الصابرة مافينا شيء سلامتك بس كل واحد يرد على حسب فهمه OK

أنت ماشاء الله عليك فهيمه فخلاص ردي زي ماتبغين ومحد تدخل بردك فياليت تخلينا نرد على قد فهمنا

انت اصبر ع كلام امك يعني ايش تقولي لها
الكبار بالسن لاتردي عليهم اسكتي
تقدير لهم وخاصه امك
ولو ع الشاي والقهوه عادي قولي هوا اصلا يقول ان بطنه يوجعه
قبل لاييجي كان شارب شاي او قهوه
اهم شيء ان زوجك راضي عليك

بصراحه فعلا عيب انه ما ينزل يسلم... خاصة انه مب بشكل يومي يجي ياخذك... يعني بين فترة و الثانية و الأصول انه يسلم على الكبار... يا اختي جبر خاطر...

لو انتي تعاملتي مع اهله بنفس المعامله كان زعل منج...

بس انا بعلمج على شي...

العبي على الحبلين مثل ما يقولون...

طلعتوا مع بعض... اول ما تدخلين السياره قولي له ابوي و امي يسلمون عليك (و مثلا خذي اي شي امج تكون مسوتنه كيكه صغيره او حتى حبة بسكوت وقولي له امي تعرف انك ما بتنزل لأنك مستعجل و لزمت علي آخذ لك قطعه) هذا يقرب القلوب من بعضها... و انتي راجعه معاه خذي هدية لو غرشة عطر و قولي لها امي فلان يسلم عليج و يستسمح منج انه ما نزل يسلم و قال لازم اخذ شي لخالتي الغاليه و لا تنسين طبعا ابوج في الموضوع..

و احيانا يوم يجي ياخذج... اتأخري شوي و خليه يدخل بحجة التأخير و لازم تنبهينه لسالفة الضيافة انه ما يجوز يرد ضيافة أحد....

بالتوفيق اختي..

كوني كما انتي ولاتتضايقين
وحاولي تفهمين امك ( لانك مربيتني احسن تربيه هذا تعاملي مع زوجي )
يشابه تعاملك مع ابوي ( اتوقع راح تفرح وتحس بالفخر )

اما كلامها الثاني وتعليقاتها على تصرفات زوجك
حاولي انك فكل مره تتلطفين معاها مهما كان هذي امك وتبغى لك الزين
وبنفس الوقت لاتتغيرين مع زوجك
والله يسهل امرك ويبعد عنك كل هم

غاليتي استقلي ببيت لحالك و ترتاحي ... بما انك الوحيدة المتزوجة وقاعدة معاهم فا انتي تحت المجهر


اعتقد انه والده متوفي صح

ممكن يستاجر شقة صغيرة (غرفتين نوم )
بمدينة اهلك .. و تقعدي فيها انتي و امه .. منها ترتاحي من ضغظ اهلك وتحددي على راحتك متا تروحي لهم
ومتا تجتمعي معاهم .. و تتعذري بدارستك وقت ماتحبي .. عشان تتجنبي تجمع الخالات مثلا
ومنها تركزي بدراستك ., و تونسي امه .. و لما يجي لك بالويك اند .. تاخذو راحتكم
على الاقل بتحسي قليل بالاستقرار .. ملابسك ولوازمك بتكون كلها عندك .. لما يجي اخر الاسبوع
بتقدري تطبخي له لقمة من يدك تفرحيه فيها .. بتخلصي من خوفك من ابوك اذا علم بذهابك لبيت اهله
و تخلصو من زن الاهل بالبدء ببناء البيت ..

الله يوفقكم و يسعدكم

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

ياحبيبتي فضفضي وقولي اللي بقلبك كلناا آذان صاغية
ومثل ماقالو الاخوات قبلي سايسي الوالدة وطيبي خاطرها بكلمتين وداعبيها ومازحيها ووضحي لها انك سعيدة
ولاتلتفتي لتحريضاتها ابدا ..انت بنت واعية وذكية وتقدري تحافظي على بيتك وزوجك ربي يجمعكم على خير ويسخركم لبعض

وطبقي نصيحة الاخت لكل شئ حد صدقيني بتجيب نتيجة فعالة ويطيح الحطب
دايما انقلي سلام الوالدة لزوجك والعكس صحيح حتى لو ماسلمو على بعض
وبكل تلطف وود ودلع وغنج حاولي تقنعي زوجك يجلس مع اهلك ويقبل ضيافتهم
وان شاء الله لااستقريت في بيت مع زوجك بتخف هالضغوط كلها

الزمي الاستغفار واقري سورة البقرة وادعي لزوجك ولوالدتك

مشكورين تسلموووون .. بصراحة اكتشفت ان الغلط مني انا باذن الله اصلح هالغلط

وزوجي لازم انبهه للاشياء هذي ..

بجد انا محتاجة خوات كبار يوجهوني يعلموني كيف اتصرف في بعض المواقف

الله يوفقكم دنيا واخره