اولا ادعي الله ان يجملك دائما في عين زوجك ويملأ عينه وقلبه بك
ثانيا عندما تكون هده المرأه متبرجه وانت تراعي الله في لبسك رددي علي نفسك
"انا عند الله بزي الشرعي اجمل واغلي
وقولي لنفسك انا استطيع ان اكون مثلها بزينتها في بيتي ولكنها لا تستطيع ان تكون مثلي باحتشامي
ودائما كوني متجدده وانيقه والبسي ما يرتدونه لزوجك ولا تحرمي نفسك وزوجك من اي شئ
وذكريه ان من يتقي الله بغض البصر سيحفظه الله في زوجته وبناته من المتلصصين
ربنا يجعلنا وازواجنا ممن يغضون ابصارهم
انا مريت باللي مريتي فيه بالضبببط
و الشي الأمر منج اني في بلد الغرب ، يعني لبس بناتهم ..... لا تعليق
الصراحه في البدايه كنت أجن و اعصب و اقلب الدنيا ، و تييني فترات احس اني بديت اكرهه
مع ان زوجي ملتزم نوعاً ما و يعرف ربه و احس انه يحبني وايد و ادري انه مو متعمد يطالعهم
و للعلم ..انا مو مقصره كلش معاه .. شكلي حلو و لبسي في البيت حالي حال اللي برا
عقب فتره طويله من نظرات و ردة فعل زوجي هذي من بعد ما يشوف بعض البنات ، حسيت بردت اعصابي و خفت غيرتي من كثر ما تكررت هالشغلات .. يعني قلبي شبه ماات
بعدين قمت افكر بالموضوع في فترة هدوء اعصابي و لقيت ان هذي فطره في الرجل ، مهما كانت نوع الرجل و علاقته في ربه .. اذا لقا شي يشده ما يقدر ما يطالعه ( سواء نظره اولى و سريعه ، او انه يمعن النظر لثواني زياده )
و هم بهالشي ما يقصدون اهانه لنا او انهم فضلو البنات علينا
ادري هالشي يحرق القلب ، و انا حاسه فيج
بس حرام تخربين علاقتج و حبج لزوجج عشان هالامور
لان مثل ما قلت لج ، هذي فطره فيهم
نصيحه مني ..
حاولي تطنشين شوي و لا تهتمين ، لان اذا ظليتي شايله هم هالسالفه محد بيتعب غيرج
و الاهم انج ما تبينين له غيرتج هذي خاصه من هالناحيه ، لأنج اذا بينتي له ممكن تصير مشاكل بينكم مثل ما صار معاي في البدايه
و تأكدي ان مهما كلمتيه و حاولتي فيه ، ماااكو فايده .. ما راح تكون عناد عليج بس اهو جذي ما يقدر ما يطالع