حبيبتي أعتذر لاتزعلين مني ..وربي مو قصدي لا اظلمك ولا ازيد همك...بس انتي ماوضحتي هالشي

انتي قلتي ياعمري انك الوحيده اللي تعاملك كذا ..ماقلتي انهم نفدوا بجلدهم منها هههههه

وسعي صدرك ..

بس برضو يالغاليه ماقلتي لنا

عندها مشكله نفسيه واضحه او طبعها كذا؟

زوجها عايش او متوفي ؟

عمرها بحدود كم؟

متعلمه موظفه اولا؟

من اللي يصرف على البيت زوجك اوهي ؟

سكنكم معها بسبب ظروفكم ماتقدرون تطلعون او زوجك يفضل يبقى معها ؟

كيف وضعك معها ؟؟ يعني مقابلتها 24 ساعه ؟؟ او هي اللي تلحقك فالمكان اللي انتي فيه ؟

لك تليفون خاص او مشترك معها ؟

زوجك واخوانه وخواته وينهم وش ردة فعلهم؟؟

عشان اساعدك ان شالله بدون ماظلمها لازم تعطينا الوضع اللي انتم فيه

لاتكتفين بكتابة مواقفها معاك وبس

واوعدك اكون معك اختي باللي اقدر عليه

(( وسعي صدرك)) وعسى يبرونك عيالك ان شالله مثل زوجك اللي بار امه

هههههههههههه
يووووووو انا اعرفت شوبها حماتتك
شافتك صبية ويخزي العين عننك بدها تقلدكك
يمكن مسكينة بجد جاعبالها ترجع صبية عشان هيك بتقلدك
اتجاهيليها وخلي ادن من طين وادن من عجيننن

الله يكون بعونك

بسسس عن جد انا مستغربه اشلون تلبس مثلك؟؟ عادتا لبس البنات غير عن لبس الحريم لكبار

عن جد ماتخيل حماتك لابسه ثوب سهره مثلك
بس اكيد حماتك ماعندها صاحبات تروح وتجي عندهم

وتملي وقت فراغها بمراقبتك وازعاجك

تبينها تبطل هالحركات زيدي بدلالها وتدليعها اكثر واكثر يمكن تطفش وتتغير وعامليها
مثل اختك لصغيره يمكن تتطفش من كثر التدليع وتمل وتجوز عن سوالفها
انا سمعت بسن مراهقه المتاخره للرجال بس ماسمعت عنه للحريم!!!

موفقه اختي الكريمه

بهجه

لا عندها مشكلة نفسية ولا شي أنا اللي قمت أ سير العيادة النفسية.
-حماي يا حليله عايش وكل ما يشوفني يقول الله المستعان وهو ما بيده حيلة ريال شيبة ومريض
-عمرها تقريبا 65 سنة
-لا متعلمة ولا متوظفة بس تتفلسف وتدخل في كل شيء من السياسة للنووي .
-هي اللي ساكن عندنا هاد بيتها وقاعد ويانا واللي يصرف علي البيت زوجي
-زين أني أداوم ما أقعد وياها الوقت كله بس بالإجازات الله لا يراويكم معاناتي ماتخلي شي ما تنتقده ليش شعرك تشي ?ليش لابس ها اللبس?ليش حاط ها الريحة?منو تكلميين.............................?
أخوان زوجي و حتي خواته هادينها لأنهم عارفينها زين ما زين وما نشوفه إلا في المناسبات وزوجي مسكين يقول اصبري آخواني كلهم ها دينها ما أقدر أسوي مثلهم وزوجي يحليله عارف أمه و مقدر اللي أنا فيه و أحاول ما أخلي ها المشاكل تأثر علينا بس صراحة تعبت حاولتتتتت معاها كل شيء و ذليت عمري زيادة عن اللزوم
تعاملني نفس البشكارة في بيت تذلني قدام هلي
والله أني تعبت

والله مدري وش اقولك حالتك مستعصيه هههههههههههه

مافي إالا انكم تطلعون فبيت لحالكم... اقنعني زوجك... وكونكم تطلعون فسكن مستقل مو معناته انه بينقطع عنها او يصير مو بار فيها ... ياما عيال متزوجين ساكنين بسكن مستقل ومافي احسن من معاملتهم لاهلهم وبرضو ياما ساكنين عند اهاليهم ومسودين عيشتهم ...

يعني اذا هو بار بيكون بار ان شاء الله فالبيت ولا برا البيت ...

مالك الا انك تطلعين ... لو عطيناك حيل بتنفعك يوم يومين ... وبعدين ؟؟

مافيها شي خلي زوجك يقعد معها ويكلمها ياتطلق سراحكم او تطلعون فبيت لحالكم

لازم تنحل المشكله جذريا ... حتى لو اضطريتي انك تروحين كم يوم بيت اهلك عشان زوجك يعرف ان الموضوع جد....

واذا مافي أمل ... وناويه تستمرين ...عطيني خبر واكتب لك حيل لين تشبعين عشان تاخذين راحتك شوي

الله يعيـــــــــــــــــنك

الله يعينكم



الأخ الفاضل / الأخت الكريمة ،

برجاء الانتباه لكتابة لفظ الجلالة فلا تكتب إلا كما وضح في بداية المشاركة

مشكورة أخت جمرة

والله أن كلامك يخفف علي .بس ما أدري وش أقو ل محتارة
زوجي وايد حساس و طيب زيادة عن اللزوم .أنا سويتها قبل وقعدت بيت أهلي 4 شهور والله لا يراويك وش كانت حالته بها المدة وايد تعب وكل يوم يجيني و يقول ردي بيتك ما حد مصبرني و مواسيني فيه غيرك و الله أني أحسه نفس الياهل .حز علي قلبي و خفت عليه و رديت البيت و معترف بمعاناتي و يحا ول يواسيني ويخفف عني بس صراحة أمه مسختها وايد.
المشكلة أنها لهي راضية تم ببيتها ولا مخليتنا نطلع ويوم نكلمها بالموضوع تم تتحرطم و تصييح أونه كلكم تبون تهدون ما حد يحبني................................\?و آخر شيء زوجي مسكين يسكت.
البارحة علي العشاء سدت نفسي و خلت الشيطان أعوذ با الله يوزني بأفكار ما أدري كيف.
قاعدين ناكل شوي تقولي ليش قاص شعرك تشي مو بلايق عليك مرة حاولي تسوي و تسويي........تشي أكيد بكو ن أحلي طالعتها وسكت و أنا قايمة زوجي نغزني بريوله وها الحركة معناها في قاموسنا هد ي أعصابك لأنها لو نطقها بتاكله.
والله أني حرت

يا اختي megnolias اذ كنتي حديثه الزواج او صارلج سنه مع زوجك تصوري كل شي من حماتج اقصد ام زوجك
الحين تعتبرج دخيله في حياتها و انتي اخذتي ولدها من حضنها الي كان كله تشوفا امامها الحين وحدة ثانيه اختها منها تجن جنونها شنو تتصورين تبدي الغيرة الام كل ام جذي الا ما شاء الله الي ما تغار عليه انتي صولي بالج وياها و لا تعصبين حاولي انج تكسبينها اذا قالتلج قصتج مو حلوة قولي لها عيل علميني شنو الي يليق علي برايج يمكن انتي تعرفين احسن مني و حاولي كثر ما تقدرين انج تكسبينها

صدقوني ما شيء ينفع وياها
4 سنين وأنا متزوجة كل هذ ا ما يكفي
هي إنسانة تسلطية تحب تمشي كلامها علي كل أحد
سويت كل شيء مانفع سايرتها سمعت كلامها أتماش وياها مثل الصغاري بس الهواشة والصراخ اللي ما جربته لأن مهما كان تربيتي ما تسمحلي أسوي تشي
بس هي ما تقدر ها الشيء

ياقلبي انتي طنش تعش ...ليش ماتحاولين تضحكين من اللي يصير ...بدل ماتزعلين
مدري ليش كل ماقريت سطورك أتخيل خالتي قماشه :14:
أنتي متأكده مو حاطتلك كاميرات فغرفتك ولا تسجيل بتليفونك

أمزح لاتصدقين وسعي صدرك يابنت الحلال ..

بعدين قهرتيني لما قلتي زعلتي اربع شهور وبعدها رجعتي بخفي حنين

دامك سويتيها وتركتي زوجك المفروض تكونين قويه .. لأن مافي شي يجبرك تعيشين على أعصابك

يجي متضايق ومحتاجك وتعالي بيتك وهالكلام؟؟ طيب تبيني ريحني

لاتترك امك لكن سكني فبيت لحالي ...جد خليه يروح يقعد عندها قد مايقعد عندها وهو معها بس انتي تكونين فشقتك وبعيد عن عيونها ..

لازم تصحيــــــــــن يبيلك دش بااااارد يصحيك

دامك محترمتها ومو حارمتها من ولدها خلاص

لازم تعرفين انه من حقك
- يكون لك تليفونك الخاص
- يكون لك مشاويرك الخاصه
- يكون لك خصوصيه فبيتك
وهاذي الأشياء لازم يقتنع فيها زوجك
خليكي صارمه... ماله عذر صراحه؟؟ ماطلبتي يبيع امه عشانك ولاطلبتي يقلل احترامها
قوليله بصريح العباره تبيني اتجنن؟؟ تبي يصير لي اكتئاب؟؟ تبي اكرهك؟؟ ولا تبي انفجر يوم واقلل ادبي على امك او اشتمها لاسمح الله واطلع عن طوري ؟؟
كل شي له حدود ... بس لازم ت قنعين زوجك ليل نهار لانه من حقــــــك يكون لك بيتك الخاص
دامك مو مرتاحه فعيشتك مع اهله
اقتنعي ان راحتك بيد زوجك ... لازم يصير له كلمه ويحط لكل شي حدود

بعدين قولي لي ليش ماتقعدون معها انتي وزوجك وتناقشون كل شي ..
هي مو طفله ولا مراهقه يعني بتتقبل النقاش غصب عنها دامه باحترام وبدون تجريح
تبي تصيح خليها تصيح شوي مابيضرها ... لانه واضح انها مستغله الوضع
ابكي وتتحقق لي رغباتي ؟؟ اصايح وارفع صوتي ويطيعوني ؟؟

راحتك بيد الله ثم بيد زوجك لاتصيرين سلبيه وتضيعين احلى ايام شبابك بنكد والحل سهل

وبالنسبه للتقليد
مدري هي تسوي كذا عن اقتناع انها بتصير حلوه مثلا
او تسوي كذا عشان تكيدك

اذا الاولى الشكوى لله وش تسوين يعني

واذا الثانيه انا اقولك وش تسوين

- بالنسبه للتسوق -
1- لاتروحين معها لو اش ماصار روحي مع زوجك او اهلك
2- البسي ملابس بناتيه مره بدرجة انها اذا لبستها بيصير شكلها غبي زي اللي عليها رسومات او الوان فوشي وفسفوري
3- شعرك حطيه قرنين ولا حطيه على جنب وحطي ورده كبيرررررررررررره
او اصبغي خصل ملونه ازرق واخضر وموف وفوشي عشان تستحي على دمها

4-روحي محلات تكون القطع اللي فيها محدوده يعني ماينزلون من الموديل الواحد عشر قطع عشان لو دورت ماتلاقي
5- روحي محلات تكون مقاساتها محدوده
6- حطي عدسات ملونه كل يوم لون واتحداها تحط فعيونها يخافون العجايز
8- حطي على وجهك وصدرك تاتو ( ملصقات الجسم اللي بشكل قلوب وشفايف )
9- حطي مكياج غريب روج ازرق شدو فضي كحل موف يعني شي مستحيل تفكر تحطه واذا حطته مابتعرف واذا عرفت مابيصير زيك
10- فالمناسبات سوي المستحيل عشان ماتتزينين ولا تلبسين فالبيت روحي عند اهلك واكشخي
11- اذا اضطريتي انك تشترين معاها فستان سهره مثلا واشترت نفسه كالعاده
12- اشتري فستان ثاني وخبيه ...وقدامها البسي اللي مثلها
واذا ركبتوا السياره سوي انك نسيتي شي وانزلي بدقايق غيري لبسك وارجعي وخليها تنصدم فالزواج والاكسسوار زي ماقالت وحده من البنات مستحيل يصير نفسه
13- من وقت للثاني اطلبي ملابسك من كتالوج وتوصلك من الشركه بعد اسبوعين وحتى زوجك مو ضروري يدري تحولين الفلوس وتعبين اوراق القطع اللي تبينها وتطلبين
بكذا ماتصير زي ملابسك واذا عرفت وزعلت قولي بكل براءه بس كذا ياخالتي انتي تامرين امر اجيبلك زيها نسخه طبق الاصل بس عاد لازم تنتظرين ثلاث اسابيع

وتهني بلبسك اللي ماعندها زيه
14- الجزم الله يكرمك البسي موديلات مستحيل تقدر تلبسها
مثلا.. كعب عالي مرررررررررررره بحيث لو تلبسه تطيح
مثلا.. الصنادل اللي فيها خيوط تنربط على الساق اتحداها تلبسها

مثلا.. البسي بوت رياضي معه تنوره جنز وتيشيرت مكتوب عليه لاللمخدرات

-15البسي بلايز مكتوب عليها حروف وكلمات بالانقلش ( بس تكونين عارفه معناها )

16- البسي تيشيرت عليه صورتك وصورة زوجك :14:
وسوي لها مثله تمام وخليها تكشخ بصورتك
حتى الحريم بيحسدونك بيقولون من غلاتها عند ام زوجها معلقه صورتها على صدرها

17- البسي هيلاهوب فوشي مخرم ترا كان موضه قبل فتره مع كعب بوووز زي حق علاء الدين وجعدي شعرك وانفشيه ...

18- ألبسي اوفر هول مدري تعرفينه ولا لا الجنز اللي يجي بنطلون او تنوره وله سيور من فوق وتلبسين تحته تيشيرت

19- البسي تنوره كلوووووووش :14: وتكون حوالي عشر طبقات
واتحداها تلبس زيك

20- احلقي شعرك عالزيروووو براااد وونااااسه وشي مستحيل تشوفين مره مسويته


وأخيرا ياحبيبة قلبي برجع اقولك وسعي صدرك وطنشي واهم شي زوجك والله يصبرك وياااجرك

وكل شي يهون لعيووون زوجك الحبيب ودايم فكري

لو كانت حماتك حبوبه وعسل وزوجك شرير وش بتنفعك!! ولا شي


واللي كتبته كله لاتصدقيينه ولاتطبقينه ماقصدت فيه يالغااااليه الا انك تفرفشين وتوسعين صدرك مع الصبح

الله يسعدك ويوفقك...واي شي تبينه ترانا خوااتك ودايما موجودين
أنتي آآمري بس .......الله يحفظك