ياأختي انا ماراح أقوللك ليش تاخذينه بس انتي يوم خذتيه اكيد عارفه أن عنده عيال وأكيد متوقعه يايحبوك او يكرهوك
ليش ماحاولتي تكسبينهم تظهرين احترامك لهم ترفعين معنوياتهم بالكلمه الطيبه
ترا طال الزمن ولاقصر هم أخوان بنتك هم سندها وعزوتها من بعد الله
انا انصحك لاتدعين عليهم لابسوء ولابشر أدعي بالخيروالتسخير أفضل للك ولبنتك
ولاتفرحين أن أنه جاءه حادث لربما يرحمه الله ويبتليك
أدعي قد ماتقدرين أن الله يهديهم ويسخرهم للك
لاتظهري قوتك عليهم حاولي تكوني قدامهم أنك ضعيفه ومغلوب على أمرك
والله يهديهم ويسخرهم للك

__________________
live nice

طيب تطلقي دام الحاله كذا إذا علي ابوها شايب الله يعطيه طولة العمر
أما إذا مات تورثين أقولها لك ماراح تطولين لاحق ولا باطل الكتاب واضح من عنوانه

يعني وش تنتظرين لما تكبرين زياده ؟!!
أو يجيك شرهم لبيتك بصراحه هالعيشه ينخاف منها مافيها أمان ولا راحه

__________________

ملامح قمر

عن أبي هريرة رضي الله عنه قال : قال رسول الله صلى الله عليه وسلم : ( لَيْسَ مِنَّا مَنْ خَبَّبَ امرَأَةً عَلَى زَوجِهَا أَوْ عَبْدًا عَلَى سَيِّدِهِ ) .
رواه أبو داود ( 2175 ) وصححه الألباني في " صحيح أبي داود " .

يااخي أنا مااحب اشجع لكن شف الموضوع والتعامل معها
أهي إنسانه وصغيره في العمر هذولا وحوش بصراحه وش تجلس تسوي معهم
لو زوج ممكن ينصلح لكن هذا وش تصلح فيه أو عياله

وماعليش علي الكلمه لكن رجال كبير وهاذي كبر وحده من بناته ويمكن أحفاده بصراحه هذا مكان أب مو زوج

أعرف كلامي ماراح يعجب كثير و تخريب بيوت

بس إن شاءالله لو تتركه ربي يغنيها بأفضل منه خلها تتركه وتشوف حياتها بدل ماتضيع أحلا سنوات عمرها في ملاحقه أهو وعياله ومشاكلهم

أختي بصراحه لاتعتبرين كلامي هذا أنه سخريه أو تقليل أو فيك شي
لابالعكس بس أنتي تستاهلين الأفضل من هالعائله

والله يدلك علي إلي فيه خير

__________________

الرسمي / و الله ما تحاملت على زوجي أبدا
و لا عمري تدخلت بينه وبين عياله أبدا ،، حتي زوجاتهم عمري ما سالته عنهم
لكن هو حاطني بكفه و أولاده بكفه ،، زعلان مني عشانهم ..

هم انفسهم شككوه فيه ،، كافي بنته الكبيرة و تدخلاتها بحياتي وانا صابرة

اتزوجته و رضيت فيه و حاولت أكيف نفسي معاه ،، لكني بنظره طفله ما تفهم و بنته و زوجتة الاولي
افهم مني ،، لدرجة اذا تعبت بنتي و قلت له خذها الطبيب يروح يسال بنته او زوجته الاولي ..!

....

الحادث هذا شي ربي مقدره عليه قبل ما تجيبك امك الله يهديك

فكري في علاقتك مع زوجك بغض النظر عن ابنه


و
شكراً

__________________
استغفر الله الذي لا إله إلا هو الحي القيوم وأتوب إليه

عذاب الورد / و الله أني احترمتهم مو عشانهم عيال زوجي بس لا
لا نهم كمان اكبر مني سناً ..
ياختي ارحب فيهم ببيتي و استقبلهم هم و زوجاتهم و عيالهم ( مع ان أولادهم مجانين )
و لا عمري تذمرت منهم او اشتكيت ،.
سيارتي اللي ابوهم شاريها لي ،، طلبها ولده من ابوه وقال له لا هذي سيارة خالتك ( اللي هي أنا )
لكن أنا احترمته و قلت لابوه ليش تقوله لا ،، و اعطيته إياها ..!
عمري ما رفعت صوتي عليهم اصلا كنت اخجل منهم ..

اذا جوا لابوهم يبغونه بموضوع اطلع و اتركهم معه و لا ادخل بينهم أبدا ..
لكن بدون فائدة ،، و للمعلومية أخوهم الكبير جدا محترم و الاوسط بعد و الصغير
لكن الباقين الله بلاني فيهم ..

ملامح قمر / أخذ و غصباً عنهم ،، حقي و حق بنتي ..
يكفي حياتي اللي راحت ،، اترك لهم بعد حق بنتي ..؟'

اصلا ابوهم نفسه يخبئ عني أملاكه و املاك عياله ،، و على باله أني مو داريه عن شي
ما عرف أني على اطلاع بكل اوراقه و مستنداته اللي عندي ..
اما اللي مو عندي الله العالم فيها ..
( مع أني والله العظيم قنووعة باي شي ،، لكن هم غيروني بتصرفاتهم و ظنونهم السيئة )

و لما تزوجته ما كنت ادري وش عنده وكان يقول ما عندي شي وانا مصدقة لكن
كثرت اجتماعاته مع عياله و كثرت تلفوناته خلتني ادور في مستنداته واعرف
اشيا ما كنت داريه عنها ..

وشلون تاخذينه غصب وش يجبرهم يعطونك إذا مافيه خوف من الله والرجال علي كلامك مايبي يعطيك ؟!
تتوقعين يقدمك علي عياله وإلا حريمه
ماعليش بس إلي ياخذ بنت في عمرك هدفه الأول الفراش ولافيه أي ألفه أو محبه وممكن إلي يخاف الله بيعطيها أما غيره لاتحلمين حبيبتي

شوفي أنا أقول لك الواقع بنتك أتوقع ممكن أنهم ياخذون الولايه عليها لأنها صغيره وبعدين خذي منهم شي
أما أنتي لاتفكرين في شي لك ولاتقولين المحاكم رجاجيل بلحاهم ويالله يخذون حقوقهم من خلق الله تبين أنتي حرمه وتطالبين عيال زوجك عز الله ماخذتي لا حق ولا باطل
وعزيزتي القانون عندنا كله في صف الرجال الحرمه تبطي ماطلعت حقها ومعروف حتي في الحضانه وفي النفقه أغلب الحريم ماتاخذ شي وماعندنا قانون يجبر الرجال يابن الذين أدفع لعيالك أو شي لا مافيه
وياكثر الأخوان إلي ياخذون ورث خواتهم كثير جدا او يعطونهم مبلغ صغير يسكتونهم كيف زوجة أبوهم
الناس ألحين تموت في الفلوس أستغفر الله هذا وأنا بنموت وميتين علي الدنيا ويتذابحون عليها

أختي لو علي أستغفر الله بقول لك ياليت تلعبين علي هالشايب يكتب لك شي بعدين أسحبي عليه وأطلبي الطلاق فكي عمرك منه
ولاتجلسون تكتبون مثاليات ومدري إيش وعن الأخلاق لو فيهه أخلاق ماراحو يستقون علي هالبنت هو وعياله

ماقلنا ليه تتزوجينه حظها والبنت وش تسوي الله يعينها ويصبرها ويعوضها عندنا نسبه كبيره من البنات والحريم هذا حالهم للأسف والأغلب مو راضيه لكن وش تسوي تكسر الجدران
والله يستر الوحده مو ضامنه بكره تكون في مكان هالبنت أو غيرها الله يرحمنا وأنا ماتكلمنا ألحين الدنيا في يدنا أو الظروف ماتدرين وش يصير بكره الله يخلي لنا أهلنا

وكنت أنتظر اشوف هالمثال
يعني مقارنه فرق السماء عن الارض وش أحنا عند الرسول أو هالشايب أو غيره
الرسول أكمل الناس خلقا وخير الناس لأهله طيب هل هالشايب تعامل مع هالبنت بنصف التعامل إلي جاء في السيره من تعامل الرسول اللهم صلي وسلم عليه مع زوجاته
أي موضوع عند التعداد أو شايب أو كذا تضربون مثل الرسول وأنه تعدد لين كنا مثل خلق سيد الخلق اللهم صلي وسلم عليه نجي نتكلم ونقول الرسول اللهم صلي وسلم عليه

وبعدين هل الشايب إلي ياخذ بنت في عمر الزهور تبي تعيش حياتها مع شاب مثلها وعندها طموحاتها ليه مانشوف البنت وإحساسها وفكرنا في الرجال هو عاش حياته وتهنا هالبنت كذالك من حقها تعيش حياتها
وإلا عشانها حرمه تقول لا أدفني عمرك وزوجك ومدري إيش
مجتمع ذكوري من الدرجه الاولي كل تفكيرهم في الرجال والمفروض يكون مستانس وهالحرمه تطق براسها الجدار وتخلي الصبر عنوان حياتها
بصراحه المفروض يعطيها يكب عليها الفلوس كب علي الاقل تعويض لها أنها تزوجت مثله

وبعدين إذا الشايب إنساني مره ويبي يستر بنت يقول لواحد من عياله أو من إلي يعرفهم ياخذ هالبنت ويعاونه في موضوع الزواج
لكن يجي هو يعرس الحمدالله أخر عمره رجل في الدنيا والثانيه في القبر والأنانيه في قلوبهم لازم أعيش لأخر لحظه وأتزوج وأرمل البنت وش هالانانيه عندنا مجتمع أناني من الدرجه الأولي اللهم نفسي خاصه الرجاجيل قمه الأنانيه مايفكرون في غيرهم لا أنا مستانس خلاص
الحرمه تموت قهر إلي يصير فيها عادي الله يولي عليها من يخافه ويتقيه بس

وبعدين جينا للمثاليات إلا خلها تدعي عليه تبرد حرتها صح أنها تدعي بالهدايه أحسن والله يسخرهم لها
لكن أهي قالته لايكلف الله نفسا إلا وسعها

الله يوفقك أختي وييسر لك أمورك ويسعدك دنيا واخره

__________________

ملامح قمر الله يهديك شكلك تبين البنت تتطلق اليوم قبل بكرا وقاعده تخوفينها من المستقبل مايصير هالكلام
والبنت وافقت عليه ليش حطيتي حرتك فيه ,,, الرجل ماغصبها عليه جاء وخطب وهي قبلت وش المشكله ؟؟؟
والجزئية هذي ماهي موضوعنا
واذا كان الرجل تزوجها للفراش كما تقولين
فبامكانها ان تاخذ اللي وراه واللي قدامه لانها صغيره وتقدر تلعب بعقله

__________________
انــــــــــــــ رجــــــــــــــــــــــل ــــــــــــــــــــا احتــــــــــــــــ المـــــــــراه ـــــــــــــــــــــرم