السلام عليكم
من تطلقت وانا حاسه بقهر والم وحسره
وراسي يلف بالف فكره
ادري انه قضاء وقدر وانه كتبه ربي ولو اجتمعوا العالم كلهم محد كان يقدر يوقف طلاقي لان ربي اكتبه
المهم اني هاليومين بديت الوم اخوي الكبير واحس فعلا اني يتيمه وماعندي سند
بقول لكم الموقف وقولوا رايكم
انا حصل خلاف بسيط بيني وبين طليقي وكنت مسافره عمره قبلها لانه قالي انه بالعمل عمله خفاره فقلت خلاص ماني قاعده بروحي بروح اسافر مع اهلي وقال اوكي عقبها يقول لي انه بيروح البر مع اصدقاءه فانصدمت قلت انا يوم قلت لك حاول تغير موعد الخفاره عشاني قلت صعب والحين قدرت تغيرها عقب ماضمنت اني اسافر مع اهلي واهلي كانوا حاجزين وخالصين واضطريت اني اكلف على اخوي الكبير واوديه يحجز لي لانه كان حاجز من مكتب بعيد المهم قبل السفره بليله يكلمني ويضحك وسوالف عادي بعدها بيوم كلمني معصب وانا من امس استخير ومش مرتاح قلت كلم اخوي لان هذي ثاني مره خلال شهرين يلوح بالطلاق رجعنا من السفر اتصل عليه مايرد عقب ماتاكد انا رجعنا اتصل على اخوي الكبير وقال بيض الله وجه اختك بس خلاص ماعاد ابغاها وكرهت الزواج وكرهت الشقه وابيك تواعدني بالمحكمه نطلق اخوي انصدم قال اهي مسويه شي قال لا قال مسافره معانا العمره بدون اذنك قال ابد انا سامح لها اخوي انصدم مره وقال بروح استفسر من اختي جا اخوي وجه اسود ومنصدم مره قالي فيه شي بينكم قلت له ابد كان يكلمني قبل السفر ويضحك وادعي لي فجاه قلب علي قال اخوي لاحول ولا قوة الا بالله المهم راح اخوي دق عليه ثاني يوم على طول يله متى نواعد المحكمه عصب اخوي وقال تدري مو انت الي ماعاد تبينا احنا الي ماعاد نبغاك وانا الي بدق عليك اواعدك بالمحكمه مهب انت وصار يدق على اخوي كثير واخوي ساحب عليه اتصل علي قال روحوي يله شيلي اغلااضك من الشقه قمت اقول له عندي شغل ومدرسه واختبارات ودوام استنى علي شوي صار ينافخ ويقول خلصيني كله هذا مايبغى يدفع اجار الشقه شهر قدام لانه يدفع كل شهر بشهر وقعدت اصيح ورحت الشقه عشان اشيل اغراضي لقيته شايل اغراضه كلها وتحطمت مره اختي اتصلت على اخته قالت انا مشغوله وماكنت فاضيه امه اتصلت على بيتهم ماترد وساحبه علينا وقالوا انها مسافره وطلع كذب هي الي شالت اغراض الشقه ابوه كان مسافر ماكلمه اخوي الا بعد فتره وقال وش اسوي الموضوع بين الولد وامه ولا انا كارهه انها تتطلق واحبها مره
بعد فتره قبل مايروح المحكمه كلمه اخوي الثاني قال ليه كذا وقال اسباب تافهه وسخيفه كتبها بموضوعي السابق
اخوي انصدم من هالاسباب وقال لو على كذا كلنا نطلق حريمنا اجل المهم صار يدق علي انا بالمحكمه الحين تعالي نتطلق قلت ترضاها اروح المحكمه قال تعالي خلينا نخلص واعطيك فلوس النفقه يبي يغريني بالطلاق قلت ماني ميته على النفقه وبتنازل عنها قال ازين بعد وانبسط مره وصار يكلم الموظف والموظف قرفان منه قال هي بتتنازل وش لازم تسوي قال لازم تجي المحكمه قال تعالي قلت مادخل محاكم يجيك اخوي
اتصلت على اخوي واخوي عصب وكلمه قال لاعاد تكلمها وش تروح المحكمه انا اجيك معاي توكيل اتصلت عليه من بكره ابكي ومنهاره وقلت له تكفى لا تطلقني توني عروس حرام كذا وبكيت وشهقت ولا هامه قال انتي الي تكفين اطلعي من حياتي وبيجك بلاغ من المحكمه قلت طلب اخير ابي اشوفك بكره ونتفاهم قال مافي تشوفيني بالمحكمه ونخلص وكلمته من بكره مايرد وساحب علي ويوم صار يوم المحكمه صار يدق علي يبغاني اجي المحكمه ومارديت عليه ومن بكره راح له اخوي وانهى الموضوع ويقول اخوي انه مبسوط وقاله بيض الله وجهك ولا نبي نفترق عشان مره قاله اخوي الا سود الله وجهك انت وهالمره تاج راسي وسحب وتخانق معاه

سؤالي تشوفون اخوي الكبير في بدايه المشكله غلط انه ماناده البيت وخذا وعطا معاه كان ممكن تنحل المشكله
لاني مره تاثرت من الطلاق ولا كان بودي اتطلق
احس اخوي كان موقفه سلبي ماناده وحاول يصلح
مدري احسني شايله على اخوي ولا تشوفون ان طليقي كان بايع بايع
شرايكم