ياخوي الحياه الزوجيه ماهو سنه ولا سنتين


فكر بالمستقبل ...

اذا هي ماتخاف من الطلاق وماهي متمسكه فيك ياأخي ماتخاف بكره لو جاك أطفال وتعلقت فيهم تجيب عذر وتطلب الطلاق بجديه..؟؟؟وبدل ماتنحرم منها تنحرم من اطفالك ويتضاعف الهم؟؟؟




أنت مش عقيم وبإمكانك الانجاب بإذن الله وزوجتك لقيت فرصه قويه عشان تطلب الطلاق....


ارجوك أخوي لا تحمل ضحايا مع هذه المرأه اذا طلبت الطلاق مره اخرى شوف مدى جديتها ودها لأهلها ولا تتواصل معاها وشوف اذا تراجعت عن قرارها فهي تبغاك وتبغى بالفعل اطفال منك ...

لكن لو ماتراجعت ارجوك يااخوي لاتسعى في الانجاب ويكونو هم الضحيه لأنها بايعه بايعه اذا وجدت فرصه لذلك ...

وانت ليش خايف من الطلاق
هي عرفت نقطة ضعفك وتذلك فيها
الي ربك كاتبه بيصير
والدتيا مليانه حريم خل ايمانك وتعلقك بالله وحده

في اعضاء ذكروا انه اعترافك لزوجتك سبب رئيسي في مشاكلكم انا اختلف معاهم على هذه النقطة لو كان اعترافك من جد مسبب لها ازمة ومو متقبلته ماكانت اخذتك من الاساس في رجال كثير يكون عندهم ماضي قبل الزواج واغلبنا البنات عارفين هذا مو شي جديد ..

زوجتك غير راضيه فيك كشخص من البداية ولكنها يظهر لي انها اقنعت نفسها انها من الممكن تتقبلك بعد الزواج والظاهر ان هذا لم يحصل تعامل زوجتك معاك لايدل على محبتها لك اعذرني على صراحتي بس لازم تفتح عيونك وطلبها للطلاق كل ماهبت مشكلة دليل على رغبتها بالانفصال حقا والله اعلم .. لو كان من البداية كل ماكانت تكرر عليك فكرة الانفصال من ايام الخطوبة تركتها بحال سبيلها كان لقيت لك وحده انسب منها لانه هيا حاسه انها ممكن تلاقي افضل منك وانك ماتناسبها فلا تكررنفس الغلط دحين وتتمسك فيها لو هيا من جد جد ماتبغاك قبل لايجوكم اطفال
لا احرضك ع الطلاق لاتفهمني غلط ولكن ادعوك ببذل الاسباب في اصلاح وضعك

وليش خايف لهذه الدرجة من الانفصال مهو انت حبيت قبلها بجنون وحده غيرها و اظن فترة حبك للاولى اطول من فترة حبك لزوجتك واهو انت حبيت من جديد وزوجتك نستك الاولانية مع الوقت ليه يااخي تضيع عمرك مع انسان مايبغاك ايش من عيشه هذه انا مااقول لك طلقها لا ابذل الاسباب انك تغير حياتك للافضل والقرار بيدك ترى اكثر من انه بيدها لانه المشكله الاساسية فيك انت اسلوبك ضعيف جدا في التعامل حنون بزيادة الحرمه ماتحب الرجال الي ماله كلمة عليها .. خليها تطلب الطلاق ايش الجديد في الموضوع مهي طالبته ستين مره قبل .. خليها تحس انها ممكن تخسرك وبين لها موافقتك ع طلاقها حتى لو كان تمثيل منك وفي نيتك ماراح تطلق ممكن تلاقي نتيجة .. الله يقويك ويحمي لك بيتك ويرزقك بالذرية الصالحة ويهدي لك زوجتك يارب

هي فعل قالتلي جذي انا مز كنت مقتنعه فيك من البدايه وما كنت ابيك بس اهلي كانو يبونك واقنعوني فيك ولولاهم ما كنت تزوجتك وانا اتبع معها اسلوب اللين والحنان كما وصاني ابوها لان هذي طريقته معاها لكن طريقته ووصيته انقلبت علي حتى اهلي يلاحظون شدة زوجتي وسيطرتها لكن لحد يبي يواجهني منهم عشان ما يجرحوني والله انا ال سويت هذا بنفسي وكل كلامك صحيح لكن كنت احاول اضحك ع نفسي لكن ان غدا لناظره قريب
ومشكورة لمرورك

هذي ما تستاهلك، طلقها وبتحصل مليون وحدة تتمناك وتحصل مطلقة عندها عيال مظلومة ومستعدة تعيش معك. وخلها تدور على زوج .. يجيب لها عيال . ويصبحها بكف ويمسيها بكف..

[QUOTE=فارس الحجاز;3217022][CENTER][B][SIZE="5"][COLOR="Blue"]

حياك الله يا أخي



أولاً: أخطأتَ خطئاً جسيماً جداً بأنك تحدثت عن ماضيك العاطفي لزوجتك، فكانت ردة فعلها طبيعية جداً.

ثانياً: أخطأت في الاختيار، لاختلاف البيئة بينكم، خصوصاً إذا لم يتأقلم أي طرف مع الوضع الجديد. وكان يجب حسم الأمر منذ مشاكل الخطوبة، لكن يبدو أنك رغبت بها أكثر مما ينبغي.

ثالثاً: لا بد من الحزم ( على غرار عاصفة الحزم ) معها، وعدم التساهل أو التراخي.

رابعاً: إذا أصرت على الطلاق، فلا تتمسك بها كثيراً، ويبدو لي أن مسألة الإنجاب ما هي إلا شمّاعة تعلق عليها رغبتها في الانفصال.




عِش كما تتمنى .. ولا تجرّك طيبتك إلى حفرٍ عميقة

ألبسك الله رداء النعيم .. فأنت شابٌ صبورٌ حليم



شكرا اخي لك .. افضل تعليق

المطلوب تكون رسمي .. يعني لاتعصب وتصارخ عليها .. ولاتعطيها الوجه الحلو

خلك رسمي جدا بحيث ماتعرف هو انت مبسوط او معصب

اكيد بتقلب الدنيا عليك بس لازم تهزها شوي

كم عمر زوجتك

الجماعه ماقصرو بموضوع انك لازم تشد اشوي

بس انا حابه اضيف نقطه مهمه اكبر خطأ انك تصارح خطيبتك بأول ليله عن علاقه فاشله

او انك تفتح قلبك لزوجه اخوك خطأ كبير بصراحه راجع نفسك تقبلها انت على نفسك حط روحك مكان زوجتك

ثاني شي موضوع الانجاب ورب البيت صعب جدا انا ماادافع عنها لانها المفروض تصبر بس مو كل وحده ممكن تصبر وممكن تحسن لزوجها وتتحمل وتتعالج علشانه

انا لاني مريت بوضعها بشرح لك وافهمني رجاءا

هي معلمه زي ما ذكرت يعني الأكيد ماهي صغيره بالعمر اقصد عمرها مناسب جدا للامومه فالاكيد تبي تكون ام

انا زوجي منفصل وكنت اعرف معاه مشكله بسيطه بالحركه ورحت معاه للطبيب قبل موعد الملكه واخذ علاج وكان جدا متعاون معاي بعد 3 شهور لما ماحصل حمل راجعت وكل شي سليم وزوجي غير علاجه وكل شي صار تمام وماكان يصير الحمل لدرجه عملت 4 عمليات وما تنجح بس عمليات علشاني قبل ليكون علشان زوجي لاني ابي اصير ام ولان ماابي اب غير زوجي لاطفالي . وبعد فتره في وحده من العمليات خبرنا الطبيب العينه كثير تعبانه فيها نسبه تشوهات عاليه مااكذب عليك كرهت نفسي وزوجي وكل شي وجلست ابكي مثل اللي متوفي عندها شخص بس مو قدامه بس لا شعوريا ورب البيت صرت اتنرفز منه غصب عني بس أحاول قد مااقدر اضبط اعصابي ونفسي وكنت ابكي علشانه كثير ياربي مو بيده بيد رب العالمين اله قدر علي وعليه هالشي .امي الوحيده اللي كانت تعرف وتقولي ارحميه ترى مو بيده ودايم توصيني عليه وتقولي كل محبتي يابنتي عطيها زوجك . وعملت أيضا عمليه وبعد مانجحت بعدها طلبت انا تحليل الاجسام المضاده وطلعت نتيجه التحليل معي نسبه عاليه من الاجسام تقتل الاجنه ماتمنع الحمل بس تضعف فرصه والحمدلله في علاج .

ابدا ما كان سهل الوضع وكتبت موضوع في المنتدى عن مشكلتي والحين على الرغم انا عندي مشكله وزوجي عنده مشكله بس مافقدنا الامل مرات نضحك على بعض الحال من بعضه لكن برضو تجيني حاله اعصب واتنزفر واتهاوش معه كله بسبب هالموضوع والتأخر انا ماالومها على رغبتها بالامومه بس الومك على تعاملك واسلوبك معاها وعلى عدم تفهمها وقله صبرها واسلوبها الجاف معك للأسف ماعندها رضا بقضاء الله وامتحانه يااخوي انا ليل نهار كنت ادعي ربي يهديني لسبب التأخير لعل ارتاح ولما هداني على الرغم كل الألم لكني حمدته وشكرته انه خلصني من حيرتي وحمدت الله على البلاء امتحان تخفيف وتكفير عن الذنوب .

تحتاج تراجع حسابتك معها . والله يههدي سركم ويوفقكم وعلى فكره قريبا اكمل 3 سنوات زواج ولحد الان في خلافات بس اهدا كثير عن اول سنه حرب ولااسبوع يمر من غير فلم .