((((.... يبدء المشاكل من لا شيء..وهي حسب علمي لا تحب اكثار النقاشات ...فيستفزها و يغضب عليها حتى تنهار...فساعة تبكي كثيرن..واحيانن يغمى عليها من الضيم و الغيض.. تشعر انه يحب ان يدعها تنهار ثم يراضيها بعد انهيارها بوقت قصير..)))[/b]
يغلط على اهلها..يهينها كثيرن.. شكاك لدرجه كبيره.


هذا بالضبط ماكان يحدث معي

تقول انها حاولت معه بشتى السبل بلا فائده.... وتفكر الان بالطلاق....[/COLOR]اوصيت قريبتي ان تنصحها الصبر..فقالت ان البنت معه من سنه ولم تحمل منه بعد وتخشى ان تفشل حياتها معه ..واذا ستمرت معه تنجب...تنهار البنت وتقول انه لا يتغير..


ممكن ان يتغير اذا ادخلت اهلها في الموضوع واهله....الموضوع لابد من تدخل الكبار فيه


من خبره يا اخي
انا مريت باللي هي مرت فيه لمدة خمس سنين
ما شفت فيها الا كم يوم راحه
عدا ذلك هواش وصياح وقلة حيا...وفي الاخير امتدت الايادي على بعض
خلال هذيك الفتره زوجي قفل كل شي علي..ابواب ...شبابيك...جوال ...طلعات مع اهلي....ولاااااااااااااا شي

كلمته.......تفاهمت معاه.....وكان سكوتي عنه خطأشنيع
كنت افكر اني المفروض استر علينا
وانها اسرار
بس اكتشفت بعدين اني اخطأت بسكوتي عنه
لانه صار يكذب الكذبه ويصدقها...وصلت معاه الى الشرف وهي في غنى عن انها يصير فيها مثل ما صار معي
صار يتخيل اصوات واحداث والله ما صار منها حرف
صار موسوس اذا طلعت معاه ان احد احتك فيني او مسكني
دخل نفسه في متاهات كنا في غنى عنها الله يسامحه
الين وصلت معاه انه اتهمني اني صاحبة علاقات مشبوهه لا وفي البيت كمان....اناديهم ما اروح لهم...
طلبت منه دليل
مارضي
طلبت احلل وقدامه رفض
شلت قشي ورحت لأهلي وطلبت الطلاق
احد يقول لك ما فيه دخان من غير نار
اقول لك صحيح....بس فيزيائيا مو نفسيا


حتى المشاكل سببت لي احد اشكال العقم بعد ما خلفت ولد
يعني كنت طبيعيه والمشاكل اتلفت كل شي فيني

التفاهم معاه وصل لدرجة اني كنت انهار واغمى علي مرتين وانا اتهاوش معاه
صدقني يا اخي لابد من تدخل احد بينهم
حكم من اهله وحكم من اهلها
ويتفاهمون
لازم يراجع طبيب نفساني


احد اسباب تأزم الوضع بينا كان
اننا ما كنا نحل مشاكلنا بشكل نهائي ...كنا نعلقها ونتهرب منها وتراكمت وتطورت الى اشياء مو كويسه
كنا ما نستشير احد باللي يصير بينا....لحد ما وصلت الى امور سيئه للغايه
كنا نكتم مشاعرنا ولا نجلس نتصارح لبعض...وهذي نقطه كادت تؤدي الى الطلاق
ما كنا نتنازل لبعض...من باب العناد
ما عندنا خبره في الحياه الزوجيه ولا حاولنا نستفيد من اي شي

الموضوع مشربك بالمره
ولكن انا وزوجي الان اللهم لك الحمد سمن على عسل
قمه في التناغم والتفاهم
والسبب اننا جلسنا عند اهلي وتباعدنا عن بعض وكل واحد فينا حسبها على انفراد
اعترف بأخطائه بعد ما شاف ان الموضوع وصل الى مطالبة ابي بأدله على خياناتي او الحد الشرعي عليه..(القذف)
شاف ان اهلي شدوا عليه وطالبوا بحقي منه لان المسأله صار فيها شرف عايله...فكأنه صحي من اللي كان فيه
اعترف انه صار يتمادى لأني ما كنت جاده في ايقافه...ومع الوقت صدق اوهامه
لما ابتعدت عنه حس بأنه تمادى وان فيه شي غلط حصل
قلت له كل عيوبه اللي ما تعجبني وقال لي على عيوبي واحنا الان قاعدين نتلافاها
علمونا اهالينا ان امور كثيره كنا نحسها كبيره....هي في الحقيقه طبيعيه وتحدث بين المتزوجين
صرنا نحضر دورات ونطالع برامج مفيده في التلفزيون
فيه شغلات كنا نسويها بعفويه ولكن كل واحد فينا يفهمها غلط...لذلك لابد من مراعاة هذا الامر
رحنا لمكه وكان لهذي الرحله تأثير كبير في تهدئة النفوس


يوووووووووووووه كلامي ملخبط ادري بس مستعجله بالمره
لي عوده

__________________
[/IMG]

شكرن مشكلتي اصدق....ما قصرتي ..طريتي نقاط مهمه وبعثتي الامل في الموضوع...
جوابك طويل و مفصل وهذا ما احتاج....جزاك الله خير.. وعودي اذا عندك نقاط اخرى ...

اراء ..مشكلات مشابهه....؟؟

مشكلتي اصدق,,,,انتظر تعقيبك فمشكلتك قريبه من مشكلتها