سلام عليكم ورحمه الله وبركاته ..

انا والله منحرجه بس حبيت استشيركم في موضوع
لاني ماعد عرفت كيف اتصرف وايش الصح والغلط
انا من صغري كنت متعلقه بعمتي واولادها وعشت معهم كثير
واعرف كل شي عنهم كنت ازورهم واتواجد معهم لدرجه البعض يفكرني بنتهم
لان بنتها كانت بعمري ودرست معي ونحن صديقات وكاننا اخوات
انا نسخه من عمتي وعمتي لها ابن يشببها وكلنا من عائله وحده
ماعرف ليش الناس ربطونا فلان يشبه فلانه خلاص هما لبعض
كانت مزحه بس المزحه هاذي ما لها نهايه صار لها اكثر من 10 سنوات وما خلصت !!
حتى متى الناس تطقطق علينا ان احنا لبعض ؟؟ لا اعرف كيف اصف شعوري
بس شي مزعج انها كانت مزحه والان صار الكل يراقب تصرفاتي
امس زرتهم بعد انقطاعطويل عن زياراتي لهم برغبتي
تضايقت من تعليقات اخواني رايحه لفلان ؟؟؟ مو اخواني وبس كثير يعلقو علينا
وقبل كم يوم كنت في بيت احد اقاربي وجابو الناس سيرته الكل تبسم وسكت !!
وهذا يصير كثير ،مازلت اذكر موقف تزوج احد محارمي من امراه من قبيله اخرى
لا تعرفنا ولما راتني قالت لي تصدقي انتي تشبهي فلان الكل مسك نفسه
فجاءه انفجرو ضحك ،هما اللفو قصه وابطالها وصدقو نفسهم !
انا هذا الشخص ابدا لا اريده ولن اوافق عليه واعرف ان ردي رح يكون صدمه قويه و
كبيره للجميع وممكن تصير شوي حساسيات بين العائلتين وانا جدا قلقه لهذا الشي

كيف اجتنبهم ؟؟
كيف امسح هذا الشي من عقلهم ؟؟
افكر اقاطعهم وفعلا سويتها وجلست سنوات مازرتهم بس هذا الحل
ماكان مناسب
برايكم زياراتي لهم غلط ؟؟
انا احس لو زرتهم رح يقولو تحب فلان وتريده
ولما تجنبتهم وامتنعت عن زياراتهم حسيت كاني وحيده
ماعد شفت زيارات الاقارب لها اهميه صرت انطوائيه جدا ..
للعلم كل اللي يصير سوالف حريم هن اللي يخططين
ويرشحين لعيالهن واذا ماصار اللي هن يريدينه يزعلين ..
اثنين من عيال عماني خطبو خواتي قبل ولما ماصار نصيب
زعلو امهاتهم فتره طويله للحين مرات يتحسسين
انا والله مالي خلق للمشاكل وخايفه منهن
ومستحيل اجامل حد في هذا الموضوع او اقنع نفسي بالغصب ..
اعذروني ملخبطه افكر كثير وماعرفت اكتب واطلع ما في قلبي

خلاصه : ازورهم وافلها واطنش العالم ولا اجتنبهم وابعد عنهم لاني لن اوافق عليه؟؟

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم