وش اللي عيب ومو عيب....
انتي ما بتروحين تنامين في بيت غريب.... واختك موجوده
اتكلي على الله وروحي زوري اختك

ياختي كل حسب عاداته

بس أنا بصراحة ماأشوف فيها عيب وحتى مافيه داعي زوج أخت ينام عند أهله صح بالنهار لوحب يطلع مع اخوياه وحتى في الليل بس يجي ينام في بيته وماعليه منك

بصراحة إذاا بينوم عند أهله أحس إحراج وكني ضيقت عليه

أما بالنسبة لزوجك ينام عادي جداً مافيها شئ خاصة إذا كانت علاقته بزوج اختك حلوة

__________________

انا بصرااااحه ما احب انام برى بيتي

مدري احس انه فيهاا احرااج

وانتي استني لين زوجك ياخذ اجازه وسافروا مع بعض

بعدين اذا سافرتوا ليه ماتاخذوا فندق او شقه بدل النوووم عند الناس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مشكور أخوي الفارس
و رأيكم يهمني كثير

++++++++++++++++++

أهلاً د. نبيل

زوجي لم يمانع بالعكس هو اللي أقترح علي كذة

لكن أنا أكره التدخلات الخارجية دام زوجي راضي و الكل راضي

لكن إذا الموضوع فيه عيب و أصول و ما أصول ، طبعاً راح أقول ( تحت أمركم )
لإن أمي ربتني إني أحترم الأصول و العادات و أنا تعودت أسأل دايماً ( لييييه )
و إذا كان هناك سبب مقنع و منطقي ماراح أعارض أبداً بالعكس

و حبينا نعرف وين الغلط و لييييه عيب
مو أسمع أي كلمة و أمشي وراها و أنا ما أعرف السبب ؟؟؟؟

و مشكور أخوي

ما فيها شي

أخوي كاره الرياضيات

كنت أنتظر أحد يقول لي ( عيب ) عشان أسأله ( لييييييه ؟؟؟ )
إذا ماعندك مانع
ياليت تذكر لي السبب ؟

أنا ما أعارض بس حابة أعرف ، لإنه اللي عارضنا عارضنا لمصلحة شخصية
و أنا ما أحب أجيب أي كلام على أهلي

مع إنه أخوي ما قال شئ و لا زوجي بس ما أحب أغلط
فقلت أسألكم

لا توجد مشكلة في أن تنزلوا في ضيافتهم (طالما أن هذا برغبتهم) مادام زوجك معك ولا توجد أي خلوات محرمة. أما أن تبقي لوحدك عندهم فلا أستسيغها حتى لو أُمنت الخلوة. هذا رأيي.

برأيي .. كل ما ذكرتيه ليس عيبا .. ولكن .. يفضل أن تكون الزيارة قصيرة نسبيا كتقضيه نهار كامل مثلا لديهم وليس مبيتا عندهم حتى لا يتضايق زوج اختك وإن ابدى عكس ذلك .. لإن ذلك سوف ينقص بلا شك شيء من راحتــه في بيته .

مشكورة أختي لإبداء رأيك
و يهمني ذلك كثيراً

++++++++++++++++

زوج أختي ماعمره أحد من أهلي نام عنده من يوم تزوجوا ، يعني الحمد لله أهلي و خاصة أمي ما تحب تثقل على أحد

و زوج أختي يتضايق من المعاملة هذه و يحس إنا ما نعامله كواحد منا مثل ما هو يعاملنا و هو إنسان محبوب من الجميع

ماشاء الله عليه و مشهود له بالدين و الأخلاق و حتى زوجي يحبه كثير و أخواني كلهم يحبوه ماشاء الله عليه

بالعكسسس هو يتمنى إنه يكون كالأخ الكبير لنا و لو عرف إنا نزلنا بنفس مدينته و مامرينا عليه أو أخذنا فندق

بيزعل مررررررة و يخليها بنفسه عشان لا يضايق أخته ، بس هو من زمان حاسسس إن أمي تعامله معاملة رسمية

حتى أمي يوم عرفت إن أخوي سافر لوحده و زار أختي زعلت منه عشان ما تبغانا نثقل عليه

و على عكس زوج أختي و اللي مشهود له بالكرم ماشاء الله و محبته للضيوف ، فرح كثييييير يوم أخوي زارهم

لإنه يحب البساطة بالتعامل و يبغانا نعامله مثل أخونا الكبير أو أبونا لإنه أكبر من أختي الكبيرة بأكثر من 10 سنوات

فزوج أختي إنسان جداً رائع ماشاء الله و جداً نحترمه و نقدره و حتى زوجي أقول له لا تناديه بإسمه حاف ، قول له

أبو فلان ، لإنه بمكانة أبونا

و مشكور على نصيحتك بإهداء الهدايا

أختي / أخوي ..

أنا كمان ما أحب أنام عند أحد أبداااااااااااااااا

لكن أنا رايحة أصلاً مو عشان أتمشى ، رايحة أشوف أختي و عيالها و خاصة إن أمي مسافرة من بداية الإجازة و أهلي

كلهم و أخوي كمان و من زمان ماشفت أختي فأشتقت لها و أنا ما شفتها من بداية زواجي و لو بأستنى إجازة زوجي

فماراح أروح لها أبداً ... لإن المدير رافض يعطيه الإجازة و الدراسة بقي لها شهر تقريباً ( يعني أنسي )