عجبني هدوئك ورزانتك .. فعلا بهالطريقه راح تكونين جذابه بعين زوجك .. لان مافي رجال يحب الحنه والنكد والمشاكل .
ونصيحتي لك ..
لاتطنشين .. بس غيري تفكيرك .. مريت بنفس موقفك
الرجل يعشق الثقه .. الناس عموما تبهرهم الانسانه الواثقه .. مو ثقه عمياه وبربسه انا حلوه ومدري ايش لاالثقه اللي تبرز بدون كلام
انا معك .. الوحده لوكانت ملكه جمال والكل يمدحها من زوجها تطلع غير وكانها أول مره تسمعها
مريت بنفس موقفك .. ولاحضت انه يلاحظ غيري بشكل اوفر انقهرت كثير وحسيته مايستاهل بس دخلت مدونه لدكتوره اردنيه وقريت بالنت لين طورت نفسي وبانت النتيجه ولله الحمد
اول شي طورت نفسي .. وحطيت ببالي اني مو محتاجه لراي احد فيني لاني متاكده ان شخصيتي مع الايام راح تكمل بعضها
حاولت ايقن داخل نفسي واكتب الاشياء الايجابيه فيني واعززها عشان اثق داخلي ان فيني من الجمال الكثير
والاشياء السلبيه ..اعترف فيها واخلي المكابر واعدلها طبعا ابدن ماتجاهلها لان كذا راح اتحددر واحاول اتطبع بعكسها
اهتميت بجمالي الخارجي اكثر وحاولت اعيش كان ماعندي زوج ادلع نفسي زي لما كنت بنت وابطل انصهار بالحياه الزوجيه عشان مايختنق اخونا في الله .
قررت اني احتسب الاجر في كل شي اسويه .. حتى الغداء وكاس العصير اقول هذي سقيا مسلم مو لازم يمدح لي الغدا اليوم ولايتشكر >> ادري ادري كل الغرابه بس صدئيني فعاله اول الايام كانت شوي صعبه بي مع الايام من جد صرت اشوفها من باب حسن التبعل وعاملو الناس كما تحب ان تعاملو ..
كان فيه شخصيه اعرفها .. كانت بنضري متكامله .. جذابه بثقتها .. ولان معرفتي فيها قويه .. اي موقف اكون فيه اقول ايش حتسوي فلانه لو كانت مكاني وكنت اتطبع بالطبع الجميل اللي فيها اللي هو الثقل والهدوء والثقه الطيفه .. اللي مخليها جذابه بعيون الناس
كان هدفي من هالاشياء اني الفته بطريقه غير مباشره ..
بس مع الايام استمتعت بتطوير نفسي ونسيت الهدف اللي كنت ابغاه ^^
وتفاجأت فيه يلاحظ ويعبر شوي .. جبرت لي كل الدموع اللي راحت ايام ماكان اشوف فلانه وعلانه تأثر فيه وانا لا
عذرا لاني اطلت في الموضوع ..
بس لاني حاسه فيك وربي .. جننونا هالرجاجيل ياوخيتي
ربي يسعدك ويسخر لك اياه ..~