السلام عليكم ورحمة الله وبركاته
حبيت أفضفض لأحد مالقيت غير هالمنتدى العزيز جدا على قلبي ..
انا كنت مخطوبة لمدة 6 شهور بدون عقد وأهلي في بداية الخطبة كانو مرتاحين ولكن مع مرور تقريبا شهرين أو ثلاث بدأوا يشعروا بالضيق من أهل خطيبي لأنهم ماكانو يكلمونا أبدا وماكان فيه اتصال بيننا حسوو أهلي انهم مطنشينا ومن وقتها بدأوا يترددوا في الموضوع قالوا ان أهله غامضين مع انه مدحو في الولد وقالو انه محترم بس المشكلة في أهله منغلقين على نفسهم وكانو أهلي يحاولو يفسخو الخطبة بس كانو شايفيني مرتاحتلهم .. وقالو احتمال ان أهله يكونو مسيطرين عليه ومايكون له رأي ..المشكلة اني كنت مرتاحتله هو وأهله بالرغم من ان أهلي كانو متضايقين منهم كنت مرتاحتله بشكل مو طبيعي طبعا بعد صلاة الاستخارة أكثر من 20 مرة كنت اصليها بعد كل فرض.. لين أمس شفت أهلي مو مقتنعين فيه علشان أهله رحت لأبوي وقلت له الي تشوفه صح سويه اهلي ماصدقو وكأنهم منتظريني من زمان أقولهم وكلمو أهله وقالولهم (( انتم من طريق واحنا من طريق )) امه اتصدمت واتفاجأت لأننا فجأة وبدون مقدمات طلبا منهم فسخ الخطوبة .. ومن أمس وأنا أحس راسي حينفجر من كثر ما افكر في الموضوع كنت بجد مرتاااااااحتله مرررررره بس طبعا الأهل عندهم بعد نظر وعلشان أرضي أهلي .. مع اني الى الآن متعلقة فيه وبدأت أشعر بالندم بس فكرت الي فيه الخير حيصير ..وخصوصا انه كان باقي ع الزواج 4 شهور بالتمام .. وكنت دائما أقرأ عن الحياة الزوجية وعندي ثقافة كبيرة عن الحياة الزوجية .. وبدأت في التجهيز وكان باقي لي نص الأشياء ..شعور صعب بعدما كنت متهيأه نفسيا اني اكون بعد شهور زوجة ..

هذي مشكلتي باختصار والله يكتب الي فيه الخير

نصيحة لكل خاطب خليك على اتصال مع أهل خطيبتك انت واهلك .. يعني لاتطنشوهم لأنهم راح يطفشو زي ماصار لي ولأهلي .. ولا تكونو غامضيــــــــن

تحياتـــي


لينــــــــــــــا