السلام عليكم ورحمة الله وبركاتوا مدري كيف ابدا هل انا استعجلت بالموافقه ببدا بالموضوع انا بمجتمع معدد ومن التجارب الي شفتها واسمع فيها يااما من الرجال هجروا زوجاتهم الاولى ونسى العشره او عدم العدل واعطائها حقوقها وذلك لانه تجوز الصغيره او الحلوه او الجميله وانا متفرجه في هذا المجتمع صار هاجسي ان فيه يوم زوجي يتجوز علي الاحلى والاجمل وتاخذه من بيته ومن عياله مع العلم اني الحمدلله ماني مقصره معاه في شئ وواحاول اني اكون له كل النساء من زوجه وحبيبه وعشيقه والحمدلله هو دايم يمدحني ويقولي والله انتي مااحصل مثلك ودايم يعترف بحبه ليا والله اني احبه وماووفقت الاعشان احافظ على بيتي واسرتي ابغى اكسبه وابغى قربه ليا انا تجوزته وعمري 17 سنه وانجبنا ابنتين وولدين الحمدلله وهو يكبرني ب10 سنوات وهودائيم يقولي ابغى اتجوز لكسب الاجر وكنت ارفض وفي الصيف الي راح خطب وحده من مكه ولقد علمت بالصدفه وواجهته ليه انا وش قصرت معاك وكان رده انتي منتي مقصره بشي ولكن شي في نفسي ابغى الزواج بالثانيه ولله الحمد تراجع عن الزواج والان بدا يبغى يتجوز بالثانيه ولكن هذي المره يقول لكسب الاجر في بنت عمه عمرها 38ويتيمه ويريدها لانها كبرت وفاتها القطارالزواج وانا لقيتها فرصه ووافقت انه ياخذها لانها طيبه وكبيره وعاديه وانا بكون اصغر واحلى لاني بصراحه اتجنن لو تجوز اصغر واحلى مني اللحين انا ماني عارفه كيف نظرة اهلي والناس وصحباتي انه تجوز عليا وكمان خايفه من الايام الجايه مقدر اتحمل اشوفه ينام بعيد عني وعن بيته الحمدلله انا وزوجي نحب بعض ومابينا مشاكل ولاشي وحياتنا ماشيه طبيعي وحتى دايم اعمله حفلات واجواء رومنسيه هو الحين خطب بنت عمه الكبيره يبغى يكسب الاجر فيها والله يعلم اني وافقت وانا فيني غصه وقهر وطار النوم مني ووقررت اني مااتكلم لاحد بالموضوع حتى امي واخواتي مايدرون كله ماابغى نظرة شفقه منهم او يطيح زوجي من عيونهم احتاج مشورتكم هل استعجلت بالموافقه مع انه يقولي اذا ماانتي راضيه ماابغاها من زواجه بس انا ماعندي ثقه فيه اخاف في يوم يجيب عليا الاصغر والاجمل والاحلى وتاخذه مني ومن عيالي انا اشوف اني بموافقتي حققت رغبته بالزواج لانه دايم يزن يبغى يتجوز وانا كمان حققت شي الي في نفسي انه مااخذ احلى مني ولااصغر والله يعلم اني بحثه على العدل وكل وحده ليلتها يعني ان شء الله بخاف الله ولا راح اظلمها معانا لانها هي طيبه واخلاق والتزام بس ماجاهانصيبها وشرايكم انا صح ولا غبيه وطيبه وساذجه وكان المروض احارب للاخير بس والله زي ماقلت ماعندي ثقه اخاف يتجوز وانا كبيره وتعرفون الرجال مايكبر ويهجرني او تاخذه مني واكون انا الخسرانه هو مبسوط وانا لحالي لاونيس ولا انيس ياربي مدري استعجلت على قدري ارجوكم قولولي رايكم انا صح ولا خربت بيتي بيدي