بسم الله الرحمن الرحيم
السلام عليكم والرحمة
لكل من يقرأ موضوعي ..أنا في هم لايعلم بمداه إلا الله..وأنتظر من الجميييييييع أرائهم ومشورتهم
ونصايحهم

ماكان ودي والله أتكلم عن أحد..أو عن حياة أيا" كان..لكن أشعر أني في ضيق..ومابيدي شئ
وأصحاب المشكلة يلجأون لي بعد الله..وأنا متورطه وماعرف كيف أتصرف..
المهم بحاول أختصر قدر الإمكان وأحاول أذكر المفيد
أخوي تزوج قبل سنتين والحين عنده نونو ..ساكن في الدور الثاني..وأحنا(أهله)تحت
بالنسبه لي وللجميع لاحظنا أن زوجته تقريبا ماتبالي بشئ ولاتهتم بشئ..وأولها القلب
أحس مافهمتوني..أقصد المشاعر والأحاسيس مع الناس كلهم وأولهم أهلها..أشعر أن هذه الإنسانه لاتحب احد..جدوالله من غير مبالغه..ولاتشتاق لأحد..ولايهمها أحد..ولاااتقدر أحد..
وهذا شئ ثبت من مواقف كثيرة من أول زواجها مع أهلها ومع الجميع..طبعا شئ بديهي بتكون بلامشاعر مع زوجها ولاحنيه ولاشوق ولاهم يحزنون..وهوشخص رحوم عاطفي
أما بالنسبه لشخصيتها فهي مايجي منها خير أوشر لشخص اللي مايحتك فيها..
فيها نكران للمعروف موطبيعي وهذا برضو من مواقف كثيره شوهدت وتصرح فيها بكل فخر..
في البداية قلت لكم أنها لاتبالي ولاتهتم بشئ وأولها القلب
نعم فهي ماتهتم بشئ..أراه دائما يحضر وجبة الغدا معه من المطعم وهوراجع من العمل(شبه يوميا")
هي تنزل المغرب وواضح توها صاحيه من النوم أكون أنامجهزة القهوة لأهلي وتتقهوى معنا
حتى يصحو زوجها وينزل..أنا من أجهز قهوته وهي جالسه..يجلس يسولف يمل يطلع وهي لاتتحرك
تنتظر حتى وقت متأخر حتى أحضر عشى أهلي وتتعشى معنا ثم تذهب لبيتها..هوأقصد أخي مرة يتعشى معنا ومرات يخرج وإذا رجع يكون معه عشى..مع العلم عندها مطبخ في بيتها يعني منزلها مستقل تماما عنا
هي لاتشاركنا بشئ أبدا حتى في رمضان تنزل وقت الآذان تفطر وتذهب..حتى لما تاكل شئ فهي تترك الطبق والملعقه في المجلس..أخي إذا أراد أكل معين يطلب مني أطبخ له مع أن زوجته تعرف تطبخ وعندها كتاب لطبخ..وبالنسبه لي أشعر بشفقه عليها لأن بنظري كل أنسان يخطأ ويجهل ومصيره يتعلم
..تمشياتهم وطلعاتهم كثيرة..ماأشوف أن أخي متضايق من الوضع..مومقصر عليها بشئ..لا لبس لاأكل لاهدايا ولاغيره..انسان طيب وحنين..
إلا أني لاحظت أنه في بداية زواجه أكثر من مره يريد الكلام معي يشكو ويلمح أنه مومرتاح معها(يقصد بالفراش)
واللي فهمته أن السبب هي..وصار يولول ويقول كنت أبي نحيفه!!
هومن قبل يتزوج كان يعزم أصدقائه عندنا..لكن بعد الزواج فهمت أن زوجته ماتبي تستقبل ضيوف
..تغير حاله صار عصبي ويطلع يسهر برا..وهي عااادي..هويقول ماكأني متزوج ولامره فكرت تجهز قهوة وتقول يافلان بنتقهوى مع بعض..ولامره جهزت عشى واتصلت علي تقول تعال!!
وهي تقول ماعلي منه أنا مرتاحه(ماتبي تطبخ أوتتحمل مسؤليه)تجلس تسولف مع خواتي الصغار إلين تتعشى وتروح..حتى أحيانا يرجع من برا ويطلع لبيته وهي جالسه..
أنجبت أول طفل..وبعده صارت تنزل تتقهوى وترجع لبيتها بعض الأيام..يعني خفت جلستها تحت طبعا بعد مانصحها
لكن الغدا والعشاء من برا..وصارت تتعذر بالطفل أنها تنشغل معه..
طلعت معه مره أشري أغراض..قال ياعذرا قلبي ياأختي أبي أتزوج !!!
ليش..ولييييييييش..قال أنسانه بليده كأنها طفل عقليتها صغيرة..إذا جلسنا كل سوالفها الممثل هذا عمره كذا وهذا مطلق وهذا مدري ايش..أو حش بالحريم..وإذا بقرأ كتاب تسحبه مني أو تسوي أي شئ تشغلني
ومن سنتين متزوجين بالعافيه تطبخ كبسه مرتين بالأسبوع ..سنتين متزوجين ولامره قالت لكم تفضلوا على القهوة ..هذي انسانه تبي تلبس وتاكل وتنام فقط..حتى قلت لها بتزوج تقول بكيفك أرتاح من المسؤلية

حاولت أهديه وأن يسعى بإصلاحها وقلت له احنا مااانبي منها تدعونا لبيتها ولاتخاف لاأمي ولاأبوي يهمهم هذا الشئ..أهم شئ أنت تكون مرتاح معها
قال والله أني عفتها أدعي دائما ربي أن يحببني فيها ومتى أعيش حياتي كبقيه الرجال!!
طنشته وهودائما يلح علي بالبحث عن زوجه ثانيه له..أنا ياعالم أرحمها..وخايفه على الطفله اللي مالها ذنب تتشتت..وبنفس الوقت مقهورة منها وأشفق على أخي..بتقولون ليش مانصحتيها..هي بنفسها تقول ماحب اللي ينصحني..حتى هويقول إذا نصحتها بأسلوب جميل تزعل..يقول مانفع معها شئ ولولا البنت اللي بيننا كان من زمان طلقتها..
صار يشكي أنه مايحب النوم معها وأنه يبي الزواج بأسرع وقت
ومره طنشته وقال بعصبيه أبي أعف نفسي!!
..مرت 6 شهور بعد انجاب النونو وهو يشكي ويزن على الزواج..وأنا أحاول أهدي وضعه..طبعا مع كل هذا مومقصر عليها بشئ..وأكثر من مره يقول أني خبرتها أني بتزوج عليها وموافقه وأنها تخيره من بين مجموعه بنات
يعني شو رايك بفلانه أو فلانه!!!
وهي برضو كم مره ذكرت أمامي ان أخي يقولها ترى بتزوج الثانيه..بس أحس أنها ماخذه الموضوع مزح
الله أعلم..
أنا حسيت انه في الشهر الماضي طفح الكيل مثل مايقولوا..لدرجة أنه برضاها طبعا ينزل بعض من التحف الموجودة في بيته وبكل حزن يقول لأمي :أصلا من بيشوفها إذا ماأحد يدخل بيتي..
طبعا هويشكي من عدم حسن التصرف عندها..مثلا الطفله ماتهتم فيها أبدا..لادواء لاحليب..إلا بعد صراخ وخناق....تصرخ على بنتها وتضربها(عمرها 6شهور!!)..البنت متعلقه في أبوها كثييير..
لما جات تزور أهلها(خارج منطقتنا)ا..كان كل ليله يشكي لي وشااايل هم أنها بتهمل بنته
وسمعته يوصيها عليها وشوي ويبكي..
بعد مارجعت من أهلها البنت صارت دايم تبكي وبشده وكأنها خايفه من شئ
سألتها وش فيها؟!
قالت أول ماوصلت لأهلي رحت لمشغل من قبل آذان المغرب إلى العشاء ..والبنت في البيت عند أهلي
والبنت توها ماتعرفهم وكانت طول الوقت تبكي بشدة ولاسكتت إلا لما رجعت!!وكانوا يتصلون علي يقولوا أرجعي البنت بتموت من البكي..قلت عادي بتسكت!!
..
هو صراحه ولامره قال أنصحيها أوتدخلي أساسا ماتتقبل النصيحه..وأنا بعد ماودي تاخذ بخاطرها..قلت له دخل أمها في الموضوع
الأم ستر وغطا على بنتها وماراح تزعل زوجتك لوشكيت لأمها
قال ماعليها من أمها ويقول تخيلي أن أمها تصبرها على الطفله(بنتهم)
وهو يشكي لي لأننا متعودين أنا وهو..نشكي لبعض ونفضفض ونساعد بعض..
في هذا الشهر صار يزن علي كثييييييير...وأنا أقول له ياأخي أصلح وغير بزوجتك بدل تتزوج عليها
وموراضي...وقبل فترة كذبت عليه وقلت كلمت وحده تبحث لك عن زوجه مناسبه(هويقول أبي وحده فاتها قطار الزواج أومطلقه أعفها)
وصار كل فترة يسألني ماردت عليك
موكل فترة إلا كل ليلة
وبعد يقول أن زوجته ماتتزين له..وأنا ملاحظه هذا الشئ بتقولون كيف؟! أحيانا أطلع فوق آخذ البنوته
وأحيانا هي تنزل..
طبعا هي الله يهديها مثل ماقلت لكم ماتقدر أحد يعني فيها شوية حماقه..مثلا أحيانا تتكلم علي تحاول تجرحني ولكني أترفع وأنسى وأتخيل أنها أختي بنت امي وأبوي أكيد ماراح أزعل أوأشيل بقلبي عليها ولأنها ام الغاليه ولأجل عين تكرم مدينه..ولأني مثل ماقلت لكم أرى أن الإنسان يجهل ومصيره يتعلم..لذلك أبحث لها عن العذر أمام الجميع أمام أمي وخواتي مثلا"..ونحن طيبون معها لأبعد حد..
وقبل يومين قال أنه يتعشى معها (جايب بيتزا)وأنها اعطت البنت قطعة بيتزا طبعا البنت صغيرة
وقالها لاتعطينها..قالت مالك شغل...قال ترى إذا علقت بحلقها وماتت أنتي المسؤلة
طبعا البنت شارفت على الموت وأخرجوا القطعه من فمها>>>صارت قصه
ورمى القطعة اللي أخرجها من فم بنته على زوجته..قال شفتي بغت تموت بنتك
زوجته زعلت وأخذت قطعة بيتزا كبيرة وصكته فيها خخخخ
قالها أنتي ماتستحين متى تغيرين أسلوبك
وطلع تركها
جلسوا يومين في هذي اليومين شرى لها ذهب كانت هي طالبته
وبنفس الوقت هي ماده البوز ماتكلمه وهومايكلمها(أنا أول مره أشوف اثنين متزاعلين يطلعون يشرون وتعشون مع بعض وهم مايكلمون بعض)
واليوم كان شاري أغراض لثلاجة ودخل البيت الظهر..ونزل الأغراض ونادى عليها ونزل ياخذ بقية الأغراض
لما رجع للمطبخ لقاها معصبه قالت كنت نايمه وخوفتني ماتعرف تصحيني
قال أنا ناديت عليك وأنا في المطبخ والغرفه بعيده كيف خفتي!!
وصارت تجادله وتطول صوتها وتتلفظ عليه..قال لها شوفي ترى أنا ماني راضي عنك
قالت ليش
قال غيري أسلوبك وتسنعي واهتمي في بيتك ونفسك وبنتك وإلا روحي لأهلك يسنعونك
قالت بروح لأهلي
قال أوكي
نزل تحت وأنا في المطبخ أجهز الغدا وعلمني باللي صار..قلت أتقي الله في بنتك..تبي تخرب بيتك عشان سالفه تافهه روووح هدي زوجتك عشان البنت..قال والله قلت لها لاتخربين بيتك بيدك بس هي مصره تروح
...بعدين عصب وصار ماحد يكلمه..وأنا عندي امتحانات الله يهديهم لانمت ولاذاكرت جالسه على نار
كل ماسمعت صوت أقول ياربي لايكون هذي تجهز اغراضها صدق بتروح..
وقلت لأمي أن بينهم زعل وأن زوجة أخوي ممكن تسافر لأهلها..قالت ليش ماقلتي له ياخذ بنته
قلت حراااااااام كيف تحرمون أم من بنتها مهما كان
والمغرب دق على أخوي قال تعال ساعدني نزل الأغراض
ودخل الوالد شافه راكب السيارة قال تعوذوا من الشيطان شنو الموضوع نحله بينكم
وعصب أخوي قال ماأحد يتدخل بيني وبين أهلي وطلع
وأمي أتصلت عليها..قالت ليش طالعه من بيتك الله يهديك لاضربك ولاسبك
قالت تنتظرونه يضربني!!!
وقالت إذا رحت لأهلي ماراح أرجع!!
أنا أنهرت لأني ماااااأقدر أعيش بدون بنته أمرض ياناس إذا راحت عني تخيلوا بزيارتها لأهلها لاآكل ولاأنام زين..إذا وهي موجودة عندنا ماأنام إلا لما أشغل مقاطع فيديو لها أو صورها فما بالكم لوكانت بعيده عني..
وجلست أبكي وأمي تبكي عشان بنته..وأتصلت عليها قلت أرجعي وانا بحاول أصلح بينكم بنقرب وجهات النظر..أنتي شنو تشكين منه وأنا بقوله يعدل من نفسه وأنتي شوفي وش يبي وعدلي من نفسك عشان الطفله اللي بينكم تبغينها تتربى بعيده عن أبوها..ولاحياة لمن تنادي..وأتصلت عليه قلت حرام عليك تبي بنتك تتربي بعيد عنك أوعن أمها..تبي الناس تدعس عليها تبي ينقصها الحنان تبيها تعيش يتيمه وأنت موجود لوأحد غلط عليها أنت وأمها نايمين في العسل كل واحد عايش حياته لوبيوم أنحرفت لاتفتح فمك بكلمه وحده وأنت بعيد عنها ماعاد في قلوبكم رحمه كل واحد فيكم همه نفسه..وجلست أبكي وبكى معي
قال تدرين أنها من أول مامشينا نطقت كلمة بابا(أول مره تنطقها) وطول الطريق ترددها خلاص ياعذرا قلبي بنتي كسرت ظهري..وبعد 5 دقايق أتصل قال احنا راجعين
طبعا لما رجع كان لسه زعلان من زوجته..وهي راحت فوق لبيتها
قال روحي أنصحيها ترى أنا قلت لها معك شهر إذا ماتعدلتي بوديك لبيت أهلك وقالت لي ليش أنا شغالة عندك تعطيني مهله..
قال أنصحيها تجهز أكلي بوقته وأن تهتم أكثر مثلا قهوة وصحن حلا تجهزهم وتحسسني أنها مهتمه وملابسي أول بأول
المهم أخذت قهوة وماإلى ذلك وأستأذنتها وجلست معها أضحك وأسولف بعدين قلت لها الله يسامحك ضيعتي علي اليوم ماذاكرت موضوعكم جدا تافه وقلبتوها زعله كبيره..وجلست تبكي عااااااااد أنا ماأتحمل أشوف الدموع قسم بالله حقدت على أخوي وتضاااايقت وجلست أبكي معها..قلت لها وش اللي مضايقك
كلامها كله تافه نفس اللي يقول إلا نقطه من ضمن الكلام قالت لي هوإذا تزينت ولبست لومثلا بنطلون وهوراجع من الدوام أحسه يعصب ويسألني وش عندك لابسه..وأقوله عااادي..يحسبني أبي شئ وبسرعه يتهرب ويقول أنا تعبان بنام(قصدها العلاقه الحميمه)وحتى في الليل إذا لبست يتهرب يقول بنام وأقول خلاص بنطلع عنك وآخذ بنتي وأطلع من الغرفه..تدرين انه من بعد ماجبت بنتي ماينام معي إلا كل شهرين مره وحده..حتى في السيارة وحنا راجعين يقول أحمدي ربك انا مدلعك وقلت له الدلع موفلوس وأكل وخاف قال وش قصدك يحسبني أقصد النوم وأنا أصلا ماكنت أقصده..ولما سألته بالسيارة وش أعدل من نفسي قال مسحي الأرضيه كل يوم وأواني المطبخ تغسلينها أول بأول وبنتك عامليها زين لاتصارخين عليها تسببين لها عقدة..وهوكم مره يقول بتزوج وأنا موهامني خليه يتزوج أصلا هومايبيني وأنابجلس عشان بنتي وين أروح لبيت أبوي ..أبوي يالله باللي عنده كيف بيتحملني أنا وبنتي..وأنا صحيح غلطت لأني رفعت صوتي عليه اليوم لما صحاني ورديت عليه..بس ندمت وجلست أتهرب منه مابي أروح لأهلي وسويت نفسي بنوم بنتي وهويجي يفتح النور ويسألني يقول جهزتي عفشك
طبعا كل هالكلام وهي تبكي والله تقطع قلبي وقالت لي عن سالفة البيتزا
عاد أنا نصحتها تهتم أكثر بالطبخ واللبس والتنظيف وقلت لها إذا تكلم وصارخ طنشيه إلين يهدا قولي أبشر أن شاءالله..وإذا هدا بأسلوب حلو قولي له والله يابوفلانه حزت بخاطري يوم قلت لي كذا وكذا وبتشوفين بيستحي ويعتذر..قلت لها توددي له وحببيه فيك ويمكن اليوم لما صحاك زعل لأنك نايمه إلى الظهر
(لأن فعلا هوقالي نايمه ولاجهزت شئ) ووعدتها اني أتكلم معه يغير من أسلوبه..بس أنا لاحظت أن النوم هوسبب التعب النفسي اللي هوجالس يعيشه..وهي برضو..صحيح انها من زواجها مقصره بأشياء لكن حسيت أن النوم زاد الطين بله..والله أني أشفقت على حالها لأني عرررفت أنه يبي الزواج ليس لتقصيرها بالطبخ وغيره..و90% أن مشكلته ليست صحيه..وإلا كان مابحث عن غيرها
شوووووورووو علي...مابيه يتزوج عليها..أخاف ياخذ وحده تسئ لزوجته وأبنته..أوأن زوجته وقت الجد تطلب طلاقها ولاتتحمل الضره..ياااااااااارب أصلح حااااالهم..
عمره 26
وهي 23