الحين انتي ماتستحين ؟


رادين عليك احنا ولا عبرتينا وتبين الاعضاء يردون عليك ؟؟



بعذر زوجك فيك

الله يهدي زوجك لكِ, بعض الأزواج لديهم حب الخروج والجلسات والطلعات والسفريات، يجدون متعتهم ولذتهم بذلك، وهذا خطأ إذا كان ذلك على حساب الزوجة، وهذا طبع يكاد يكون لازم لهم ومن الصعوبة أن يتخلوا عنهم، ولو ابتعدوا ليوم واحد لشعروا بضيق وتعب من ابتعادهم، الحل أن تصاريحه بذلك، أو تكتبي له برسالة وتكتبي فيها كل احساسك وموقفك بكل حب وبكل حرقة وبكلمات مؤثرة وعقلانية أحياناً بعيداً عن الغضب، أكتبي كلمات تؤثر فيه وليس كلمات تجعله يثور أو يتنرفز. وفقكِ الله.

__________________
ياصبحِ لاتِقبل !!
عط الليل من وقتك..

شكرا Neat man عللى الرد والدعاء الجميل
حاولت مرررا المصارحه ولكن اصبح طبعا لديه فهو يتحمس للذهاب لديهم كثيرا يحب جلسة العزوبيه ولا يحب جلسة الاسره

قلبي
الرجل حر وماينحكر بالبيت ..
الرجل في السابق ماكان يشوفوه اهل بيته الا وقت النوم ..

اسمعي ياقلبي ..
انتي حاولي تتكلمين معاه بأدب وذرابة وحنية ..
وقولي له :
يا أبو فلان أنا ودي إنك تعطيني من وقتك الغالي شوي ..
أدري إنك تحب ربعك وماألومك ..
أنتا تروحلهم لأنك ماتبي تحس بالغربة وهذا حقك ..
وأنا أبدا ما أعارضك
لأني مستحيل أوقف بطريق سعادتك ..
كل اللي أتمناه إنك تخصص لي يومين بس بالاسبوع نقضيها مع بعض ..
وزوجك شكله يحب الطلعات ..
فلا تقولي نقعد بالبيت ..
لا جهزي لك الشاي والقهوة ..
واكشخي واطلبي منه ياخذ لكم ادوات الشوي واشوو وانبسطوا ..

شوفي وش يحب يسولف لك عنه باستمرار ..
وسعي ثقافتك بمجاله اللي يحبه ..

وخلي روحك خفيفة ولا تدققين عليه بكل شي ..
بيني له بتصرفاتك العفوية اشكثر انتي مبسوطة ..

وترى الرجل كائن لطيف ووديع .. ومحب للحياة .. ولكن إذا وجد أنثى ذكية ..
تعرف متى وكيف تتحدث معه ..

انتي وكلي امرك لربك وادعي له ..

وتدرجي في طلباتك ..

فأول حاجة .. اذا كان ينام بعد الدوام حاولي ماتخلينه ينام او اذا كان مرهق خليه ينام ساعتين وصحيه
وصحية بذوق وانتي مجهزة له مفاجأة بسيطة ولابسة ..
لو ماصحى اتركيه ..
كرري التجربة بين وقت وقت .. صدقيني بيجي اليوم اللي يحس فيه .. وبيستحي على وجهه ويعبرك ..
وبعد كيذا تحاولين معاه لحد مايتعدل نومه ..

وفري له جوه بالبيت ..
ولو اضطريتي تستقبلين ربعه ..
اهم شي يكون حولك بالبيت ..

ومع الوقت والوقت الطويل والصبر ..
يتعدل .. ولكن يظل الرجل حر ..
ومن حقه يدخل ويطلع مثل مايبي ..

ولكن مايكون هالشي فيه ظلم للزوجة او تقصير في حقها ..
لأنه بالأخير مسؤول قدام ربه ..
عن كل صغيرة وكبيرة ..


ما اتمنى لك غير السعادة والرضى بما قسم الله لك
لتكوني أغنى الناس ..

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !

شكرا نوارة كلام رائع
فهو محب للحريه وبتصنيف الشخصية فهو جنوبي غربي
اجتماعي فوضوي لايحب التخطيط والاستقرار
ولكنه لايحب الخروج كثيرا بل يتضايق عندما اطلب منه ذلك لاني اربطه بي ولكن بعد الاصرار يوافق
ولكنه يخرج مع اصدقائه ليلا لتناول العشاء بوقت متاخر جدا

الله يسهل لج امورج ويفرجها عليج يارب

سبحان الله و بحمده سبحان الله العظيم

ضاق صدري يوم قلتي ان الاجتماعي مع الناس يصبح العكس مع زوجتة
زوجي اجتماعي ( مملكة)
واجتماعيته الزائدة جداً مضايقتني , الكل بالنسبة له صديق والكل بالنسبة له غالي وعزيز
بينما انا على العكس , انتقي اصدقائي , لي قاعدة زملاء عريضة لكني رسمية مع الاغلب وهو العكس
ليتك تكلمينا عن زوجك لنستفيد ـــ<< جيتك ياعبد المعين تعين ههههه

حسيت ان شخصيتك مثل شخصيتي بالكلام الي قلتليه انا مو اي احد انسجم معاه ولكن زوجي العكس مثل ماوصفتي زوجك
هل لديك معرفة ببوصلة الشخصية لتنصيف نوع الشخصية الشمالي-الجنوبي-الغربي-الشرقي
فانا شرقيه شماليه وزوجي جنوبي غربي العكس تماما
اتمنى ان لايتكرر طبع زوجي لدى زوجك فالتربيه والبيئة التي يعيش فيها لها دور ايضا فكيف اهله فانا اهل زوجي ايضا كذلك منفتحيين للكل ودائما يزورونه اصدقائه في بيت اهله منذ قبل الزواج
فيعتمد على البيئة و نوع الشخصيه
وادعيلي ربي يبدل حال زوجي الى الاصلح والاحسن ويكون زوج صالح

يااخ سكوت قل خير او اسكت
صراحة ردودك تجرح مرة
ليش تقولها انتي ماتستحين
صراحة انا مستغربة ليش المنتدى الى الان ماحذف عضويتك
لاني مادخلت موضوع الا اونت تشجع على الطلاق او تجرح وا تحرش بين زوجين
حرام اللي تسويه
تراك محاسب على كل كلمة قلتها وكتبتها
خاف الله في نفسك ولا تجرح احد
لاحول ولا قوة الا بالله