بعد الزواج من الصدمة
اكتئاب تفاعلي مو اكتئاب بسبب كيمياء المخ..يصيب الشخص بسبب ظروفه وينتهي بانتهاء الظروف.

__________________
من كثر علمه قل إنكاره

تانيب الضمير كله من وساوس الشيطان علشان تحسين بالهم والحزن (اللهم اني اعوذ بك من الهم والحزن ..)

انت رايتك بيضاء لااخطاتي ولايحزنون
انت ماطلقتيه ولابيدك قرار الطلاق علشان تندمين هو شئ فرض عليك من سيادته
بالعكس هو المفروض يانبه ضميره

مشاعر الحب اللي تحسين فيها موب مشاعر حقيقه ..هي ناتجه عن الفراغ العاطفي اللي تحسين فيه والا لو بتتزوجين بتنسينه تماما

الشئ الثاني انه تارك للصلاه
هذي تعتبر شرعا حجة وعذر لطلب الطلاق ..بل يحرم الارتباط بمن لايصلي
فكيف انت مابينك وبينه اطفال + معاملته السيئة + وهو من طلقك وليس بطلب منك + لارى انه يحمل مشاعر حب لك
والا اللي يحب بيبذل الغالي والنفيس علشان يحصل على محبوبته

والحمد لله قدر الطلاق اكيد نعمة وبشرى خير

اعجبتني هالمقوله كنت محتفظه فيها

لن يقاسمك الوجع صديق، ولن يتحمل عنك اﻷلم حبيب ،ولن يسهر بدﻻ منك قريب ،اعتن بنفسك ،واحمها،ودللها وﻻتعطي اﻷحداث فوق ما تستحق.
تأكد حين تنكسر لن يرممك سوى نفسك، وحين تنهزم لن ينصرك سوى إرادتك، فقدرتك على الوقوف مرة أخرى لا يملكها سواك
لا تبحث عن قيمتك في أعين الناس ابحث عنها في ضميرك فإذا ارتاح الضمير ارتفع المقام وإذا عرفت نفسك فلا يضرك ماقيل فيك!.
لاتحمل هم الدنيا فإنها لله، ولاتحمل همَّ الرزق فإنه من الله، ولاتحمل هم المستقبل فإنه بيد الله، فقط احمل همًا واحدًا كيف ترضي الله؟.
لأنك لو أرضيت الله,رضي عنك وأرضاك وكفاك وأغناك.
‏ﻻ‌ ﺗﻴﺄﺱ ﻣﻦ ﺣﻴﺎﺓ ﺃﺑﻜﺖ ﻗﻠﺒﻚ .. ﻭﻗﻞ ﻳﺎ ﺍﻟﻠﻪ ﻋﻮﺿﻨﻲ ﺧﻴﺮﺍ ﻓﻲ ﺍﻟﺪﻧﻴﺎ ﻭﺍﻻ‌ﺧﺮﺓ .. ﻓﺎﻟﺤﺰﻥ ﻳﺮﺣﻞ ﺑﺴﺠﺪﺓ , ﻭﺍﻟﻔﺮﺡ ﻳﺄﺗﻲ ﺑﺪﻋﻮﺓ‏‏

لن ينسَ الله خيراً قدمته ، و هماً فرّجته ، و عيناً كادت أن تبكي فأسعدتها ! عش حياتك على مبدأ : كـن مُحسناً حتى وإن لم تلق إحساناً ، ليس لأجلهم بل لأن الله يحب المُحسن
ارخي يدك بالصدقه ترخی حبال المصائب من علی عاتقك ..واعلم ان حاجتك الی الصدقه اشد من حاجة من تتصدق عليه .. ابن القيم💖✨.


من أجمل... ماقرأت،..
👍

أنا يأنبني ضميري لفكرت في مرحلة ماقبل الطلاق هل كنت أضخم تصرفاته أو هي فعلا سيئة؟.. هل تصرفاتي كانت عادية لأي وحدة تقع في مكاني أو كنت مهملة؟
أنا جيت من بيت المرأة مقدرة فيه جدا وبيئة منفتحة اتجاه المرأة وماعندها عقد لكن أعرف أن بيتنا ماهب مقياس اجتماعي وأن الأغلبية اجتماعيا تعيش حالة تفرقة واضحة بين الجنسين ..دايم أفكر هل بسبب اختلاف خلفيتي والبيت اللي جيت منه ماقدرت اتحمل يعني ماسوى شي وهذا الطبيعي اجتماعيا وانا استنكرت أكثر من اللازم ولا هو أصلا سيء!
تعامله كأنه ماسوى شي شككني بنفسي!

__________________
من كثر علمه قل إنكاره

ياحبيبتي انتي لساتك صغيره على الهم وماشاء الله تفكيرك ناضج واعتقد ان الله اختار لك الانسب
اكثري من الدعاء والحي على الله ان يرزقك من واسع فضله وستفتح لك خزائن السماوات والأرض وسيساق لك الرزق سوقا سأخبرك كنت اتحدث اليوم مع صديقة لي ذات وجه طفولي بريء تزوجت في سن مبكره زوجها حين تحدثت عنه تذكرت زوجك متسلط لا يعترف بأخطائه ومكابر وكذلك ذَا إذن يسمع كلام الناس وهمه الناس واهله ويخبر أهله بكل صغيره وكبيره ضحت كثيرا تقول كان يغضب واطبخ وأجيب الصحن لعندو ابغاه يأكل وأقربه منه وأظهر الخضوع والتودد عسى الله ان يهديه ويلين فزاده الخضوع مكابره وطغيان وطلقها ومعها صغار اربعه منهم الرضيع وأكبرهم في المتوسط تقول عدت لاهلي لا مال لا شهاده لا وظيفه وأهلي على قد حالهم ومرت ثلاث سنوات وهاهي هذا العام توظفت معي براتب مزجي وكذلك تكمل دراستها انتساب فسبحان من بيده ملكوت كل شيء وهو الرازق

الله يعينها..أكثر ما يغيطني فكرة أنه يقدر يكمل حياته بكل بساطة وأنا ماأقدر وخياراتي سيئة بسبب حماقته وأعاقب بعد وهو يطلع سليم..هذي فعليا عجزت أتقبلها عيت نفسي تتقبل فكرة الزواج من معدد أو شايب وش ابي بهم ووش ذنبي أني طحت في واحد كذا عشان أعاقب؟

__________________
من كثر علمه قل إنكاره

افكار شيطان والزواج نصيب والطلاق نصيب وكلها مقدره عند رب العالمين

انا الآن مطلق وعندي طفلين عايشين معاي وساوس تجيني ان ماراح القى بنت حلال ترضى بعيالي وتكون حنونه عليهم وتعوضني بالحلال

بدأنا البحث من قريب ومن بعيد والنصيب يصيب وجدت البكر والمطلقة بدون اطفال ولكن اعجبتني جداً مطلقة وعندها بنت مثل القمر ابوها من انولدت ماسأل عن بنته وعمرها سنتين

شافوها اهلي وعجبتهم مرررررره وطلبت اشوفها وشفتها واعجبتني جداً والآن نحن بمرحلة السؤال يسألون عني واسأل عنهم

المقصود ان المستقبل قدامك مطلقة بعد فترة بسيطة مو لازم ينكتب عليها شايب او معدد ممكن تتزوجين مطلق مثلك ممكن مطلق وعنده اطفال ممكن ارمل

وهذا انا عمري بداية الثلاثينات وبعد العيد ان شاء الله الخطبة رسمياً بحول الله وقوته

اخرجي نفسك من تانيب الضمير وهذا قسمه ونصيب والحمدلله من قبل ومن بعد

الله يتمم أمرك وييسر لك ويبارك فيه ويجعله عين الخيرة ومبروك مقدما.
في حالتك خيار المطلقة بأطفال أفضل من العزباء والمطلقة بدون أطفال..أنت سترعى طفلتها لأنك تطمع ايضا ان ترعى هي اطفالك والعكس صحيح..
عموما بالنسبة لي بدون اطفال يصعب علي قبول شخص باطفاله أخاف اظلمهم وأظلم نفسي..
المطلق والأرمل بدون أطفال عادة يبحثون عن عزباء.
النصيب دائما يصيب ولو كتب الله لمطلقة أعزب وشاب-وحدثت وشفتها-لصابها نصيبها لكن نتكلم عن الوضع العام الاعزب والارمل والمطلق بدون اطفال مايبون مطلقة..والله يكتب لنا احسن الاقدار

__________________
من كثر علمه قل إنكاره

امم والله حالتك تشبهني شوي بس انا تحملت لين بداء يتغير ..

ما راح افصل بس بخبرك على حاجه مهمه اكتشفتها

ايام الملكه دايم كنت اشوف اشياء و انصدم منها
بس اقول لنفسي انا عاطفيه و اكبر الامور اكثر من اللازم

لكن حقيقه الوضع بعد الزواج ما تغير حاجه
ولك ان تتخيلي كميه البوؤس الي حسيت فيها ودخلت في دوامه حزن مو عشان شيء بس لاني كنت اجلد نفسي على امر
مو انا الي غلط فيه



بس اخبرك ان جلدك لذاتك هي المصيبه الحقيقيه انتي انفصلتي خلاص
انسيه تماما انسيييه ولا كانه دخل حياتك سلي نفسك بحاجات تنسيك

وقت الملكة ماكنت أشوف عليه شي ، ماكان رقيق بس كان لبق..
بالنسبة لأنساه..شلون أنساه..هذا سؤالي..أنا مو فاضية ماعندي فراغ عشان أقول بلهي نفسي وأنسى..

__________________
من كثر علمه قل إنكاره

مكانه الانسب

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014