حياك الله غناتي...التصرفات اللي تصدر منه ف الرد الاخير عرف نقاااطك ضعفك وحب يسويها عليك ويقلق راحتك ..لا تحسسيه بانك تتضايقين من تصرفه بل توجيهك غير مباشر يكون له
ف حاله اتصالك له كنوع تسالين عنه او محتاجه شي مثلا يجيبه !!الاغراض افضل تكون رساله ان كنت متصله تطمنين عليه فاتصال واحد وطنشي وبعدها بكم ساعه اتصال اخر ممكن يكون معذور او لا!!!
الحركات اللي ذكرتيها اللي تصدر منه متى بالتحديد واين!!مثلا بعد زعله او دايم بدون سبب وحركه الظهر ع السرير او ف البيت بالجلسه!!
غناتي امرك عادي جدا طبقي اللي ذكرنا كوني قريبه من ربك وهو عامليه بطيبك وسلاسه لا تشدين عليه حتى انتي تشترين اعصابك وراحتك
موفقه وامرك سهل عيشي يومك وابسطي نفسك وتلاقيه هو اللي يركض ورااااك..اذا كان اخطأه فقط ماذكرتي الصمت
طيب موضوع الصمت هو يشتغل في قياده ومسؤليه يعني يقرب لااداره او سبق وشكى لك من تصرفات احد
ومطالعه التلفزيون احيانا تجلب الصمت وقله الحكي وغير كذا
اي تصرف ترغبين منه ان يسويه مثلا قلتي له ليه ماتمسك يدي لا انت امسكي يده دون كلام فقط ابتسامه ويدك ناعمه مو توك مغسله من المطبخ ع طول امسك يدي
عزيزتي اشعر بين سطورك انك ماعندك طوله بال او بسرعه تنرفزين حاول تسوين العكس ولاحظيه؟؟
وهل اعدتي قراءت تعليقي الاول كما ذكرتي
وليه حاصره نفسك عليه لابد يسمعك لابد كل اللي تقوليه يسمعه ترى احيانا هم يسمعون لكن من كثر الهذره ماعاد يقدر يركز
ماعندك اهتمامات اخرى بالبيت؟؟او انت قبل الزواج متعوده ع الجمعه واللمه او فيه احد يذكر لك اشياءت عن حياتهم وتبدين تقارنين ؟؟؟

انتظر مستجدك بكل اريحيه

هلا بك اختي الفاضلة
قرأت ردك كثير امس ورجعت قريته اليوم صدقيني
انا اعترف انه عندي مشكلة معرف اعيش سعيدة بدونه واصعب شى ياختي لا صار سعادتك وحزنك بيد بشر
وفي حقيقة الامر السعادة الحقيقة هي القرب من الله ..انا حاليا عند اهلي ولن اكذب عليك اني من يوم جيت وانا اشرب سوائل فقط الاكل ما جا بمعدتي احس اني منهارة بس ماني قادرة اكل
مشكلتي اني جدا متعلقة فيه وفقذاني لوالدي خلاني احط فيه كل الادوار ابوي واخوي وكل شى بحياتي
ربما ثقلت عليه بمشاعري الفياضة ويمكن هو من النوع الي مايحتاج هالقوة من المشاعر والاهتمام الزايد
حاولت اخفف مرارا بس لما يفتح لي ذراعه ويبدأ معي صفحة جديدة انسى كل شى وارجع ادور حنانه بلهفة الطفلة المحرومة ..تعبنا خلال السنوات الماضية الحب موجود بس التفاهم معدوم! اخيرا لجأت لاخر حل مع الدكتور طارق وقلت اذا ماتفاهمنا معناه في خلل او ربي مو كاتب لنا نكمل مع بعض وكان بعد الحاح مني اني اروح ومن خلال متابعتي للدكتور حسيت انه ممكن يفهم وش انا ادوره ولاربما ماعندي الاسلوب المناسب حتى اوصله وش ابيه لعله يكون من خلال الدكتور ..نجحت الفكرة وزي ماذكرت اعلاه اني طلعت وانا بعالم اخر وكاني انولدت من جديد وكاني كنت ابي زوجي يعترف قدام طرف اخر انه يحبني وشاريني وحسيت بالطمئنينة ..وكاي مرض ممكن لا يحتاج للعلاج بعقاقير يكفي انه يروح للدكتور ويطمنه وهذا ماحصل معي بالضبط..كنت فاقدة الامان والحوار معه ..وتماما مثل ماتفضلتي انه فاهم ومستوعب بس كان يبي يريح تلك الاعصاب المشدودة..................

في احدى المرات قلت له باسلووووووب طفلة اسلوب اقل من بسيط ويمكن تافه عند الاخرين ..واعترف ان الحب غلبني ..ااذا حبيتك بقوة حبني بقوة واذا حبيتك ع خفيف حبني ع خفيف ليش ماتبادلني بنفس الدرجة في الحب !!!!
قام ضحك وفي نفس الوقت نزلت دمعته وحضني وهو في نظراته الشفقة علي ..ومع هذا رضيت وسعدت بردة فعله
واذكرك اختي ان زوجي ذكي ويفهم كل حركة مني وان كانت نظرات ويعرف وش عندي بدون مايسالني
وهناك فرق بين واحد مستوعب ويبي لك مجهود عشان توصلين له الفكرة واخر يفهم كل شى بس يعتمد يتجاهلك في امور هو يحس انها حساسة بالنسبة لك

انا اعترفت له مرارا انه شى عظيم بالنسبة لي وانه اهو من يهمني في هالحياة بعد الله وان مزاجي مرتبط بمزاجه فرحه من فرحي وحزنه من حزني وبعدني ماوصلت لهالدرجة اني اعيش حياتي وافصل بينه وبين اهلي واعطي كل شى وقته..اتوماتيك لا صرنا متزاعلين الناس يعرفون ان السبب زوجي
صدقيني اختي ماحد يقدر يزعلني غيره ولا احد يقدر يسعدني غيره ..مادري وش اقولك لكن لو استرسل اكثر ماراح اكف بالكلام عنه
انا احن عليه وارحمه بسرعه ومن اول كلمة ليش مايوصل معي لهالدرجة من الرقي وخاصا انه يعي ما اكن له بداخلي
مسالة انه يقولي اني اكبر غلطة بحياته يوم تزوجني هذه ماتنقال ياختي ومهما الانسان انضغط في كلمات تسبب شرخ بالعلاقة وماتنسي مدى الحياة وهو اعتذر وقبلت اعتذاره ..
وكلامه اني نكدية وادور مشاكل معقولة بعد ماقطعت هالمشوار وعرف كل واحد فينا اشلون يتعامل مع الثاني اقوم انكد ع حالي انا الي اتعب مو هو..هو اسم الله عليه ينام ويعيش حياته ولا عليه من شى
مشكلة غض البصر نعاني منها من زمان..ولعل هالشى يمنعني معه من الطلعات والجيات والسفر برى المملكة عشان لا يطالع بمتبرجات ..لكن مقدر اقفل عليه بقفص واقوله لا نطلع ولا نمارس حياتنا كطبيعين
لازم هو يقدرني ويحترم اني معه ...ولا تتوقعين ياختي انه انا بعد ماودي اطالع حب استطلاع لمناظر نشوفها بالاسواق بس مستحيل اجرح زوجي بنظراتي لرجل اخر سواء معه او بغيابه
كم مرة اكونه معه بالسيارة مسرحة وهو يتوقع اني اطالع برجل وتفاجأ انه يقولي غطي عيونك ليش تطالعين
ماحد يتقبل لا هو ولا انا بس من داخلي افرح لاني اعتبرها غيره منه واهتمام..ما اقوله انا حــــــرة
طولت عليك اختي بس حسيت اني محتاجة افضفض