مشكور اخوي وانا كنت انتظر ردك والحمدلله انك رديت علي ..
باذن الله رسالتك برسلها بالوقت المناسب ويااارب ينفع فيها واذا رجع وهو شارب اكون نايمه لانه يرجع بعد الفجر وهو مايدري اني اكون صاحية والريحة تكووون واضحة مره ومره كانت بنتي تعبانه وكلمته رجع وهو فاقد انصدمت مره مره من شكله وطريقةكلامه ولا حول ولاقوة الا بالله الله يكرهه فيييه يارب العالمين

الله يفرج همك ويسخر لك زوجك ويبعده عن الخمر والمعاصي
ويرزقكم سعادة الدراين وراحة البال
واستودعيه الله دائما وادعي بان يحفظ الله جميع جوارحه من المحرمات
كان الله في عونك

الله يجزاك خير يااختي ويسمع منك بس شعور ان احد حاس فيني رريحني كثير لاني شهور وانا كاتمه بقلبي وبس يقرب نهاية الاسبوع ادخل بحالة اكتئاب ولا استمتع ابددد باجازتي بس افكر هل لهذا الموضوع حل ؟؟؟
الي مخوفني انه ماكان يدخن لما تزوجته وقبل سنتين صار يدخن ويوم واجهته وتناقشت معاه كثيرررر مافاد صار عادي عنده يدخن قدامي وانا بالنهايه رضخت

مرحباً أختي

اسأل الله أن يفرج همك ويبدلك فرح وسرور

أختي
من واقع تجارب عشتها مع أشخاص أن كل ما يتم تأنيب العاصي والإستصغار منه كلما زاد في عناده وإستمراره إلا أن يهديه الله بسبب غير متوقع

ولكن كذلك في نفس اللحظة لا نهون من المعاصي أو نجعلها مألوفة وشئ عادي وروتيني

ومن الطرق التي أستخدمتها مع بعض من يعصي الله أن أدعمه نفسياً وأحفز عنده الجانب الديني بأنه رجل يحب الله ورسوله والدين ولكن قد تغلبه نفسه بعض الأحيان ولكن عليه أن يتغلب عليها ولو بالتدريج

وكذلك التوجيه له بأن يستتر من معصيته ولا يجاهر فهذا أفضل له حتى لا تهتز صورته أمام الناس .. أما العلاقة بينه وبين الله فهي علاقة توبة والله يعلم بما يعمل في السر

فكوني مع زوجك بين البين والبين .. بمعنى أظهري زعلك من الأمر وأنه لا يليق به فعله ولا أنتِ ترضيه .. وبين أن تنصحيه بإستمرار بأكثر من وسيلة .. فمرة صوتية ومرة مصارحة ومرة تهديد وهكذا .. وحاولي في أحد المرات عندما يكون فاقد ومتغير جداً .. أن تصوريه فيديو بالجوال بدون لا يدري .. ثم بعد أن يفيق ويكون رايق مزاجه تناقشي معه بهدوء ومحبة وأريه كيف كان شكله وهل يرضى أن يراه أطفاله بهذه الحاله أو والده أو الناس


أعانك الله

مشكووور يااخي اللهم امييين ..
فعلا ومن واقع تجربتي معاه بالتدخين كنت مندفعه جدا وقسيت عليه فشعور الذنب عنده اختفى وكان يقول لي اهم شي انا ماضريتك لا تتدخلين فيني ..
لكن هذي المره لازم اغير طريقة الحل المواجهه الاولى تكلمت عليه لاني كنت تحت الصدمة وبكيت كثير وشتمته تركه فتره ورجع
لكن هذي المره بإذن واحد احد ان الموضوع راح ينحل واثقه بالله ثم فيكم
ان بعد العسر يسرا

الله يكون بعونك أختي ويفرج همك
فضفضي ولايهمك
مجرد معرفات لاحد يعرف الثاني
ياليت كنت أعرف حل
انا زوجي مدمن ع التنباك من قبل الزواج
وانا ماكنت ادري وكان يستخدمه بالدس
بعد فتره طويله من الزواج ربي كشفه لي بالصدفه
وقال لي كنت استغل انك ماتعرفينه واستخدمه وانتي جنبي <<<<حزت في نفسي صراحه انه قاللي هالكلام
المهم بعدماعرفت تركه فتره
ورجع له الان صار يستخدمه علانيه ومعد يهتم لأمري وقدام العيال
المشكله الان وصلو سن المراهقه وصارو يلاحظو وبدو يسالوني ايش هذا اللي يستخدمه بابا
كم مره كلمته لاعاد تستخدمه قدام العيال ولكن لاحياة لمن تنادي
هو صحيح غير مقصر علينا
والتنباك ضرره اقل من الخمر ولايقارن به ولكن أتمنى ان يتركه

فرج الله همي وهمك أختي
سامحيني فضفضت في موضوعك

أختي الكريمة :
الزعل والصوت العالي ومجابهته بقوة في مثل هذه الأحوال لن يجدي كثيراً ، ولذلك احرصي على ضبط أعصابك ودعوته بالرفق واللين والموعظة الحسنة بين الفينة والأخرى ، مع الدعاء له بالهداية في ظهر الغيب ، وتحري أوقات الإجابة خاصةً في الثلث الأخير من الليل .
ثم أن أسلوبك إذا كان مليئاً بالحب والعطف يكون أكثر قبولاً وتأثيراً فيه لهذا أمرنا الرسول صلى الله عليه وسلم بالرفق وقال : (إِنَّ الرِّفْقَ لَا يَكُونُ فِي شَيْءٍ إِلَّا زَانَهُ، وَلَا يُنْزَعُ مِنْ شَيْءٍ إِلَّا شَانَهُ) رواه مسلم .

فليكن كلامك معه أنك تحبين له الخير ، وأن يكون وقوراً محترماً بين الناس ، وأن يكون مثالياً في كل شيء ، كما هو كذلك في معاملته معكم .. أسأل الله أن يهديه .

__________________
كيف اقاوم الهم والألم. بالسجود راحة واطمئنان.

نهاية نوال..!

صوريه فيديو وخليه يشوف نفسه وهو فاقد ، مو استصغار له او لفضحه ولكن حتى يعرف وضعه وشكله

كيف صاير وهو شارب ، وذكريه بعياله وابوه وقولي له ما ابي يجي يوم ويشوفونك بهالحاله

__________________
وهل من مصير اخر ؟

ببعد عن الانفعال هذي المره ويارررب العالمين يترك هذا الفعل المشين

بخلي هذي الخطوه متاخره بعد النصيحة
الله يهديه يااارب