اختي البتول كلامك سلمي جدا..
بس حبيت اضيف..
مهما انتظرت مستحيل يجيها انسان كامل...والمراة اللي تطلب صفات مثالية لدرجة انها وصلت للعنوسة ومالقت رجل يحمله ا اعذريني طلباتها فيها مبالغة..
يعني سنة سنتين معقولة..لكن تعدت 35 او 40 ومالقت الرجل المناسب..احس فيها مبالغة..
شي ثاني صحيح لان الزواج الفاشل من اسمه فاشل بس ايضا حياة العانس ليست حياة طبيعية..
وحياتي بمشكلات معه زوجي افضل من حياتي بلا زوج ولا اطفال!
يعني لو مطلقة وعندي اطفال عادي اعيش عمري الباقي ولا عمني بس بدون اطفال صعب جدا جدا...
صدقيني الامومة تعادل الزواج الناجح ان ماكان اهم في احيان كثيرة..
والمراة اذا تعدت عمر معين تنمت كون لها طفل لو ما تزوجت الا يوم واحد...
الحين كثير ندموا انهم ماجاوبا الا طفلين ثلاثة فكيف الا ما انجبت ابدا..._وطبعا هذا بارادتها لانها هي اللي رفضت الزواج...فما اقصد اللي ما رزقها ربي اصلا
يعني البنت في العشرين ممكن تتشرط..اول اثلاثين معقولة..بس بعدين مو من صالحها ابدا..
هذي الكلمة ( تلحق نفسها وتنجب على الاقل ولو طفل ) صدقيني كلمة عميقة بس ما يحس فيها الا انسانة تعدت سن الانجاب وادركت اهميتها..
الزواج ما هو سعادة وحلم وحب وعواطف وبس...يمكن بعد ما تلقينها ابد,.,,
لكن في الزواج اشياء اساسية في حياة المراة..الامومة شعور لا يعوض بمال..وصدقيني المراة مستعدة تضحي بكل شي من اجل اطفالها فكيف ما تقبل بالوزاج من اجل انجابهم!
بصراحة انا ماني معاك في هذه النقطة ابد..
بل الامومة سبب لوحده كافي للزواج بل و اكبر سبب للزواج...
وانا لما انجبت اطفال اقول وعلى الدنيا السلام!
بس قبل من وين اقول وكل سندي بعد الله ما طلعوا للدنيا؟
مافيه احلى من كلمة ماما ومن احساس طفل انك عالمه كله، مافيه امتع من ركضة الطفل لك اذا شافك، من صرخته اذاخاف ماما ماما....من رميته لنفسه عليك...لا والله سبب وسبب اكيد....
وبعدين لنكن صريحين.هل.كلمة عانس كلمة عادية... ما تجرح؟! لا والله تجرح..واذا جلست في المجالس وسمعت ا لنساء يتشكون! ماقلت يمدحون قلت يتشكون من ازواجهم حز في خاطرها كلامهم! وتلقينها تقول في نفسها لو كنت مكانها كان سويت كذا او قلت كذا..فكيف اذا كانوا يمدحون؟
البنت اذا راحت مكان ماحد يقولها شي بس مع زوجها يقولون ماشاء الله مدللها!!!
حتىاهي احساسها ان زوجها شرى لها... سافر فيها .. له معنى ثاني..
وحدة قالت كلام زي كذا العنوسة ولا زواج فاشل وليش اتعب حالي وو ...سالتها بالله عادي عندها هالكلام اقصد احساسك انك تتعدين العمر الطبيعي للزواج طبعا هي كان عمرها 27 يعني مو عانس بالمعنى العام رغم كذا ..قالت لا والله لما اشوف زميلاتي تزوجوا يحز في خاطري مرة ولما يتكلموا عن اولادهم ايضا يحز في خاطري مرة مرة
ولما انخطبت قلت لها وش تقولين قالت اي والله لما يكلم او يتصل او يجي لاهلي احس باعتزاز وفرحة ما لها وصف!!! قلت الحمد لله اللي جاب النصيب!
انا ما أبغى اجرح اي وحدة ما تزوجت بس والله لمصلحة الجميع..
مهما كانت ظروف الزواج صعبة هي افضل من العنوسة..يكفي احساسها انها مثل الناس!
ولاتقول ما علي منهم لتكن صريحة مع نفسها هل هو عادي فعلا!!
الشي الثاني ليش تفترض انها ماراح تكون افضل!
ارجع واقول ما اقصد توافق على اي احد! بس تحدد ظروفها وتقدّر عمرها...وتجعل شروطها قريبة من الواقع وتسال نفسها سؤال حقيقي يعني هي مافيها عيوب؟!!
لازم تقبل بقدر ظروفها وهذا شي يختلف من وحدة للثانية...
كلمة اخيرة..
السعادة مالها لون؟ يمكن تتزوج وتعيش سعيدة ويمكن لا..ويمكن ماتتزوج لكن ماتعيش سعيدة!!
لذلك اقول تزوجي وعيشي الحياة الطبيعية اللي خلقك ربي عليه..جربي الامومة وربي طفلك علىطاعة ربه وقومي بحقوق زوجك راح تحسين بدور في الحياةماكان موجود قبل فضلا على عظم الاجر اللي بتلاقينه سواء كنت سعيدة ام تعيسة..
وش بنلقى فيهالدنيا غير الابتلاء والصبر؟! وين ما تروحين ابتلاء وامتحان؟ يكفي انني اؤدي ما خلقني ربي له...فضلا على ان الحياة الزوجية ليست بالصورة السوادوية اللي قلناها..يعني مافيه زواج كله مصائب!!
كل زواج فيه الزين والشين...وفيه كثير زينه اكثر من شينه يمكن يكون من نصيبها الزين!
الله يوفق الجميع وآسفة على الاطالة