السلام عليكم ورحمة الله وبركاته..
بداية أتأسف عن كون الموضوع في غير محله، لكن لم أجد مكانا مناسبا الا هنا..
عندي مشكله معقده جدا .. بالأحرى ( ميؤوس منها )..أحاول اختصرها..

أنا شاب عمري 19 سنه و عندي بنت خاله أحبها والله حب كثيرا،وهي كذلك، وبحكم العلاقه اللي بين
امي وخالتي( علاقة اخوه خياليه ما شاء الله تبارك الله ) مرتبطين في كل شي (مسوين قروب عن باقي الخوات)
،لكن قدر الله و ما شاء فعل، أمي أرضعت بنت خالتي!!
البنت اللي أحبها من كل قلبي.. اختي من الرضاعه.. أنا ما عرضت
مشكلتي تسخطا على أمر الله، لا والله، انا راضي بقدر الله، و أسأل الله ان
هالشي يكون خير لنا، بس المشكله ما ني قادر أنساها، وكل ما فكرت أتناساها
أفشل، لاننا على اتصال دائم،،، ما ني قادر أتخيل كيف أعيش حياه سعيده مع بنت
و أنا أحب غيرها..أحاول أعتبرها اختي وبس لكن ماني قادر،و للأسف اهلي مو مساعديني

أطلب من الله أن يعينني، ومن ثم أطلب منكم المشوره.. تكفون قولوا لي
وش أسوي لأني تعبت، ماني قادر أركز في دراستي و لا في باقي حياتي..

اسف على الإطاله .. شكرا جزيلا
و السلام عليكم ورحمة الله وبركاته