مشاعري بارده تجاه زوجي!!
بسم الله الرحمن الرحيم
السلام عليكم و رحمة الله و بركاته
أنا متملكة من 4 أشهر تقريبًا و بيننا مكالمات و رسائل , زوجي مندفع من ناحية الحب و الكلام فيه
كثير يقول لي أنا من زمان أبي انسانة تحبني و أحبها و لقيتك (كثير يردد موضوع إنه يبحث عن الحب من صغره)
أما أنا بحكم إني خجولة نوعًا ما نادرًا ما أبادله الكلام أو المشاعر (مع إني أتمنى أبادله) لكن بينت له أكثر من مرة ارتياحي له و معه الحمدلله و الشكر له. (ما أحس إني وصلت مرحلة الحب لكن مرتاحة معه و أحس بقبول من ناحيته)
بالإضافة إلى خجلي شي أكبر و هو إني أحس بـ برود شديد في إظهار مشاعري للناس مو بس هو..!
و أتعب كثير في محاولة أني أظهرها لكن مع الأسف بدون فايده! (مع إن داخلي مشاعر كثيرة و أشياء أتمنى أقولها لكن ماعندي استطاعة) مرة اتصل و بعد ما انهينا المكالمة خنقتني العبرة ! احس اني عاجزة ماقدر اعبر ولا أقول شي ..
[مثال على مشاعري الباردة أو عجزي] : رحت أعزي صاحبتي في وفاة والدها دخلت و سلمت و عزيتها بكل برود رغم اني احترق من داخل,و حسيت بعيونها استغراب مني وكأنها تبي مني شي أكثر. والله احس بتعب لما اتذكر هالموقف و المواقف المشابهه له.
طبعا نتيجة للي فوق , قلَت مكالماته و رسايله , و تمر أيام بدون تواصل
مرة وحدة تجرأت و سألت عنه و أني فقدته ورد لي إنه مشغول مع أهله
و ماحبيت أزعجه وأكثر رسايل+حسيت ان الملل دخل بيننا ..
الحل الله يعطيكم العافية.!؟ و دعواتكم....
08-06-2012, 02:57 PM
ضوابط المشاركة
العرض الشجري