين كلكم على ردودكم صراحه رفعتو معنوياتي اني ماغلط لانهم شككوني بنفسي سويت وقلت شي ماينقال... الحمد الله وحتى ذكركم لتجاربكم حسيت اني مو لوحدي الي يعاني في احد قبلي.....
كذالك اخص بالشكر لبحرينيه ولاكن... ومشكلتي اصدق عجبني توقيعك اعتقد ماذكرتيه بالتوقيع الي فعلا محتاجته ... وكمان للأخت كبريائي من عيوني طلبك معليش تعبتك بس والله من زود مافيني كنت اكتب وافش خلقي شكلي تعبت عيونكم آسفه ان شاء الله ما اعيدها ... وحتى سحابة ورد... و zakzoka_e ... وsono... وللجميع من ذكرت ومن لم اذكر ولكل من مر

الف مبروك ... وعسى الله يتمم بخير

عاد الاسلوب راح ينعرف ان شاء الله اذا ملكتوا ..وان شاء الله يكون حسب اللي تتمنينه ..


بس اسلوب الوالدة كانه اسلوب وحدة توها صغيرة .... روعة والله واسلوب اقناعها شبابي

الله يلعن ابليسك يا اخ تركي بن محمد والله ضحكتني
الف مبروك حبيبتي
اهم شي يكون مدين
و اتكلي علئ رب العالمين و ان شاء الله حياتج كلها سعاده

تسلم اخي ...تركي... وآمين الله يتممه لاكن سامحوني مارح اقدر ارد لاحد على المباركه الى اذا حصل تطورات بالموضوع..وبالحالتين رح ابلغكم اخوي تركي اتمنالك بإذن الله حماه تكون زي والدتي اذا عاجبك وان شاءلله الي بتاخذها مايحتاج احد يقنعها فيك توافق وهي مغمضه
للمعلوميه الوالده مو كبيره مره تزوجت صغيره و انا اكبر وحده لها فهذي اول تجربه حقيقيه بمثل هالموضوع لنا بالبيت عشان كذا حصلت هالربكه وكل هالقلق لاكن الحمد الله ماعندي خوات يسير فيهم مثلي مع اهلي اتوقع بيتعقدون من بدري بس والله ومالك علي يمين حذرت اخواني انتبهو لما تيجون تخطبون مع انهم صغار على الزواج لاكن خلهم يتعظون هم مساكين كل واحد يداريني وياخذ بخاطري واول مره اردهم بطلعه او طلب ابيه بالعاده يلا ما اصدق على الله احد يعطيني وجه
مشكور على مرورك واهتمامك للمره الثانيه...

mesona ...مشكوره ياقلبي وآآآمين الله يسمع منك ويكون ياخف الله.

يالله.. بس ننتظر تحديد يوم الملكة عشان نبارك لك ونهنييك ونعطيك زغروطة من القلب..

أختي الله يوفقك و يختار لك الي فيه الخير

بالعكس أنا أشوف طريقتك صح

و الطبيعي انه الرد يجي بعد أسبوع عالأقل

و اخته مستعجله حبتين عليكِ D : شكلك مره عجبتيها ; )

الله يسعدك

أستنى ايش راح يصير: )