فجر ليه عوده لموضوعك
حاسه فيك عزيزتي

فجر كثير عالم المعلمات والمدرسات فيه من الصراعات والمشاكل التي لاتنتهي
أختي معلمة متميزة جداً، وكل يوم تجي تحكي قصص المشاكل.
أنتي شخصيتك رائعة ومنهجيتك في التعليم جيدة، ماعليك من المعلمات، كوني واثقة بما تقومين به، واستمتعي مع الطلبات، أجمل شيء هو حين يستطيع المعلم أو المعلمة كسب تلاميذه، والكثير من المعلمين لايستطيعون ذلك.
دائماً فكري بمدى المتعة التي تتلقينها أثناء تدريسك، وتذكري أنك تقضين وقت مع طالباتك أكثر من زميلاتك، وهذا شيء إيجابي ورائع.
وفقك الله.

__________________
ياصبحِ لاتِقبل !!
عط الليل من وقتك..

اللي بيلتفت لكلام الناس وبيقعد يفكر في كل كلمه تنقال احسن له يدفن حاله في البيت !!
كلام الناس لا يقدم ولا بياخر ..
عليج من نفسج .. بما ان الطالبات حابين طريقتج في التدريس توكلي على الله واستمري ..
وماعليج من الديناصورات .. يمكن همهم انهم يثبطون عزيمتج لانج افضل منهم في التدريس ليس الا ..
انا من وجهة نظري استمري بوظيفتك بما ان حالتكم الماديه على كلامك عن زوجك انها مش ولا بد ..
ولا تاخذين الوظيفه على انها راتب وروتين تادينه يوميا وخلصنا .
حطي في بالك انك معلمه وانك بتخرجين اجيال مستقبلا ..
راح تشوفينهم شاغلين مناصب في المستقبل باذن الله ..
هذا الشي راح يسعدك جدا جدا ..

انا اعمل في شركه وماسك فيها منصب متوسط .. ودايما يزورني احد المدرسين اللي درسني في المرحله الاعداديه .. لانهاء بعض المعاملات ..
لما يشوفني يفرح جدا .. ويقول للزملاء ترا فلان انا مدرسنه وشوفوا وش صاار ..

اتمنى لك التوفيق والسداد . وانتي عاقله وكبيره مو كل كلمه ماما قالت وماما تبي وماما تقول ..
القرار بايدك الحين .. مو عند ماما ..
اذا شايفه انك مستحيل تتاقلمين في هذا المكان انقلي مكان اخر .. ولو زعلت الماما ..

صح عالم كله مشاكل و تفاوت في الاعمار
بس مشكلتى احس تعبت مو قادره اناقلم لفارق العمر صراحه
يعنى تجيك وحده تدج الكلمه بوجهك دج و ماعليها من شي ..
و هم مو امهات جدات والله ..
تحاول الوحده تهز ثقتك بنفسك و تقول غلللط مايحترمونك
مثلا طالبه تنادينى تقول يا الابلا الجديده ههه
فارد عليها و تكلمنى تجى معلمه قديمه من دولا الكبار تقول ليش كدا
خاصميها خليها تحترمك
طيب ايش فيها انها تقول لى كدا
فعلا انا ابلا جديده وماتعرف اسمى عادى يعنى ..

أنت مشكلتك مو في العمل بحد ذاته لأنك متميزة في أداء عملك كما ذكرتي
أنت مشكلتك في جو العمل (بيئة العمل)

تعينت بعد التخرج على طول في نفس الجامعه .. زاملت رئيسة قسمي ودكتوراتي اللي كانوا يدرسوني .. اعطيت محاضرات عملي لزميلاتي من نفس دفعتي واللي لسه ماتخرجوا

نفسيتي كانت سيئه صح لا أدري ما السبب .. وحسيت بضيق في البدايه ربما لأنه جو جديد ونقطة تحول في حياتي من طالبه شايله مسئولية نفسها لاستاذه شايله هم طالبات وقسم واشغال اداريه ..

لكن الحمدلله تأقلمت بعد ترم من التدريس وبدأ احساس الضيق يتلاشى ..

دائماً يا اختي قولي الحمدلله على النعمه غيرك مو لاقي وظيفه والمشاعر اللي تحسي فيها عاديه تجي دائماً في البدايات لكن محتاجه وقت تاخذي وتعطي مع الزميلات

اكيد في معلمات قريب من سنك في المدرسه
والكبار مافيه مثلهم .. تاخذي منهم خبره وتستفيدي منهم كثيييييير ..

__________________

(( لا شيء يجعلنا عظماء سوى ألم عظيم ))

انقلي من مدرستك لمدرسه ثانيه
او حولي من معلمه الى اداريه الحلول كثيره ان شاءالله
بإمكانك تأخذين اجازه امومه بدون مرتب او بنصف راتب ....!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

يا أختي لو يعطوني أضعاف الأجر المعتاد ما أدرس في مدرسة تذكرني بطفولتي بحلوها وبمرها.. المسألة نفسية ما أقدر حتى أمر جنبها..

يمكن الأمر له علاقة بعلاجك مثلما قلتي..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

عليكم السلام ورحمة الله وبركاته

أشجعك وبكل قوة تكرسي جهدك ونفسيتك وروحك لأولادك وزوجك وبيتك وسترين أن راحة النفس واستقرار القلب أهم من المعيشة في بيئة متسخة بالحسد والكبر والتنافس غير الشريف وعالم المدارس مشحون تنغيص وحسد ومشاجرات وابتعاد الله الخلق والسماحة والتواضع والطيب .
وأختي كانت تريد تصبح مدرسة ولكنها رفض ونحن وزوجها كنا رافضين تعمل والان الحمد لله تحمد ربها ألف مرة انها لم تعمل هناك واذا سمعت عن قصص المشاجرات والحسد والعنف والضيق النفسي التي تعاني منه المدرسات تقول أعيش بالاكتفاء مع زوجي أفضل مليون مرة من المال الذي يتبعه ضغط وسكر وأمراض.

اشتري صحتك وعافيتك ومزاجك وعيشي القناعة أفضل من أن تتدمري نفسياً وتأتيك الأمراض وتصرفي راتبكِ كله في العلاج .

العافية لا نعرف قيمتها إلا اذا فقدناها ... والعيش بتواضع مع عز ، أفضل من العيش بغنى مع مهانة
والحال لن يدوم غداً سيتغير حال زوجك للأفضل بفضل الله وستقول نحن نعيش مثل الناس ولا ينقصنا شيء، وهذا قالوه غيرك قبلكِ .

أنا كل سنه مع قدوم المدراس أبكي لإني متخرجه بإمتياز وأحس مكاني مو في البيت

كان طموحي دكتوره في الجامعه وكم مره يرفضو أكون معيده برغم إنه معدلي حلو
والآن طموحي لو إداريه
أعشق جو المدرسه والطالبات

ماقدرت أروح مع ولدي الروضه إلا يوم واحد وهو يبغاني اروح اكثر أتعب نفسياً 😭

ضاعت سنوات دراستي واجتهادي ع الفاضي ورجعت الآن أسلي نفسي بدراسة تخصص أحبه مع علمي إني أدرس ع الفاضي لأنه عن بعد

خذي إجازة سنه بدون راتب ارتاحي فيها