اختي ما اتوقع ان الشباب فهالوقت مالهم ماضي

ومو شرط انها علاقه مجر د تسليه لهم

انا زوجي اعترف لي حركاته قبل يتزوج

يقول كنت اكلم وحده ع سكايب بس ماعمري فهمت شتقول

وقالي انه كان يكلم باعترافه والوضع عاادي

يوم اعترف لي ماهاوشته ولاعاتبته لانه ماضي

وبدايت الزواج كانت مشاكلي معاه عشان الشات والبرامج البلارينقو و و اضاف بنات بالفيس
ومن كثر ماتضير هوشات ماعاد له فيها

وربي هالحين اراقب جواله من بعيد ولاعمري شفت براممج مو زينه

اذا ماتوقف عن حده من البدايه خلاص يصير الامر عادي

آللـْ•̣̣̥·̩̩̩̥•̣̥ـْـّہ يوفق الجميع

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

لي تعليق بسيط على اللي هاجمو توتر وفيس بوك وبلاك بيري.. الخ

يعني الحين انتم تتمنون مافيه جوالات ولا بلاك بيري ولا فيس بوك ولا توتر ولا كامرات ولا ولا ولا؟؟ تبون ترفضون كل هالتكنلوجيا النافعه والعظيمه لانها تسهل لرجالكم وسيلة الاتصال بالجنس الاخر؟؟

تغاضيتو عن كل الفوائد والراحه اللي وفرتها لنا هالتقنيات وركزتو على ان رجالكم يستخدمونها للمغازل؟؟ والله عيب عليكم هذا مستوى تفكيركم.. السبب الرئيسي للخيانه هو ضعف الوازع الديني وهذي كلها مجرد وسائل لو ما استخدموها بيستخدمون غيرها ولا اظن انكم حتى بترفضون تلفون البيت الثابت والسيارة ويمكن نسكر الاسواق بعد وووو

ياليت نكبر عقولنا شوي والتكنلوجيا طورت حياتنا وسهلت لنا امور كثير.. كاميرا الجوال لحالها كشفت لنا فضايح في بلدنا بعد نشر التصويرات ادت الى تعديلات جذرية في بلادنا.. الان المدرس يخاف يضرب طالب لان يمكن فيه طالب ثاني يصوره وهو مايدري.. والمسؤول يخاف يهين او يطرد مراجع لانه يخاف احد يصوره وهومايدري.. و تستمر الفوائد..

فيس بوك وتويتر صارت كانها اعلام جديد حر الناس تعبر فيها عن ارائها بصراحه وصارت ارائنا توصل للكبار وفيه بعض الامور تغيرت واوامر صدرت بناء على رغبات الشعب (فرض زكاة على الاراضي البيضاء اللي بتخفف مشكلة السكن مثلا).. تطور عظيم عمرنا ما حلمنا فيه ايام الاعلام القديم..

وبالاخير تتمنون ان هالتكنولوجيا ما طلعت عشان رجالكم ما يغازلون فيها!!

__________________

بحله اول شي ياريت من غير غلط كبرو عقولكم او غيره
الحمد لله فاهمين الحياه اولا ثانيا انا قلت الله يعدم الفيس بوك
وفعلا انا مازلت عند كلامي
الله يعدمه
موشرط ان زوجي او غيره
لكن كله منفتح جدا ولدرجه لا توصف مختلط اي شيء تكتبيه يطلع للجميع و.............
اكيد عارفة انتي ما في داعي للتوضيح
وهو فعلا بلاء لانه من صنع اليهود وما ادراكي ما يفعل بنا اليهود
؟؟؟؟؟؟؟؟؟؟
نقطه اخرى سبب لكثير من بناتنا وشبابنا الفتنه
من عده جوانب
لا يسعني ذكرها الان
اتكلم بشكل عام لا اعني شخص معين
لكن راجعي عده موضوعات في هالمنتدى جزء كبير منها سببه الفيس
وليس الماسنجر او الواتس اب او .......
اكثر بلاء في الفيس بوك
شي أخر ضحكتيني والله انتي طيبه
الحكام حبيبتي يسمعو للشعب اذا خافو بس فهمتي وموشرط الفيس او غيره
مظاهرات او اضراب او........
القائمة تطول
شوفي اذا كنتي تجدي فيه ميزه انا لا اجد فيه الا العيوب
ولكل وجهة نظره
هل تعرفين ان اليهود هم من انشأه ويكسبون من ورآئه الملايين
ارجوكي لا تتكلمي من منظور ضيق

وان كان عندك اي شي اطرحيه هنا مع مراعاه الحوار في المستوى
وانا حاظره لاي اجابه

--------------------------------------------------------------------------------

للأسف الشديد ثلاث أرباع شباب هذا الزمن (خونه)
مابين خونة فعليين وخونة شكليّين
صح كلامك الاخ عزوبي ناضج

عزيزتي اونا.. اولا اعتذر اذا كلمتي جرحتك لكن والله طلعت غصب عني من هول صدمتي..

ثانيا.. انا ماعلقت عليك لحالك انا علقت عليك وعلى غيرك اللي قالو ضيفي البلاك بيري والواتس اب وغيره.. واذا انتي مو شايفه ان الفيس بوك له اي فوايد فانا اقولك ان له فوايد عظيمه وترا التعارف عن طريق الفيس بوك اصعب من التعارف عن طريق المسنجر والتشات.. لان المسنجر والتشات تظيفي اي احد بس الفيس بوك للعلاقات والصداقات اللي تعرفها من اول.. لم يصمم ليكون وسيله تعارف.. هي شبكة تواصل.. وانا اتفق معك ان بعض الرجال يستغلون اي وسيلة حديثه للتعارف والخيانه لكن كانت فكرتي ان اللي عنده استعداد للخيانه هذا انسان ما يستاهل وماعنده وازع ديني قوي.. بدل ما نلوم الوسيله المفروض نلوم الشخص لان كل انسان مطالب بغض النظر وحفظ الفرج..

ولتصحيح معلوماتك اليهود ما اخترعوه.. اللي اخترعوه طلاب بجامعة هارفرد (من ديانات متعدده) وتقريبا المالك هو مارك زيكابورج ولو تسوين عليه بحث بتلاقين ان امه وابوه يهوديين بس هو ملحد وما يؤمن بوجود الله.. هذا غير انها صارت شركه مساهمه الحين وكثير ناس اشترت عندهم اسهم..

ولما صمم الموقع كان يبحث عن الشهره والنجاح والمال وبس.. ابدا لا تتوقعون ان الغرب فاضين لنا يصممون اشياء عشان يخربونا.. نظرية المؤامرة ترا قديمه وصدقيني الغرب يعبد الفلوس واهم شي يجمعون فلوس ويحاولون يبدعون ويخترعون عشان يوصلون لمراكز ويغتنون.. وهذا ما يعني ان اختراعاتهم غير مفيده.. الذكي اللي يعرف يستخدم الايجابيات ويتفادا السلبيات ولا كان عشنا بدون انترنت ولا جوال لان كلها ممكن تستخدم بشكل خاطئ..

حبيت اوضح لك اني ابدا ما شفت الموضوع من منظور ضيق بالعكس شايفته من بعيييد وشايفه كل الجوانب اللي فيه.. والفيس بوك زيه زي اي تقنيه جديده طلعت كثير استخدموها بشكل سلبي للاسف لان تربيتنا مو كويسه ووازعنا الديني مهزوز.. صديقني المسنجر والتشات كانو العن من الفيس بوك بمراااحل وهي اللي اقولها لك بالفم المليان مالها فايده وسخيفه جدا..

في النهايه كل انسان له وجهة نظر لكن انا اعتذر مرة اخرى اذا كان كلامي ضايقك وارجع اقولك ان ماقصدتك فيه شخصيا والسلام..

__________________

نسيت اصلح لك معلومه.. في الفيس بوك اذا سويتي لك صفحه واضفتي فيها صديقاتك وقريباتك تقدرين تخلين محد يقرا كتاباتك ولا يقرا معلوماتك الا المضافين عندك ولاغلبيه تسوي كذا.. قليل جدا اللي صفحتهم مفتوحه وعامه لاي احد.. الاغلبيه مغلقه وفقط المضافين باللسته يقدرون يقرون ويتابعونك..

وبعد نسيت اذكرلك مميزات الفيس بوك..

انا مغتربه واضفت كل صديقاتي وقريباتي بالفيس بوك واشوف اخبارهم اول باول وننزل مقالات ونتناقش مع بعض فيها واشوف صور عيالهم واعرف اللي تزوجت واللي سافرت واللي حملت وو حتى اللي من سنين ما شفتهم صرت اعرف اخبارهم واسلم عليهم.. اساسا هذي كانت فكرة الفيس بوك تواصل..

زوجي عنده موقع يبيع فيه بضائع بالسعوديه وكان يسوي دعايات في قوقل وعن طريق الايميلات وما استفاد مرة.. لما سوا حمله اعلانيه بالفيس بوك اشتهر الموقع ولله الحمد وللان كل ما سوا عروض ولا جاب بضايع يعرض عن طريق الفيس بوك..

كثير الان بنات سعوديات يتاجرون عن طريق الفيس بوك ويترزقون الله وهم في بيوتهم.. وبعضهم ما شاء الله يبيعون طبخات او كيكات وبعضهم يسوي مكياج ويعلنون عن طريق الفيس بوك واشتهرو ورزقهم ربي من ورا هالفيس بوك..

انا ذكرت لك هذولي اللي جو على بالي عشان تعرفين ان الفيس بوك نفع ناس (ولا تنظري له من منظور ضيق).. واذا فيه ناس تستخدمه غلط حبيبتي هذا ما يدل انها تقنية سيئه..

__________________

صراحة انا كنت تعبانه يومها بنتي في المستشفى
وقريت كلمتك صراحة زعلت والله
لكن ما قصدته ان الفيس بوك فتنه
وفعلا فتنه
اوكي انتي تستخدمينه بطريقه جيده
لكن بناتنا وشبابنا
لهذا السبب قلت لك لا
تنظري بمنظور ضيق
لانني احسست بذلك من دفاعكي عليه
وهذا بالفعل واضح الان في ردك
تستفيدي منه في التواصل مع اقاربك
وزوجك في التسويق
لكن ما فكرتي في شباب المستقبل اللي قاعدين عليه ليلا نهارا
لاحول ولا قوة الا بالله

الشي الثاني حبيبتي اليهود لهم ولاء لدينهم غير عادي
وانا اتكلم بمنظور علمي
ومن واقع تراه عيناي
اليهودي اذا كانت امه يهوديه معنى ذالك انه يهودي حتى لو اعتنق ديانه اخرى معتقد اليهود في نظرهم انه يهودي
ولا يعترفون بالحاده او غيره
والاهم اهم يجيدون فن ارتداء الاقنعه للاستفاده منكي ولاهلاكك
عافانا الله ونجى المسلمين من مؤامرراتهم

اليهود منهم الاغنياء
ولا يرتدون الا العتيق او المتواضع
هل تعرفين لماذا
من ولائهم لدينهم
يبعثون باغلب النقود لاسرائيل
كي يستمرو في بحثهم المزعوم (تحت الاقصى )عن خاتم سليمان
وماهم بآخذيه الا ان يشاء الله

عزيوتي ارجوكي نحن لا ندرك حجم الشرور التي تحيط بنا
ونظنهم طيبين
او يسعون للمال او الشهره
وهم لا يفكرون الا في عز دينهم
وانهم هو اطهر الخلائق

ابحثي في اليوتيوب
وغيره عن خاطر الفيس بوك

احدى قريباتي متزوجه
وليست صغيره في ال30 او يزيد
وجددت الفرصه للتعرف على ابن خالتها وابن عمها وووو
............
انظري سبب فتنه حتى للمتزوجين
مابالك لمن هم ي سن المراهقه
وانصح كل من يقرأ ردي ان لا يضع صور له او لعائلته في الفيس
لانه من السهل اخراجها واستعمالها لاغراض سيئه
شيء آخر
انا قلت ماسنجر ولم اقل شاااااااااات
وهناك فرق كبير بين الاثنين
عموما لكل وجهة نظره
والخلاف لا يفسد للود قضية
واسأل الله لنا ولجميع المسلمين الثبات
حتى نلقى وجهه الكريم

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام