أنت ماذا تريدين بالضبط من داخلك؟
ماذا فعلت لإصلاح وضعكما؟

المشكلة اني تايهة حاسة باكتئاب رهيب عندي مشاكل كتير مش عارفة اواجهها ازاي عمري مابحس بالسعادة حتي لو ضعفت وزودت جرعة المخدرات وبالذات بعد رحيل اختي ولا نعرف عنها شيئ منذ اسبوعين راحت سوريا انا كنت بعشقها وبخاف عليها من الهوا كان عندي استعداد اعمل أي حاجة بس تفضل معانا او تستني حد يروح معاها بفكر اروحلها تعبي بيزيد كل ما اروح لأمي وألاقي دموعها وأحس بألمها وهي بتقول نفسي اسمع صوتها

هي سافرت بإرادتها وده كان حلم حياتها الجهاد كانت فرحانة وهي مسافرة بس فراقها واختفائها رهيب صعب التحمل وبالنسبه لوضعي زوجي هيموت ويبطل وبيحاول كتير اوي وهيقدر بإذن الله بس انا مشكلتي اني بشرب بمزاجه لو عايزه أخد حاجه وهو لأ مايرضاش ويقولي لازم نبطل حتي لو ضعفت مره وقت مايحب يبطل لازم اساعده وأحاول ووقت مايضعف بشرب معاه وطبعا بحس كتير أني ببطل غصب عني برغم أني نفسي أبطل بحس بالذل لأنه هو المتحكم الوحيد ولما بيضعف بدل ما أقويه وأقوله أحنا بدأنا ولازم نكمل ونبقي أقوياء أقوله ياااااه أخيرا ضعفت ده انا كان نفسي اوي ومابصدق يضعف من خنقتي من التبطيل غصب او التقليل

كان نفسي أبقي زوجه صالحة وأقويه بس غصب عني وهو مش حاسس بيا مفكرني عايزة أفضل كده في ذل المخدرات هو طيب وحنين وبحب فيه انه دايما بيسعي انه يكون كويس ومسلم صالح بس مش بيقدر زعلي ولا غيرتي ولا احتياجي أني أما أزعل منه ألاقيه جمبي وبيطبطب عليا مش يسيبني بدموعي بالساعات وممكن لتاني يوم ويقولي انا ببقي مخنوق اكتر منك أني بشوف حاجه حرام بس بيتعبني انك بدل ماتقويني تزعلي ليه مش بيحس بجرحي كتير وعدني وخلف وعده مابقتش أثق فيه وعشان أديله كل اللي جوايا لازم أثق فيه

نفسي أخلص من الأكتئاب اللي انا فيه من أحساسي بنظرته ليا أني تافهه عشان بغير عليه من الكليبات ونظره للنساء حاسة بعقد كتير جوايا نفسي حد يساعدني بقيت حاسة إني زي العجوز اللي مش قادر يقف ومحتاج حد يشد ايده ويساعده أنا بقيت مهمله في كل حاجه في نفسي وبيتي دايما ماليش نفس أعمل أي حاجه بعمل الضروري بالعافيه وغير أني من يوم جوازي ماسافرتش ولا اتفسحت وإن خرجت نلف شويه بالعربية ونشتري الحاجات او اروح أقعد عند أهلي ساعة ولا أكتر وهما قريبين مني خطوتين بالعربية حاسة بملل قاتل وهو كل اللي عليه أول ما أبدأ وأفوق شويه هخرجك وأعيشك أحلي حياه بس لسه بيحارب من سنتين ونص

حاسة باكتئاب رهيب دايما ببكي بحرقه لما أبقي لوحدي حتي أما بصلي وبدعي وساعات وقت النوم واما بكون قاعده جمبه أو عند أهلي اسيبهم وأروح مكان لوحدي ابكي فيه من احساسي بالخنقة والزعل والضياع مابقتش عارفة اعمل ايه

أنا بثق في رأيك اوي وحكمتك من مواضيعك يا أستاذي البليغ أرجوك ساعدني انا ماليش غيركم بعد الله وجزاك الله الخير والفردوس بمساعدتك للناس

1) الزمي دينك وصلاتك.
2) راجعي طبيبة نفسية للأهمية.

أنا بصلي حتي قيام الليل ومحجبه ودايما بذكر الله وزوجي رافض أمر الطبيبه بيقولي أحكيلي بس هو مش بيفهمني أرجوك وجهني

انا محتاجه لأرائك أرجوك ساعدني انا علاقاتي مقطوعة بالناس ماليش حد اتكلم معاه ولا اصحاب وأهلي صعب أعرفهم وزوجي مش هيفهمني ومش بحس بالأمان معاه بخاف من جرحه ليا من أول جوازنا أما كنت اشتكيله ابقي تافهة ومريضة ونكديه عمل حاجز كبير في أني احكيله أنا محتاجلكو اوي