شوفي أختي أنا دايم أحاول أوضح حيثيات المشكلة و أتجنببببب كثير إني أعطي أمر مباشر بس يطلب التنفيذ لأني أخاف من الله مهما كان ،
مع ذلك ما أخفي عليك قلبي عورني حيل و أنا أشوف ميلك و أختك إلى الموافقة ، غير النقطة اللي ذكرت أنا فعندك النقطة اللي ذكرتِ أنتِ ، ... ومهما كانت عايلته و عايلتك حلوة ؟ فإن ..
" الأيام دول " ..
ما تدرين و ش يصير بعدين لو سلم الله تزوجت ثم تخاصمت أختك معه بعدين .

وهم إذا كانوا يعرفون ولدهم لقطة وينشرى ؟ فإن باب الخير واسع البيوت مليانة بنات ...
شمعنى يبونك تقنعين أختك ؟ !

و الله يكتب لها الخيرة و يصرفها عن الشر.

بالاسلام عزتي ..
والله اني حاولت قد ما اقدر اشيل نفسي من الموضوع.
بس ما قدرت لانها اختي .. وهذا الرجال ابدا ماهو سيئ ولا فيه عيب

خليها تدخل هنا و تقرأ آراء الجميع بهذا الموضوع ،
بما أنها صاحبة الشأن .

- فكري بأبعاد الحكمة أو العلة وراء اللجوء إلى " الضغط عليك لتضغطي عليها و تقنعيها ".
- ركزي على التفاصيل الصغيرة اللي تحدد "مصداقية " أهل زوجك من ناحية عدم إخفاء حقائق أو تدليس عليها ،
و لا تنسين " وضع المرأة عندنا " سهولة اقناعها بالزواج و صعوبة تخليها عنه ، و سهولة التدليس عليها أثناء عقد النكاح.
- ابحثي من مصادر أخرى غير أهل زوجك ؟
عن السبب الحقيقي و الدقيق لطلاق طليقته الأولى ، ثم تعمقي في صفاتها و سلوكياتها .


مثلاً افترضي صديقة لك تقولك أنها ما تسمع أغاني شوي بعد كم يوم شفتيها معليه الدي جي و ترقص ،
سألتيها ليش ؟قالت و الله أنا ما أسمع و لا أرقص بس هالمرة طنت طفشانة ..
صدقتيها ، ثم قالت لك أنا ما أكلم شباب بعلاقة غير شرعية ، شوي شفتيها حاطة على السبيكر و قهقهة و غزل مع شاب وهي مب متزوجة ، سألتيها ليش ؟ قالت : لا و الله ما أكلم شباب بس هالمرة كنت طفشانة وحبيت أتسلى .
المهم في النهاية لو كنتِ نبيهة راح تعرفين نسبة المصداقية عندها كم بالمية .

فكرتي طيب في الأطفال اللي تشتتوا !؟
و امهم الي أطلقت !؟

انكسار حلم ..

طليقة اخو زوجك كانت بيوم من الأيام سلفتك ..
انت ترضيها على نفسك !؟

اذا تبغى ترجع عشان اولادها ..
انت و اختك راح تمنعوها !؟

برأيي لا تتدخلي

اختك ماتبي تربي العيال و لاتبي يرجع زوجته
طيب اش مصير العيال و الله حرام

على بالك ، لو أخدوا أختك ( مكان سلفتك ) ..

الناس يقولوا ( هذه مرة ولدهم اللي مافي مثلها ، عكس سلفتها .. و الدليل أخدوا أختها كمان ؟؟؟ )

.
.

عزيزتي ..

زواج فاشل واضح من الآن ..

و فشله ممكن لا سمح الله ، يهدم حياتك و علاقتك مع أهل زوجك و زوجك

خليك بعيدة الأفضل

1+

وتطلع خرابه البيوت ومشاكل سالفات مالها اول من اخر

دخلت عشان انصحك لاتهدمين بيتك بيدك
زواج اختك من مطلق ومن عائلة زوجك صعب لو كان شاب ممكن تفكر في الموضوع لكن مطلق ومشاكل
راح تتعبين وتتعب واختك صغيره والعمر قدامها

ولو لا سمح الله رجعها الضرر مو على اختك عليك انتي
لاتربطون حياتكم في بعض والله نصيحه من قلب

هذا زواج فاشل ولن يجني ثماره الا بمشاكل جديدة لك ولاختك كأنك ما صدقتي انه زوجته تطلقت ومهدتي لاختك
اصلا كيف تجروأ يطلبون يد اختك ويطلبون تقنعيها بعد ؟ هل شايفنها عاااانس ؟
وانتو ما صدقتو خبر وهم لها الفضل انهم تقدموا

ليه ما تخطبين له مطلقة مثلة
انت بتفتحين على نفسك باب عشان مادة ومركز

وتزيدين العداء من طليقته واهله ويمكن ترجع وترضى وتقهرك انت واختك وتحرض على زوجك الا بيتزوج

اقصريها وهي بعيدة

والبكر تاخذ بكر مثلها وش حدها على مطلق

غير بعد الزواج بيطلع وجه اختك الثاني ويمكن تظلم عياله فتكونين سبب


لا تقطعين امل عودة طليقته له بزواج اختك


خليك بعيد


والبيوت اسرار وش دراك عن طليقته يوم تقولين كلن يعرفها اتقي الله فيها ترى الدنيا دوراه
والمتدين احيانا يغطى بهالة اعلامية انه الافضل وهو من الاساس مجرم الا من رحم ربي وغلطه صح ومنزه بعد والعياذ بالله
وانت زوجة ولدهم ما راح يظهرو الا حسناتهم لانك زوجة ولدهم لكن ماضيهم ما تعرفينه ترى البيوت اسرار