كيف عرفنا ؟
عرفنا من كلامك بعد المقدمة اللي هي مشكلتك
قلت أفكر بالطلاق!!!!
زوجتك مافيها شيء المشكلة فيك انت
وأعيد لك نفس سؤالك اذا كنّت حكمت عليك خطأ وانت بنفسك صرحت برغبتك بالطلاق

كيف حكمت على زوجتك أنها تنظر للرجال نظرات بقصد وتعمد
وهي ماصرحت انها تتعمد هذا الشيء !!


على فكره اللي جالس تفكر فيه مهوب من صيانة الميثاق الغليظ

اولا بالنسبة لموضوع النظرات لو كانت عادية كان مالتفت ولا انتبهت لها
زوجتي وانا معاشرها 3 سنوات تخيلي 3 سنوات مو 3 شهور
وفيه شي ودي اوضحه انا مادخلت داخل نيتها وعرفت شنو مقصدها و قصدها بس تتنيحها بالرجال مايعجبني ابد .. يؤذيني ! مااتوقع لو وحده فيكم زوجها كثير التتنيح في النساء بتمشيها وترضى بالامر الواقع خلينا نكون اكثر واقعية من مجرد الدفاع والكلام في الهامش
وبالنسبه للتصريح لو كانت زوجتي فعلا تتعمد تنظر للرجال هل مثلا راح تجي تقولي وتصرح ؟؟ شوية منطق

طيب واجهها وخلك قوي .. قول لها ان طالعتي ب احد و اكلتيه بعيونك ياويلك ..

والحل الثاني اطلعوا مشوار وانت طالع بالبنات قدامها بس طبعا لاتطالع لهم صدق لان حرام بس مثلا وحده قدامكم خلك كأنك تراقبها و اذا وحده مرت خل كأن فيه مغناطيس بعيونك و فيها لف عليها بهدوء خل عينك عليها وكأنك ماتبي زوجتك تلاحظ وكل شي لف وراك كأن هالبنت لفتت انتباهك .. و ترى فيه بنات يعجبهم الزوج اللي يحاسبهم عالنظرات .. كذا يعني تحس بغيرته وتعاند .. انت لاعاد تحاسبها لان ممكن تكون عفويه وطبع فيها .. وممكن تكون مستانسه انك تعصب .. مثلا انا مره كنت طالعه مع زوجي و ببداية زواجنا وبشهر العسل مسافرين وطلعنا و كنت حاطه كحل خفيف قال لي ليه حاطه كحل قلت عادي وش فيها قال لاطلعنا لاتحطين قلت كاشخه لك قال اذا لي خلي بالبيت لان ماتحمل احد يشوف عيونك لا ومكحله بعد .. المهم عرفت نقطة ضعفه و بعدها بيوم طلعنا ماني حاطه بس ثاني يوم حطيت وبالغت حييييل وركبت السياره قال ماشاء الله وش هذا وانا ايش قلتلك .. قلتله كنت كاشخه بالبيت وانت فجأه قلت يلا نطلع ومامداني اغسل ( وانا اصلا حاطه متعمده ) وكل مايمر رجال زوجي كان يطالع لي وانا اسوي ماني فاهمه بس كان يطالع كأن يقول لهم لاحد يطالعلها .. وكان ساكت ولما ماعاد يتحمل قال غططططططططي عيوووونك قلت كيف اشوف قال مو لازم تشوفين اقول غطيهم ولا اسويلك مصيبه الحين . وعصب بقووه وعلى قد عصبيته كنت طايره فرح وبعدها رحت للحمامات ومسحت المكياج ورجعت اعتذر له وقلت ماقصدي و و الخ ..

ذكرت لك هالموقف عشان اقولك ان فيه بنات يتعمدون عشان كذا طنشها وقتها راح تحاول تغيضك بشي ثاني يا اما تمدح واحد او الخ ..

وما الفاءدة من هذا كله؟!
تدخل الواحده الشك لقلب زوجها
ثم تاتي تشتكي من تغير زوجها عليها!!

وعلى فكرة غيرة الزوج ليست بسبب الحب!!
هي غيرة طبيعي في الرجل الطبيعي على محارمه
ولو كنتي اخته لفعل نفس الشيء!

فلا تكرريها لاستجلاب الحب
لانها ليست سوى غيرة فطرية في كل مسلم سليم الفطرة
على محارمه اي كانت ام زوجه اخت وخاصة الاخت والزوجه

ي اختي واجهتها الف مره ومثل ماذكرت بمشكلتي فوق كانت ردة فعلها.
وهي تقول انه نظراتها عادية ومو قصدها شي !! بس انا اشوف العكس بصراحة

واذا على استثارة الغيرة اتوقع انها شافت غيرتي اكثر من مره وممكن اتقبل التصرف الغبي هذا منها لكن على قولتك لربما شي يبسطها !! او يفرحها !!
لكن الواحد مو على طول ؟

يمكن تتقصد تثير غيرتك ، حتى تشعر بمحبتك لها ؟

اذا عيون زوجتك طايره بعيون الرجال ومايمر احد الا واتقمله هذا شي غير طيب لازم تنبها عليه وتقول لها مايجوز شرعاً نظر المراه للرجل وانت احفظ بصرك عن النساء حتى لاتقول في نفسها مثل ماهو يفعل انا بعد بسوي مثله ، لكن الاغلب الي يشتكون هم الزوجات من نظر ازواجهن الى الحريم

هذا الشيء كان زمان !! اما دحين احس الزمن تغير كليا ...


وياصاحب الموضوع ترى السالفة تافهه وماتوصل للطلاق .

عفوا ي اخت ... ماتوقع راح تتحملي الوضع اذا كان زوجك يطالع هذي او ذيك
اما عن الطلاق فــ احب اقول انه اذا كان هذا الزواج مفكك وكله مشاكل ومافي استقرار فليش نستمر ؟؟ لا تنسي انه فيه اطفال بيجوا في نهاية المطاف !

و عليكم السلام و رحمة الله و بركاته

كنت أتصفح بدون نية التسجيل لكن تذكرت قصة واحد وحسيت من الظلم السكوت
و الله العظيم ومن قريت الموضوع حسيت أقوى شعور شلون الكلام من طرف واحد يظلم .

و الله العظيم جعلي الموت إن كذبت وحدة تحكي عن واحد من قرابتها من المراهقة و هو
غير ملتزم شيشة و دخان و مجلات إباحية و اكتشفوا حركات بايخة مع الخدامة و تحرش بالقوة بإحدى قريباته صغيرة و غير محافظ على الصلاة بالبداية بعدين مع الأعوام
كأن أهله لاحظوا أنه ما يصلي أبد ، تزوج و طلق و عنده أطفال ، و قام يسافر برا البحرين و كذا الله أعلم إذا كان ماخذ راحته ولا لا
تقول من باب أتحرى أصدق الصدق وأنقل الأشياء اللي متأكدة منها و أترك اللي ماشفته بعيني تقول حتى لو عارفه طبعه وحركاته و متأكدة 90% أنه ياخذ راحته بأي شيء يبي و ما يعرف حرام أو عيب ،
و هو طبعه أناني نرجسي يعني طول الوقت يتكلم عن مصالحه و لا يهتم إلا بنفسه
بعدين تزوج وحدة ثانية محافظة و متعلمة و مؤدبة و عاقلة مرة ...
اللي تنقل القصة تقول أهله يقولون هو كذا دايم 24 ساعة يفتش جوالات قريباته و لابتوباتهم و جوال زوجته ما يلقى شيء ! بس كذا مرض شك ووسواس ! حتى أنه ياخذ أدوية نفسية بينما ما يحافظ أو ما يصلي أصلا الله أعلم ..
يقولون إذا طلعوا لأي مكان بس يراقب عيون قريباته و زوجته المحافظات على الصلاة و عبايات محتشمة و نقابات بدون قطرة مكياج ، كأنه مسعور لا تناظرين هنا و هناك ناظري الأرض و هم يناظرون المحلات و الملابس مب الناس يعني حركة عادية يقول لا أنا أشوف عيونك تتحرك كثير !!! بس شوفوا بلاط الأرض ،
حتى مرة ألحت قريبته على زوجته
إلا تقولين وش فيك حنا شايفين كل شيء تقول حسيت مضغوطة وهي كتومة تحسبنا ما ندري عنها
قامت قالت مافيه شيء و سكتت .
تقول أقسم بالله العظيم سألت يوم شافت يقرصها و يضربها بقوة مزح ثقيل قدامنا
كالعادة ماردت الحرمة كثير بس قالت الشكوى لله حتى بالبيت أبوسه يعطيني كف
هذي الكلمة الوحيدة اللي قالت تقول صاحبتي و هي شايفة كل شيء بعينها.

تقول باختصار واحد معتل نفسي و ما يصلي و الله يعرف كل شيء و فوق كل هذا نرجسي يعني بس يفكر بنفسه لدرجة عادي متبلد إحساسه إذا تأذى غيره ماعنده ذرة إحساس بأي شيء ما يتعلق بنفسه ،
سجلت بس عشان أنقل قصة قريب صاحبتي تخيلت كمية الظلم لو جاء طرف واحد وشكاها للناس كذا لا وبعد يفكر بطلاقها ، الدنيا دوارة خفت أسكت مع أنه سر صاحبتي
و أنا مؤتمنة عليه .