الله يسمع منك بس قولولي وش اسوي في الحالة هذي

السلام عليكم /قراءة موضوعك هذا كامل والسابق ايضا وسجلت لكي ارد عليك واساعدك/عندي بعض الاسئله وياليت تجاوبي عليها علشان اقدر افيدك صح/الان ام واب زوجك عايشين؟هل سبق ان زرتيهم ويعرفونك؟وهل اهله يعرفونك؟شافوك ويعرفون انتي زوجته؟وهل زوجك ضايفك انتي وابنك في حفيظه النفوس كرت العائله؟في نفس الكرت اللي فية زوجته الاولى وعياله؟وهل زوجك جامعي او فقط ثانوي او متوسط او اقل؟وهل عمله في القطاع العسكري؟وكم عدد ابناءه من زوجته الاولى؟وهل مصروفك الشهري راتبك يكفيك؟وهل زوجك يدخن او يشرب او يتعاطي لاسمح الله؟وهل هو محافظ على الصلاه بالمسجد؟هل هو من النوع اللي ينصحك كثير في امور دينك وهل يحفظ من القران والاحاديث يستدل بها على كلامه دائما؟هل زوجك قبلي جنوبي او حجازي الاصل؟اتمنى الاجابه لكي بإذن الله افيدك_وبعدها سااطرح مشكلتي الصعبه ولم اجد لها حل تقريبا_‏

هلا فيك راح اجاوبك امة عايشة وعلاقتي فيها ممتازة ..نعم زرتهم .. نعم اهلة يرفوني وزرتهم كثيرر.نعم ضايفني..زوجي ثانوي.لا في قطاع حكومي.. 5 ابناء ..نعم يكفيني...لا يدخن ولا يتعاطى...نعم يصلي اغلب الصلوات في المسجد...احيانا...زوجي نجدي ساكن بجدة...

هلاااا والله وغلاااا بخيتي بنت الرياض
كيفك؟؟؟؟
فرج الله همك وكشف الله غمك وبدلك حالا احسن من حالك واسعدك ربي
أخيتي اشغلي نفسك بالله والقران وقيام الليل واسألي ربك ان يرزقك من حيث لاتحتسبي فالله لايرد من دعاه صفرا خائبا اليدين
اما زوجك اصلحه الله فدعيه لربه ولكن يجب عليك نصحه بطريقه غير مباشره كأن اذا كلمك لمحي له انك متضايقه من خبر واذا سألك قولي تخيل وحده عندنا زوجها مسوي حادث وقولي والمشكله الحال التي وجد عليها تخيل يابو فلان كان مع وحده خلوه غير شرعيه وانفضح عند الناس وهو الحين بالمستشفى واللي معاه حالتها خطيرره ومن هالكلام
وقولي الله لايبلانا بس قل يافلان الله لايبلانا ويسترنا الواحد لو يفكر وين يموت ؟وع اي حال ماعصى ربه
وانتي بينك وبين نفسك أدعي له قولي اللهم يامن لاتضيع ودائع من استودع عنده شيئا استودعتك زوجي فاعصمه عن الحرام ورغبه فيني أكثر فأكثر
الجئي لربك"
وفيه فكره فوق قريتها انك ترسلين لهاالبنت أخاف تشك فيك هي وهو يعني اكيد هي مطلعه هالرقم ومحد يعرفه غيرك ويشك فيك ويعاند
عاد انتي ادعي عليها او لها سواء يصرفها ربك عن زوجك ولا بالهدايه
وربي يفرجها عليك وتجين هنا تفرحيني بأمورك الطيبه وبحملك تراني انتظره بفارغ الصبر كما لو انك أختي اسعدك المولى"

__________________
‏(اللهم يامن حرمت الظلم ع نفسك وجعلته بيينامحرما فأبعد عني الظلم)
اللهم اشكوإليك ضعفي وهمي وحزني فأففرج عني ماأصابني فأني رضيت بقضائك وقدرك فرضني واسعدني"

هلا وغلا اختي رش السحاب جزاك الله خير على دعواتك ووقوفك جنبي والله اني اعتبرك مثل اختي والله اني الحين ادور على موقع من النت يرسل رسائل على اساس مايشك فيني بجلس شهر وبعدين راح ارسل لة ولها واذكرهم بالنار والعقاب والله يهديهم والله ياختي اني نفسي طابت منة كلما قالي كلام حلو ولا يتودد لي احسة كذاب وخاين وووسخ خاصة بعد ماشفت صورة البنت انخدعت فية لانة انسان محافظ على صلاتة ومايدخن ولايعرف الخرابيط هذي بصراحة صدمني الله يهدية

افكر اني انتظر شهر بعدين ارسل رسائل لجوالة وجوالها بس اخاف يعرف ان الرقم من الرياض

أختي بنت الرياض 2 أزاح الله همك يارب خليني اقولك أعجبتني فكرت أختي رش السحاب أرسلي للبنت الرساله فيها
أنك لو ماتتركي الغزل سأفضحك عند أهلك وابلغ الهيئه وأوهميها أنك أحد قريباتها وتخلصي من الرقم اللي ارسلتي منه
وزوجك اخبريه بسالفة أختي رش السحاب الله يجعلها في موازين حسناتها وترسلي له رساله لأنه راح يشك منك أو من
زوجته الأخرى أحدكن ستقع ضحية شك وأما انه يكتشف مكان الرقم نعم يستطيع إذا كان لديه علاقة بأحد يعمل بشركة
الأتصالات يحدد فقط اقرب برج ارسل منه الرقم فقط لا أكثر ولا أقل ولايمكن تتبعه إلا إذا رفع شكوى وكانت الشكوى
جنائيه يطول شرحها لعدم اهميتها الله يهدي زوجك ولا يجعل في عينه إلا أنت وأنت يجملك في نظره وأن يبعد عنه
بنات وأولاد الحرام ............شااااب

__________________
لا تكن عبد مملوك كن حر حتى ولو كان الثمن روحك

جزاك الله الف خير على النصيحة انا نفسي افشلة ويعرف ان فية احد اكتشف اللي يسوية

بعض الرجال ادا ما حصل وواجهتيه يزيد اصرار وتعنت .. يصير على عينك ياتاجر
ربما زوجك يبي يقنع نفسه انه لازال جدابا و ملفتا.. وخصوصا انه داخل على ابواب الستينات
ربما هي ازمة مراهقة ثانية لدا ينبغي دق جرس الاندار والطوارئ.

__________________

شكرا اخوي على النصيحة