حاولي انج تناقشينه وتصارحينه بمشكلتج
هذا هو الحل الانسب ...واعرفي منه السبب وخليه يغير اسلوبه معاج
وافتحي له كل الي في قلبج...والله يعينج

والله يالغاليه


هذي مشكلة اغلب الازواج


لان الرجل بطبعه يعبر عن حبه بالافعال لابالاقوال


مثلا يسافر بزوجته يمشيها يوديها مطعم


وقلة ماتجدي الرجل الذي يعبر مباشرة بالشكر لزوجته


والحل انا اانتظره معك

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

أختصرت الكلااااااااااام يا جمر أنا معك كلامك منطقي ,.,.,

__________________
عبـــد الرحمـــــــن
الله لايحرمني منك يا عسى عمرك طويل ياللي كلّ الناس عندي ما يساويهاا غلاتك
((دنيا القوي فيها حكم خان المبادئ والقيم لو يدري أن الله وراه مايووووم في عمرهـ ظلم))

__________________

والله يا أختي مشكلتك كانت عندي ..

أنا بعد كان زوجي مثل زوجك ما يقول شكراً ولا شئ من أخواتها ..

وأنا على طول إذا أطلب منه شئ أبتدي بـ " لو سمحت ، إذا تفضلت ، إذا ما عليك أمر ، الخ .. "

وعقب ما يسوي اللي أبي أقول له " شكراً ، مشكور ، الله لا يخليني منك ، الخ .." وهو عمك أصمخ ..

ما يبادلني مثل هالكلمات .. وأنا على كثر القهر اللي ماخذني منه لأنه ما يبادلني الكلمات اللي تحسسني إنه مقدر

تعبي اللي أتعبه عشانه وعشان عياله والبيت .. ما توقفت عن مدحه قدام أهلي وأهله وقدام نفسي بعد .. ما سمحت

لنفسي إنها تقلل من قيمته لأنه ما يشكرني ..







وقعدت أفكر ليش ما يشكرني ؟؟؟




































لقيت إنه مو محتاج مني شئ ..

بحكم إني ربة بيت ولا عندي شغالة ..أكون متفرغة ..

على طول أغراضة جاهزه قبل ما يطلبها من أول الطبخة اللي يحبها الى ثيابه المغسولة والمكوية الى بيته وعياله اللي

مهتمة فيهم ..

فهو مو محتاج يطلب عشان يشكر !!!

ولا هو اللي يقعد معي وأنا أشتغل عشان يحس بالتعب اللي احسه ..

فقررت مرة إني أتعمد إني أهمل بعض الأغراض ما أسويها له ..

لعل وعسى يحس شوي ..

في يوم أنا أدري إنه معزوم على عرس ويبي يلبس ثوب معين .. تعمدت إني ما أكويه .. فهو يدوره في الكبت يحسب

إنه مكوي ويسأل عنه .. قلت له كنت تعبانة ولا قدرت أكويه ..

تدرين ويش صار ما سمعته إلا يقول لي .. لوسمحت تقدرين تكوينه ..

أنا من الفرحة قمت بسرعة ماني مصدقة ..

طلع إحساسي في محله وإن الغلط مني مو منه لأني كنت مو عاطيه الرجّال فرصة عشان يطلب وبعدين يشكرني ..

وقمت من فترة لفترة أسوي هالحركة وغيرها بحيث أخليه يطلب وأنا أسويله اللي يبي ..

لين ما تعوّد ..

والحين يا أختي بروحه يقول " الله يعطيك العافية ، رحم الله والديك .. ومن هالكلمات اللي تبرد القلب "..

هذي تجربتي مع زوجي ما أدري إذا كانت تناسبك أو لا ..




تقبلي تحياتي أختك أم زهراء .

اختي احتسبي عملك عند الله 00000

فالله لايضيع اجر المحسنين 0000000

ولئن يشكر الله صنيعك من فوق سبع سماوات لهو خير لك من كل كلمة يمكن ان يقولها زوجك 000

الله يخليكم لبعض يارب...

عزيزتي... حبيت أقدم لك نصيحة صغييييييييره...

وهي انك لاتستعجلي النتيجه.. يعني مثل ماقالوا الأخوة قبل

خلي الكلام الحلو دايم على لسانك لكن لاتستعجلي على تغييره

ومن واقع تجربة اختي ظلت 5 سنوات الين صار زوجها يبادلها

الكلمات الحلوة ومو كثبر كمان لكن بشكل أفضل من أول

فلا تيأسي أبدا وحاولي تصبري....

الله يوفقك يارب...


دمتي بــــــــــــــود...

__________________
أمـــــــــــــــــــــــــــاه يوما .. قدمضيت وكان قلبي كالزهور...
وغدوت بعدك أجمع الأحلام من بين ... الصخـور...
في كل حلم كنت أفقد بعض أيامي..........وأغتال الشعور ..
حتى غدا قلبي مع الأيام شيئا ....... من الصخور ..
يوما جلست اليك ألتمس الأمان ....... قد كان صدرك كل ماعانقت في دنيا الحنان..
وحكيت أحوالي ويأس العمر في زمن الهوان............
وضحكت يوما عندما ............همست عيونك بالكلام .............

__________________

أختاه ..عندي لك بعض الطرق وإن شاء الله تستطيعي أن تسحبي بها الكلمات الجميلة من زوجك ..

بعد أن تقومي بعمل كبير كالعزومة التي تحدثتي عنها ...
اسأليه فور دخوله ... بشر عسى العشاء عجب الجماعة (( طبعا سؤالنا هذا لا يدل على أننا غير واثقات من أنفسنا وإنما طريقة لإرواء ما بداخلنا ))

هو ممكن يرد عليك رد جاف ..مثل ..ايه .. انت مو واثقة من نفسك .. أو ممكن أن تتحرك المشاعر عنده ويقول ..
ايه الله يعطيك العافيه ..أو الزين ما يجي منه الا الزين ..أو غيرها من الكلمات ..

إذا رد عليك رد جاف ... مثلا ..ايه .... أو غيرها ..
قولي له ...طيب ما أستاهل هديه ..
ولاحظي ..أنه ممكن يكون رده جاف .. لكن حسب ما قلتي عن زوجك لا أظنه سيبخل ..
وإذا سألك عن الهديه ...قولي له أشعر بفراغ في صدري ..ممكن تملأه لي .. وأعتقد أنه سيفهم مقصودك ..

طريقة أخرى ... بعد أن يرد عليك .. بشأن العشاء ..
قولي أشعر بألم شديد في أذني ...(( مع افتعال الألم )) وعندما يسألك إن كنت تودين الذهاب للطبيب ..
قولي له.. أنا أعرف دوائي هل لك أن تشتريه لي ...
وقدمي له في ورقة (( تحتاج إذني الى كلمة حلوة فقط أسمعها منك ))
لا حظي أنه ممكن إن يكون رده بعد قراءة الرسالة الابتسام فقط ... ولكن لا تيأسي ..
بصراحة هذه الطرق ومثيلاتها استخدمها ..إذا جف نهر الكلمات الموجودة عند زوجي .. واراها تنفع أحيانا
لدرجة أنني أحيانا نكون مع بعضنا ..فابتسم بدون وجود مبرر للابتسام فيسألني
ما بك ..أقول له لا زلت أعيش في نشوة كلمتك التي قلتها لي ..(( لأعطيه دافعا للاستمرار ))

اتمنى لك التوفيق .. أختك أم البنين ِ

__________________

باختصاااااااااااااااااااااااااااار في كتيب وشريط اروع من راااااائع ينفع زوجك اسمه
.

























































............................... كيف تكسب محبوبتك للدكتور صلاح الراشد
انا توي ماخذاه لزوجي وباعطيه كهديه واكتب فيها (((( احتاج انكتسمعه ياحبيبي)))))

الله يسعد كل الازواج