اختي جننتني كيف اتصرف ؟؟((مشكلة محلولة في الرد 33))
السلام عليكم ورحمة الله
راح ادخل بالموضع على طول لاني لااجيد المقدمات
اختي عمرها 17 سنه وهي اصغر خواتي كل خواتي تزوجو وانا ايضا كلنا كنا على قدر من الادب والتربيه ونخاف من اخواني والوالد والحمدلله انسترنا اختي هذي سوت في بيتنا الي مايتسوا باقولكم كم مثال وانتم احكمو
مرة طلبت من امي تروح الصالون تقص شعرها امي ماوافقت دخلت غرفتها زعلانه وماطلعت منها الا والبنت قاصه شعرها بوووووي الكل انصدم قالت استئذنتكم ماوافقتم طبعاانضربت الين قالت امين يعني الموضوع ماعدا كذا
مثال ثاني مرة جيت عند اهلي زيارة وقعدت اهرج معاها لاحظت البنت كل لبسها كم طويل استغربت وبعدين تبين لي انو مقطعه يدها بأله حاده بحيث انها مسويه شكل نجمه وبعد النقاش معها قالت متفقه مع صحباتها انو كل الشله تسوي نفس العلامه طبعا صحباتها لهم تأثير جداا عليها بما انو كل اخواتها تزوجو
مثال اخير وهو الاهم طبعا البنت قاصه بووي ومسويه النجمه هذي وكأنه وشم البنت صارت تنقز شعرها وتلبس ملابس عيال ومافي شكله ذرة من الانوثه لدرجه لو طلعت الشارع محد يدري انها بنت وتتصور وترسل لصحباتها المهم مرة وحده من خواتي اكتشفت انها حاطه صورتها بموقع تعارف طبعا الكل كلمها وطاح فيها تهزيئ وهجدت شويه وقلنا ياااهااادي الي صار انو اليوم وبصدفه وحده ترسل لي صورة وتقولي هذي مين؟؟؟؟؟
شفت الصورة الا وتطلع صورة اختي قلت لها يخلق من الشبه اربعين وانا عااارفه ومتأكده انها اختي لانها مغطيه وجهه بنظارة بس عرفت ديكور البيت .....المشكله مو هنا
المشكله انو صاحب زوجي تقدم لاختي انسان واعي وعاقل وعمرة 29 وكانت له تجربه زواج سابقه وماكتب الله لهم نصيب مدة زواجه 6 شهور بدون اطفال
انا بدوري كلمت امي وامي رحبت وبقوة لهذا الخطيب ...امي غرضها تبيها تعقل قلت لها انتم ماقدرتم عليها ليش نظلم الادمي قالت انا وابوك تعبنا فيها يمكن لو تزوجت تعقل والله ياجماعه قاعده اضرب اخماس في اسداس كيف بتعيش مع رجال وتصونه والله ثم والله اني تعباااانه منها كل مرة تحلف وتوعدني وترجع في كلامها حرمناها من النت والجوال راحت شربت كلوركس عقليتها صغيرررره وصحباتها لاعبين بعقلها نقلناها من مدرستها لمدرسه خاصه عشان تبعد عنهم
ارجو عدم نقل الموضوع انا كتبته في قسم المتزوجين لاني اريد حل من لهم تجارب من اخوات او قرايب بمثل عمرها وتصرفاتها وتزوجو ابغى حل من المتزوجين برائيكم نخليها تتزوج ولا نفركش الموضوع ونرد لرجال علما بان الزواج في العطله الصيفيه
الله يحرم على وجهه النار الي يرد علي ويلقى لي حل
30-11-2012, 12:42 AM
ضوابط المشاركة
العرض الشجري