اخي الكريم
موضوعك اشبه مايكون بقصص الف ليله وليله طويل جدا الله يعطيك العافيه وطبعا انا شاب وحجوب على اسئلتك الي موجهه الى الشباب
هل البنات ماإلى ديارهم من سبيل يعني مهما فعلت مااقدر ارضيها ؟
مع العلم اني الى الان اقدر النساء واولهم الوالدة الله يحفضها

اخي الكريم البنت مخلوقه من ضلع اعوج ان قومته كسرته وان تركته فهو اعوج والبنت والمراه بشكل عام فيها صفات جبليه او صفات بالفطره مثلها مثل الرجل ولكن المشكله باننا لانعرف كيمياء المراه ونتعامل معها
على سبيل المثال كيف سيكون الحال اذا قاد السياره رجل كفيف او رجل لايعرف اساليب قياده المراه
اخي الكريم هناك حماقه من الشباب من وجهه نظري ان الزوج يجب ان يحتوي زوجته ويجب ان تعلم بان الدلال والحياء هو من فظره الفتاه وطالما البنت في بيت اهلها فهي بنت ابيها وانت عندما المراه الى بيتك حاول ان تضع ماتحب وماتكره وهي كذالك حتى تكون الخطوط العريضه لسير الحياه الزوجيه بسلامه وامان
وانتبه من اللي يقولك اختبر المراه انت ممكن تختبرها حتى تعرفها لكن اجل مرحله تقويمها الى مابعد الزواج
ولاتنسى انك انسان يعتريك الخطا فتقبل الخطا من غيرك كما تريد من الاخر ان يتقبلك باخطائك
اخي الكريم اتمنى ان تسير حياتك بخير واتمنى ان تكون زوجتك لازالت هي ولما يحصل بينكم فراق فالموضوع طويل وقراته على عجاله
واتمنى ان لااكون اساءه اليك واسال الله التوفيق وماكان من صواب فمن توفيق الله ومن كان من خطا فمن نفسي والشيطان واستغفر الله من ذالك

تدري وين مشكلتك؟؟

مشكلتك في الجوال

ألحين شلون تبيها تدق وتكلم والفاتورة من يسددها؟؟
يمكن اهلها من النوع اللي محددين لها مبلغ أو جوالها شحن

يا ابني تلحلح وجيب لها رقم مفوتر مع جوال حلو أفضل
عشان ما يكون لها عذر
وإذا ما اتصلت ساعتها المشكلة فيها هي..

أتوقع مشكلتك كلها بالواتس أب
يا أخي أحذفه .. وحاول تتصل فيها مرة أو مرتين في الأسبوع
أما ماسنجر و واتس أب وو ما تناسب المقبلين على الزواج


نقطة أخرى
زوجتك سنها صغير لابد أن تهتم بهذه النقطة، وتحرص أن تعاملها معاملة تليق بسنها.

وفقكم الله

تصدق رغم كل الكلام الي كتبته انا ماشفت ولامشكله
ترا كل البنات كذا هم كذا تعاملهم
بالعكس اشوفها طبيعيه
انتا بس حاول تتقرب لها والله يوفقكم

جزاكم الله الف خير على نصايحكم
بالنسبه للاخ اللي يقول اني مخروش انا عارف هالشي وقلته في بداية القصه والاخت اللي تقول جوال مفوتر انا اشحن لها الجوال كل ماخذت فتره واسالها انتهى الشحن تقولي لا واروح اشتيلها زياده كرديت
واللي قالوا البنت صغيره وماادري ايش انا عارف هالشي ولاكن ماهو هنا يقع الاختلاف
الحين هذا كله راح وانا لما كنت عايش القصه ماكنت حاس بالي انا قاعد اسويه الا لما وقع الفاس بالراس
وكان في تفكيري اني مااني غلطان وان الغلط كله منها
لاكن لما دخلت هالمنتدى وقريت موضوع ليش كذا وقريت الردود صحيت فجااه
وتغير تفكيري 180 درجه واكتشفت اني كنت حقير في تعاملي معها مع اني كنت احبها والله احبها
وانا ماقد دخلت في علاقه عاطفيه من قبل وكل ماصارت لي فرصه اني اتعرف على فتاه افكر واقول لا ليه اخون نفسي وادخل بعلاقه مصيرها الفشل في اغلب الحالات واقول راح انتضر الين اتزوج وجمعت كل العواطف وكبيتها على البنت مره وحده مسكينه واجتمعت مشكلة اندفاعي وحماسي ضد حياها وقلة تقبلها للعاطفه من رجل اكثر مانقدر نقول انه كان غريب قبل شهرين
وحصل اللي حصل
المهم الن انا رجعت ارسلها وهي انجرحت مني مرتين والبنت من النوع الحساس جدا وموراضيه انها ترد علي وكتبت لها قصيده بايخه وارسلتها لها لانها كانت تقولي اكتب لي قصيده من تاليفك وكنت اقولها مااعرف اكتب شعر
والا الان مو راضيه ترد علي والله اللي رفع سبع ونزل سبع ان محبتي لها نقيه ونيتي سليمه بس احس انها كرهتني
ابيها ترجع ترضا علي ولاادري وش اسوي
واحد نصحني اني اخذ لها باقة ورد واكلم ابوها واقوله اني ابي اشوفها
محبتي لها طاهره انشالله ونيتي صافيه حرام حب زي كذا مايستمر وينتهي
مشكلة ادم يايكون بليد مشاعر يايكون عاطفي لدرجه تلوع الكبد مثل حلاتي
لاتلوموني بس والله اني اتصرف بدون تفكير ومندفع لعواطفي مع اني ماحب المسلسلات ولا الافلام الدراميه بس من وين جايتني هالمشاعر البايخه ماادري .

لاتقول على مشاعرك البايخه وانا اقول يمكن هي تبي تكون على كيفها وهي تبيك تكون على كيفها وهذا يمكن سبب الخلاف لكن انا اشوف جرب غيرها على خفيف بس مو علطول وشوف ايش تسوي يمكن هي تسولف مع صحباتها كل وحده تقول خطيبي سوا لو بالكذب وهي تبيك كذا بما انها قالت اكتب لي شعر هي رومانسيه واضح او انها تبي تقول للبنات كتبلي شعر يمكن والله اعلم وشكلها من النوع الحمقي عصبيه بس انت اذا متاكد انها تحبك تغلى عليها شوي شوف ايش تسوي وانت وشطارتك ويارب بعد يحلي مشكلتي الي قريبه من مشكلتك وربي يوفق الجميع

هل فيه اطراف خفيه تمشي اجندتها من خلال البنت ؟


هههههههههههههههههههههههههههههههههه
والله يا انا فطست من الضحك على هالجملة
ياخي قسم قصتك تهبل
مافيه اجزاء
من جد ترى ما اتسذب ههههههههههههههههههه
اول شيء واضح ان هالبزقة اللي عمرها 18 جايبتك على خشمك
وانا عجوز قريح عجزت عن رجلي هههههههههه

لي عودة جدية ان شاء الله اعطيك رايي
الله يوفقك ويسعدك مع عروستك

وهذا اللي سويته تغليت عليها اشوي ويبستني يبستني =ماعطتني وجه
يعني ماادري شكل علاقتنا حب من طرف واحد وشكل الزواج بينتهي بالفشل

لاتعتـذر مـال الهجـر منـك تبـريـر
صـدك بليـا ذنــب والله ظليـمـه 00


ماصارلـي بعـدك يفـوق اي تصويـر
تجـددت كـل الجـروح القديـمـه 00


بعـدك لعـبـي هاجـسـي والتفاكـيـر
وقلب (ن)جريح وروح صب(ن)مهيمه 00


ماغيـر اسلـي خاطـري بالمشـاويـر
اروح وارجـع والهواجـس مقيمـه 00


ياحبـي اللـي بيـن بيـض الغنـاديـر
لك في عروش القلـب قـدر وقيمـه 00


ان كـان صـدك ماخـذك عنـي لغيـر
روّح ولـو ان الخسايـر وخيـمـه 00


وان كانهـا عنـي خـذتـك المقـاديـر
فالعفـو عنـد المقـدره فيـه شيمـه 00


يامرحبـا والـحـب كـلـه معـاذيـر
تشفـع لـك ايـام الغـرام القديمـه 00


يـوم الهـوى لازارنـي منـك أعصيـر
أضم في صدري من اجلـك نسيمـه 00


واليوم اصبـر خاطـر الوجـد تصبيـر
واقول صدك عقب وصلـك جريمـه 00


ولاجـاك منـي ياهـوى البـال تقصيـر
مواقـفـي ويــاك والله عظيـمـه 00


صخرت لك مشاعـر الشـوق تصخيـر
وامطرتـك بحبـن تقـفـاه ديـمـه 00


وظللتـك بجفنـي وصـارت مسافـيـر
يـوم الغـلا بيـن النديـم ونديـمـه 00


واليـوم ماتنـفـع كثـيـر المحـاذيـر
تفاغمـت بيـن النفـوس الحشيمـه 00 ااااااه ياذا البيت


عسى سنينـك روض عشـب ونواويـر
محـد لنفسـه يرتضـي بالهزيـمـه 00


امـا تخاوينـي علـى الشـر والخـيـر
والا السلامـه منـك راس الغنيمـه 00

والله لو زوجي وقت الملكة جاب طاري الطلاق كان سارت علوووم ..؟!!

الله يهديك ويصلحك ..

.............
..............
................



ما ينفع الكلام الكثير
والتدقيق الزايد على تصرفات البنت

كل حركه منها محسوبه عليها
الله لا يلومها الي ما تبي تدق ولا تبي تكلمك..

ما فيه مشكله الا مثل ما تفضلت ( مخروش)

وسالفة الطلاق لا تعيديها مره ثانيه

انا مو شايفه اي غلط بتصرف البنت
تستحي ويمكن ما تبغى تكثر المكالمات..

الله يهديك بس

انت تحسب عليها حتى متى دخلت وطلعت ..
من جد صاير كأنك محقق