والله انا هالسالفة صارت معاي في بداية زواجي .... وللحين

انا الحمد لله دايما محتشمة في لبسي ..حتى من قبل ما اتزوج .. بس تدرون الوحدة تحب تلبس عالموضة خاصة في الاماكن اللي كلها حريم ....فانا كنت البس بناطيلو تنانير و فساتين عارية شوي .. طبعا فوق هذا عباة وسيعة و غليظة .. واللبس هذا ماكان حتى في الاماكن العامة لكن مثل ما قلت عند الحريم في الزيارات و الحفلات و هالسوالف

يوم تزوجت .. ريلي بدا الاول في سالفة اللبس ... طلب مني اول شي اتحجب حتى قدام ابوي و اخواني انا في البداية ما اقتنعت و هو ما حاول يفرض رايه بس انا شوي شوي اتعودت و فعلا مع الوقت اقتنعت ان كلامه صح لان تدرون لبس البيت احيانا ممكن يكشف جسم الحرمة ..مثلا لو لابسة مخور مثلا و الصدر وسيع شوي و بتوخين تشلين شي من الارض ممكن اللي قدامج يقدر يشوفجسمج و هذا شي غلط حتى لو قدام الاخوان

المهم بعدين طلب مني ما البس بناطيل الا لو في الحجرة و متاكدة ما حد بيدخل غيره ولا بطلع من الحجرة بالبنطلون

بعدين التنانير الراصة و البديات الكت ... قال ان مافيهم شي بس هو ما يحس براحة يوم يشوفني لابسة هالاشياء.. يفضل اني اكشخ بس باحتشام .. و فعلا طعته لان الاولى بالحرمة ترضي زوجها ...و الحرمة ما تدور الا على سعادة زوجها و راحته معاها صح؟؟؟

فصرت حتى لو بروح زيارة او حفلة .. حتى لو زوجي مو معاي او ما بيشوفني و انا طالعة ..خلاص ما البس الاشياء اللي طلب مني ما البسها .. لاني بيني و بين نفسي حابة اكون قدامه و قدام الكل بالصورة اللي هو يباني اكون فيها .. و هذا موضعف في شخصيتي لكنه حب لزوجي و ثقة في حبه لي و في انه اكيد يبالي الاحسن


بالنسبة للمكياج ... انا كنت واااااااااااايد احب الشدو و اتفنن في الوانه ... بس زوجي قال انه يحب عيوني طبيعية او بكحل خفيف مو اكثر .. و مع اني ما اقتنعت لاني كنت شايفة ان الشدو واايد ياثر في شكل العين و الوجه كله بس طعته لاني مو حاية ازعله و حابة اكون بالشكل اللي هو يباه

اما باقي المكياج فهو ما يتدخل فيه (طالما اني ما ابالغ و طبعا ما اكشف ويهي جدام الرياييل) ... و لو حاول يتدخل و يحددلي شو الالوان اللي احطها بالضبط اعتقد اني بطيعه .. لاني اللي يهمني راحة زوجي ..و المهم انه هو يشوفني حلوة مو مهم راي الناس او شو اللي بيعجبهم

بالنسبه للمكياج معاه راح احط اللي يعجبه ويرضيه
لكن عند الناس راح احط اللي يناسبني وبس

وبالنسبه للملابس فمستحيل احد يقدر يفرض علي اللبس اللي البسه
وخاااااااااصه عند زيارة اهلي او جماعتي فلازم تكون ملابسي قمه في الاحتشام
ولآ يبدا الحش والهمز واللمز

لما فتحوا اهلي دولاب ملابسي في اخر زياره لي
صعقوا
ليييييييييييه
بسبب ان ملابسي قدام زوجي غااااااايه في التحرر وفهمكم كفايه

من جميع الالوان والاشكال ....وغالبيته بناطيل جنزات بكل الموديلات والقصات

استغربوا لما عرفوا انها ماركات

لان بعض الحريم هداهم الله يخلون لبس البيت اي شي

ولبسي برا بصراحه غايه في الاحتشام
مع ان زوجي صرح لي بالبنطلون
بس ما اقدر استحي

وعن المكياج مره يقول لا تحطين ومره يقول ابيك تحطين

الخلاصه اني في البيت على هواه

بس برا على هواي انا...درءا للمشاكل والقيل والقال والنظرات ومخافة الله فوق اي اعتبار

__________________
[/IMG]

انا عن نفسي اللي يحبه


زوجي


سواء مكياج او بدون مكياج او سواء بنطلون او تنورة ماتفرق

اهم شي البس اللي هو يشوفه حلو علي

__________________

بصراحه انا احب ذوق ابو شاديه واللي يختاره لي بألبسه وانا مقتنعه فيه لان ذوقه حلو واحب لما اروح اتسوق اروح معاه عشان نختار سوى


بالنسبه للمكياج يحبني بلا مكياج والود وده حتي في المناسبات ما يخليني احط لكن في دة مااقدر اسمع كلامة

__________________
اللهم عظمني في قلب زوجي
وعظم زوجي في قلبي
اللهم اجعلني ماءعينه
وراحه قلبه ودافى حياته
واجعل حبي يجري في دمه
وابعدةعن الحرام وابعد الحرام عنه

بصراحه الرجال مستحيل نفهمهم مهما سوينا وكل مره يطلعون لنا بشي جديد
بس لو مر على مثل اللي تقولينه ومع انوهاذا مستحيل
بتقيد باللي يقوله عنده بس اذا طلعت عن اهلي وغيرهم انا حره ومع العلم اني ممكن اشاوره

زي ما قالو الاخوات مارح اتقيد بذوقه في لبسي بالمناسبات اما في البيت البس اللي يعجبه واللي يختاره لي

والله عن نفسي احب آخذ رأي زوجي في زينتي وفي لباسي بعد...

اول ما انخطبت كان واجد ينتقدني في المكياج وكل شوي يطلع لي ثغرة فيه,, والحمدلله بفضل الانتقادات اللي كان يوجهها لي صرت فنانة في المكياج, وقاموا صديقاتي يجوون ليي البيت عشان اعمل لهم مكياج حق السهرات.. يعني الوحدة حلو انها تسمع كلام زوجها منها تطيع ربها وتحببه فيها وهي تستفيد وتاخذ خبرة...

وفي نفس الوقت زوجي عمره ما فرض علي اسلوب معين في اللبس او في المكياج مخليني على راحتي,, بس إذا ما عجبه شي يتكلم او إذا عجبه بزيادة اثنى عليه.......... وعادة احب ألبس اي لباس يكون اشتراه لي هدية قدامه حتى لو ما كنت مقتنعة فيه.. احبه يكون فرحان مني..........

واحب الهدية منه.............

[[/QUOTE]

كذا تعجبينه / وتحسسينه ذوقه عالي