من وجهة نظري ان الزواج الي يكون بنفس أعماركم مااحسه يستمر ..ضرب وشتم وألفاظ بذيئه ..وبعدين ماعندكم اهتمام في بعض لدرجة انك شاكه انك "حامل أو "لا" ...والرجال طايح رفس فيك ...انا مااحب احطمك ..ولكن مابعد توسعت مدارككم للحياة ..إذا في أول 6 شهور صار فيها ضرب وشتم وتشوت ..أجل لامن صار لكم 5 سنوات معا بعض بتسوون حلبة مصارعه بالبيت ..

رأيي

صارت لك مشكله معاه ..أدخلي غرفتك ولاتكلمينه ولا تردين عليه حتى لو قام يسب .. إذا حدث وان صارت مشاجره وأرتفعت الأصوات ..اعتبري نفسك مهزومه واطلعي من هالجو ..بأنك تروحين لمكان مايكون فيه ..ماهو تقليل من شأنك ولكن علشان ماتطلع كلمه منا وإلا منا

إذا صرتوا رايقين .."مثلي" ..وتصالحت النفووس ..قولي له ترى الي تسويه غلط ..وفهميه ان الحياة ماتمشي بهالطريقه ..وإن السب حرام وعيب ..والضرب ماراح يوصلك لنتيجه ..ومن الكلام الي تحسينه انه بيسنعه


والله يوفقكم يارب ..وترى هالأمور ماتخلوا من أخذ رأي الناس الأكبر منك ..أمك أختك ..أي أحد ترتاحين تكلمين معاه ..




أخوك رايق

ريــــوووف اختي ريوووف انا معاك في كلامك لكن والله لو تشوفي الضرب اللي ضربني اياه امس
وعلشان ايش علشان فلم ....!!!!!!!!!! والله قهر
lolo y مشكوره اختي على نصائحك بس لو انتي فريتي قصتي عدل انا لمن دخلت الغرفة جى وكمل سب وجلس فيها ولمن طلعت من الغرفه مر اكثر من ربع ساعه ورسلت له رسالة عتاب طلع بعد يسب يعني مافي فايدة
بس في الليل رحت نمت معاه ع السرير والصبح اشوفه يبي يضمني بس انا مطنشته
طيب اقوم بواجباته بس ما اكلمه والا ايش ؟؟؟
رسايل مون انا ما ابي ادخل اهلي بأي شكل من الأشكال ولا ابيهم ياخذون فكرة عن زوجي لأن زوجي مو سيئ لدرجة اني اشكيه لأهلي ولاهو كل يوم يطقني بس اذا انا عصبته وانا اعترف
متفهم جدا المشلكة ان امي حساسه جداً يعني لو تعرف ان صارت مشكلة ما تنام الليل وتحاتي وغير كذا انا استحي لان مهما تصير من مشاكل بين اخواتي وازواجهم ماحد يتكلم ولا حتى اخواني فما ابي اكون شاذه وانا عارفه ان في النهاية بنتراضى بس ابي افهمه ما يضربني ويسبني كيييييييييييف ؟؟؟ مو عارفه

(أم جمانة) اختي ام جمانه والله فاهمه كلامك لكن كل مرة يسبني وانا ساكته علشان لا يزيد واللي يقهرني ولا مرة سويت شيء يخليه يسبني صحيح دايماً اشياء تافهه تصير في اي وقت ومن اي شخص
يعني طاح مني شيء او مثل هالسالفه لمن وقفت الفلم او اشياء تافهه جداً جداً
اسرار تدرين انه في ايام الخطوبه يقوللي انا احس الرجل اللي يضرب زوجته او يضرب حرمه مو رجال وللحين يقولها بس اذا فقد اعصابه ما يستحملني يعني هو يضرب وهو ما يبي يضرب
وغير كذا هو ينقد في تربية اخوه وزوجته لان اولاد اخوه اعماهم ما تتعدى الخمس سنين وسب ولعن والفاظ وسخه ودايماً ينصح اخوه بس اهو عادي قول المهم الصغار مايقولون (هذا من وجهة نظره)
رايق 2004 الظاهر انك فهمت ان حايتنا كلها كذا .........!!
لا والله بس امس وفي الحالات النادرة وانا كلما ضربني اقول له يالله كمل ضرب وخلاص اهو فاقد اعصابه ياليت لو تقرأ ردي للأخت لولي
االلي قاهرني انه مافي امل يعترف بخطأه حتى لو هو يدري انه غلطان لو اموووت ما يعترف وانا كل مره ابي اتناقش معاه واقول له بهدوء ورقه حبيبي انا زعلانه منك لانك غلطت علي وسبيتي
يقوللي انتي تستاهلين مايقول انا اسف وغلطان
متى يعترف..؟؟
اذا يبي حاجته ......... اظنكم عرفتوا
وبعد كذا ولا كأن شيء صار
مع العلم انه من قبل وعدني انه مايضرب ولا يسب بس مو شايفه شيء
اخواني جزاكم الله خيراً على ردودكم ومواساتكم لي لكني تعبت ابي حللللللللل ما ابي اصبر والله مليت
طيب اقوم بواجباته بس ما اكلمه والا ايش

على فكرة انا دايماً اقول له الشخص المؤدب المؤمن مايسب بهالألفاظ السوقيه وهذا مو مستواك وارتقي شوي و و و ...
اذكر له العقاب بس هو اذن من طين واذن من عجين

زوجـك مثل النار المشتعله في بئر نفـط .. أي كلمـا صببنا عليها الماء ازادت اشتعالا .. واذا تركناها كما هي استمرت مشتعله ..

زوجـك يحتاج لمعامـلة خاصــة والظاهر انـك لا تقلين عصبيـه عنه ..

واذا التقى اللهبيـن استعرت النار اكثـر..

الأخت الكريمة أم مهدي:
أعتقد أن الانسان المتحضر لا يلجأ للضرب أبدا وتحت أي ظرف من الظروف ولاي سبب مهما كان. أما ان تصل المسائل الى الضرب والسباب والشتم ..... ومن أجل ماذا؟ من أجل فيلم تافه ! فلا ولا ولا وألف لا. يجب أن يعلم زوجك ان ضرب زوجته ليس من الرجولة في شيىء! وان كان هناك ما يريد ان يقوله فليتحدث بلسانه وليس بيده.
لا أستطيع ان اجد مسوغا للضرب لأي سبب. وان وصلت الأمور للضرب وكسر الأكتاف واجهاض الأجنة.... فانه يجب أن يذهب كل زوج الى حال سبيله !!
أعتذر لك ان كان كلامي قاسيا .
......................
تحياتي.



بالعذر منك أخي الكريم فالحديث المذكور غير موثق . نرجو التوثيق حسب تعليمات المنتدى . شكرا

طيب ابي اسألكم
هو طالع من الصبح للعمل ومفروض يرجع الساعه 5 العصر وللحين ما رجع والحين الساعه 8 الا ..
انا خايفه عليه يمكن صار له شيء بس ما ابي اتصل كرامتي ما تسمح لي
انا عادة اتصل له اسأله وش يبي عشاء ....!!
اتصل اسأله او ما اسوي عشاء من الأساس ولا اسأل
وش رايكم اتصل والا اصبر واطنش
؟؟؟؟؟؟؟؟؟
انا حيرانه دلوووووني

أختي عارفة الموقف كم صعب ، لأنه فيه ضرب ورفس ومسبات !!!!!!!!!
وبالنسبة لتصرفاته عكس كلامه هذا يسمى تناقض ..
وبعدين على شئ تافه على فلم عمل كل هذا وإنت وين مكانتك في قلبه !!!

برأي خليه يعرف خطأه ويعتذر لك لأنه فعلا أساء لك ..

إذا في فلم ما قدر يملك أعصابه ولسانه ، حتى ولو كان من النوع العصبي
ما يصل للرفس والضرب واللعن والسب .. إنت زوحته ولست جارية لديه .. !!!

ما تدخلي أهلك ، وبعد المصالحة بإذن الله قولي له إني لم أرد أن أقول لأهلي
حتى ما يكرهوك ، ويكون لك مقدار في قلوبهم ..وما تنزل من عيونهم .. ومن هذا الكلام ..

أختي براي تقومي بكل واجباتك الشرعية فقط لا شئ آخر ..
يعني قومي بعمل الطعام وضعيه في وقت عودته في سفرة الطعام إذا جاء وأكل كان بها
وإن لا فهو حر .. ولكن دعيه يراه .. ويجده فوق الطاولة .. وأهمتمي بملابسه .. وتحضيرها ..
ولا تتحدثي معه فقط ردي السلام ، وإن طلب شئ أو إحتاج شئ كالشاي أو شئ مثل ذلك
قومي بعمله..
(( تعرفي لماذا أقول لك إفعلي كل هذه الأمور .. لأنه سيخجل من أعماله ويعتذر لك ويطلب رضاك .. ))

ولا يحن قلبك وتكلميه كوني صارمة ، ولا تهملي بيتك وشكلك .. وكوني عادية وطبيعية ، يعني ما تغيري
من نفسك بسبب المشكلة وتصبحي عصبية ومش رايقة لشئ ..

وبالنسبة للأطفال برأي لا تفكري بالإنجاب حاليا .. لأنه عصبي ولن يتحمل تصرفات أولاده ، والدلالة على
ذلك طريقة تربية أخوة لأطفاله بالسب واللعب والضرب .. وفوق هذا الأطفال ما يقولوا شئ !!!!
((( يعني الطفل يتعلم ما يراه ويتعامل مع إخوته بنفس الأسلوب الذي تعودوا عليه ... !!! ))))
وأيضا لتعرفي طبعه أكثر ويتغير أسلوبه للأفضل .. ويحترمك ويقدرك .. ويعرف قيمتك ..

وهمسة في أذنك أختي المسلمة .. رأيت أن معصية الخالق ( مشاهدة فلم ، ورقص ، ومفاتن نساء )
تجلب المشاكل بين الزوجين ، وتضيع السعادة وراحة البال ..

وكوني مع الله وأكثري من صلاتك ودعائك له بالهداية ..

وفقك الله أختي ، وأصلح حال زوجك ..

[QUOTE=lolo y]يا حبيبتي يا أم المهدي , الله يكون في عونك ..
اسمعيني الله يسعدك .. هو غلطان وانتي غلطانة , وهذه المشاكل شي طبيعي في السنة الأولى من الزواج لأنكم ما تعودتوا على بعض , فلا تشيلي هم .
أختي .. كان من المفروض أنه إذا غلط عليكي من البداية انتي تطنشي وتدخلي على غرفتك بس طبعا مبين أنك زعلانه وصدقيني هو على طول بيجي و يراضيك ِ ..
المهم : كوني انتي أحسن منه في هذه الظروف , قمي و أعملي الفطور والغذاء والعشاء ونظفي بيتك و أغسلي ملابسه بدورك أنتي الزوجة ولكن : لازم يكون عارف أنك أخذه على خاطرك ولازم يعرف بغلطته و يراضيك ِ .
لا تكوني قاسيه معاه , وكوني أنتي الأفضل , حتى يندم ويا كل في نفسه ويتحسف ..
الله يعينك وقلبي لن ينساك إن شاء الله من الدعاء .. وقومي انتي أيضا في آخر الليل وصلي ركعتين و أدعي بأن الله يهديلك زوجك .. [/QUO


آآآآآآآآآنا مع الأخت


لأن لو شكيتي لأهلج وتدخل أحد راح تزيد المشاكل أكثر وأكثر فخليج أعقل من هالشي... ولاتنسي زوجج شخص عصبي وأنتي اللي دفعتيه بأن يمد يده عليج... بصراحة لو آنا بهالموقف وأحد ينرفزني أقتله لأني عصبية حيييييييل

وأتمنى لج التوفيق عزيزتي

............................................

........................................

السالفه هذي راح تكون لكم ذكــــــــــــــــــــــرى وكل ما اتذكرونها راح تموتون من الضحك صدقيني اكلمج جد راح تصير ذكرى حلوه

الله يخليكم لبعض ويبعد الشيطان عنكم

اختي أم مهدي ماكو بيت زوجيه خالي من المشاكله والحمدلله مشكلتكم بسيطه ولا تجعلين للشيطان مجال يدخل بينكم ويهدم حياتكم عشان اسباب مالها أهميه وتافهه حييييل

تعوذي من الشيطان وقبلي رأس زوجك وتعذّري منه حتى لو كان هو الغلطان خليج انتي احسن منه

وبعض الاخوات الله يسامحهم يقولون خليه يتأدب ولاتردين عليه صج صج الله يسامحهم ليش تبون تفرقون بين الزوج وزوجته !! ......... هذي من أعمال الشيطاااااااان استغفروا ربكم وانصحوا اختكم وآزروها واخذوا بايدها .......


أختي الفاضله أتقي الله في زوجك وتذكري إذا بات وهو عليك غضبان تلعنك الملائكه حتى تصبحين ................
الله يصلح بالكم ويهديكم


تقبلي تحياتي
مزاجــــــــــي




الأخ الكريم . أرجو منك توثيق الأحاديث حسب نظام وتعليمات المنتدى . شكرا

مشكورين اخواني كلكم على الرد

اختي رفيقة عمر هذا اللي انا اسويه والحمدلله احسه جاب نتيجة لأن اليوم اعتذر انه غلطان بالتلميـــــح وجالس يراضيني ويدلعني ويبيني اكلمه بس انا مو عاطته وجههوكل شوي اذكره باللي سوته ويقوللي والله ما قدرت انام خايف عليك وانا اخلي ضميرة يأنبه زياده بس انا قلت بأكمل اسبوع وبعدين بأرجع احسن من الاول علشان لا ينسى هالموقف ابداً

مريوم حبيبتي مشكورة لمرورك

اخي مزاجي والله اني اضحك من الحين على هالسالفه التافهه لكن انت تعرف الشيطان شاطر ويسبب الأسباب للمشاكل
والله تسلم على نصائحك واشكرك من كل قلبي بس انا اختلف معاك في شيء واحد
انا ما احاول ولا اخواتي الأعضاء يحاولون يخربون بيتي انا جالسه احسسه انه غلط بحقي بطريقة ذكيه وبدلع يعني ما وصل الموضوع لأهلي لأني استحاله ادخل احد بيني وبين زوجي بس بعد ابيه يحترمني في الأيام والسنوات الجايه ويحط في باله انه كل ما ضربني وسبني انا مارح اسكت له يعني انا مو طوفه هبيطه له
وانا احس هالأيام بالندم في عيونه وكل شوي يذكرني بحبه يسـألني اذا احبه واقول له احبك بس مو مثل قبل ولا بنسى لك اللي سويت لي اياه
وانا متفائله انه بيتغير لأنه حلف لي بالله انها آخر مره
علشان كذا انا اقوللك اذا رحت له انا من البدايه ولا كأن شيء صاير لا بيحس بالندم ولا بيعتذر وبيعيدها مرة ثانيه لأن شافني ما تأثرت ولا زعلت وولاسويت شيء...
ياليت تكون فاهم وجهة نظري

وع العموم نصيحتك على راسي من فوووووق وتسلمون جميعاً