ما دام أنك عصبية ولسانك منطلق على زوجك ..

أكيد سيكرهك , وسيشعر أن لا احترام له منك ..

وحقيقة مثل هذه الطباع لا يصبر عليها أي رجل ... مهما طال الزمن ..

سوء الأخلاق أكبر عيب وجمالك لا يرقعه

نصيحه عودي نفسك ع السكوت وقت يكون زعلان ويهاوش حتى لو غلطان عليك وانتي معاك الحق لانه انتي عصبيه

وتقدري تتحكمي في نفسك وهوه اتوقع نفس الشئ وتكبر بينكم

وبعد مايهدى لو بعد كم يوم تقدري تناقشيه بهدوء وبدون رفع صوت وبكلمات حلوه وتاخذي حقك منه

ويعتذر لك كمان اذا غلطان عليك

تعودي لما يهاوش ماتستفزيه ولا تتركيه وتروحي عنه اسمعي له وانتي ساكته

وبعدها حضري عشاكم والا غداكم والا هاتي قهوه لو مو وقت اكل والا شاي مع حلويات وكذا

وربي يسخره لك ويسخرك له ويبعد عنكم شر الناس

الله يسعدكم ويوفقكم للخير

أختي إذا عرف السبب بطل العجب..

مازالت الفرصة بين يديك فاستغليها ولا تضيعيها..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

حياتي انا زيك وانا كتبت تقريبا نفس المشكلة ومشاكلنا انا وياك قريبة من بعض
انا زوجي يستفزني بالكلام ولا طلع مني كلام مب زين قام رمى علي يمين الطلاق
المهم حبيبتي اسمعي لاعاد تحتكين فيه مرة اتركيه ولا تغاري ولا شى ان شاء الله تحترقين لا تبيني غيرتك
ادري انه صعب عليك وعلي نطبق الكلام بس ايش الحل ؟
ابعدي عنه ولا تكلميه واحفظي لسانك ولو حاول يستفزك بالكلام بردي راسك وخلك ذكية صدقيني راح يحتار فيك وهو الي يخاف من ردة فعلك وخلك غامضة بتصرفاتك ولا تبكين لانه ماعاد داعي للبكا دامه مايرحمك
اقتليه بالكشخة والعطورات واهتمي في بيتك وزيدي باهتمام نفسك
قولي خيرا او اصمتي دام الجو متكهرب خليه يتراجع وخليه هو يخاف يفقدك هيا انا وياك نبدا هالخطة وان شاء الله انها راح تنجح

__________________

السلام عليكم ورحمته الله وبركاته
أختي السائله أصلح الله شأنك أنت وزوجك وألف الله بين قلوبكم ويجعلكم ربي قرة أعين لبعضكما نصيحتي لك إنك تحاولي تبتعدي عن العصبيه والغيره الزايده فهي سبب خراب ودمار الكثير من البيوت أنظري إلى طفلك هل تستطيعي فراقه وتركه مع والده لونفذ زوجك تهديده بالطلاق وما أدراك إن طلقك زوجك لا قدر الله ستتزوجين بعده بشخص يسعدك والعيب فيك أنت زوجك هاذا صابر ومحتسب وأعطاك أكثر من فرصه لتغير طبعك ولاحظي هنا إن زوجك يحبك ويريدك ولاكن أنت لم تعطيه فرصه وحتى لوسلمت علا رجوله مثل ماتقولي مافيها شئ أنت غلطت عليه بعصبيتك ونرفزتك الزايده إحمدي ربك إنه رجال طيب وخلوق ولوتطلقتي منه ترجعي تتمني ظفره تدرين ليش لأن بعض الرجال مايصبر ويحتمل الحرمه النكديه وراعيت المشاكل وتوصل بينهم لضرب زوجته وإهانتها ويذلها ويبهذلها ومايطلقها تدرين ليش علشان يحرق قلبها ويتزوج عليها بس زوجك رجال طيب
وإن بغيتي نصيحة أخت زوجك وإبنك وبيتك حافظي عليه وعضي عليهم بالنواجذ وتعوذي من الشيطان ولا تتركين له مدخل علا أسرتك وإستقرارك زوجك له حق عليك واجب إحترامه وحبه وتقديره وأتركي الشكوك الشك يولد الغيره وزوجك ماقال لك الكلام إلا إنه طفح كيله من عصبيتك وغيرتك يبغاك تحسي فيه وتغيري أسلوبك وتعاملك معاه شوفي الراحه النفسيه لزوج من أهم إحتياجاته هاذا زوجك الحين لوقدر الله وصار معه شئ وراح منك وهوزعلان وحاط في خاطره عليك هل ستظلين راضيه عن نفسك تخيلي الحين لوقدر الله عليه بشئ تخيلي وأنت تقرأئ ردي هاذا الحين هاذا الموقف ويش بيكون شعورك بعد زوجك لا قدر الله الله يحفظ لك زوجك وأبو ولدك ولايوريك فيه مكروه أنت إنسانه متعلمه وفاهمه فكري بعقلك قبل ماتقولي أي كلام لزوجك تعرفي إنه يظايقه ويزعله الرجل قلبه مثل الطفل فحاولي تكونين أم لذلك القلب لتغذيه بحبك وحنانك وإحترامك له الحين أنتي سوي نفسك مريضه وتعبانه وشوفي وشلون يحن عليك ويعطف لأنك زوجته أم ولده وتلقينه خايف عليك تذكري مواقفكم وذكرياتكم الحلوه مع بعض ولاتجعلي الجانب المظلم يطغي علاالجانب المشرق من حياتكم الزوجيه وإقرأئ الأذكار صباح ومساء والصلاة علا وقتهاوالنوافل وقيام اليل حتى لو بركعتين كل ليله وإنطرحي بين يدي الجبار وأسأليه بقلب مخلص ودمعه خاشعه في جوف اليل وإدعيه وأنت ساجده باكيه بأن يسهل أمرك مع زوجك ويصرف الغيره عن قلبك ويحسن عشرتك مع زوجك ويصلح شأنكما إنه الله
وحده القادر علا ذلك وعليك بلإستغفار فإن له فوائد عظيمه في حياتنا أختي أنت زوجه شجاعه أعتبرك لأنك قلت إن الخطا خطئك أنت ونادرا ماتجدي إمرأه تقر بأخطائها الزوجيه وهنا ليس العيب أن نخطئ ولاكن العيب أن نستمر بالخطأ خصوصا إن الوضع حساس وهناك يوجد ضحيه بينكم وهوطفلك الذي بحاجة حنان ورعاية والديه فكري بكل كلمه قلتها لك وأعيديهاأكثر من مره ولاتطنشي زوجك وتتركيه ما أحد بينفعك غيره أنت مهتمه بلأشياء الخارجيه من أكل ولبس وشياكه ونظافه بس ينقصك إنك تريحي زوجك بلكلمه الطيبه وغيرتك هاذي إللي بتذبحك هيه من زود حبك له لأن الحب يولدالغيره فحاولي تقللي منها ولوشفت نفسك ماقدرتي تسيطري علا غيرتك زوجيه وحده ثانيه
وغيرتك رايحه تختفي وتموت للأبد
ههههههههههههههه
امزاااح معك لاتصدقي وتزعلي عليه والله العظيم إن ماودي أشوف ولامشكله بين الأزواج بهاذا المنتدى إلا وهيه محلوله أختي أسأل الله أن يسعدك بزوجك ويسعده بك ويصلح اموركم ويسرها لكم .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

عيشي حياتك وأترك النكد والمشاكل يارعـــــــــــــاك الله والله يصلح بينكم

الاخت الكريمة ،،

لا اعتقد ان زوجك لا يريدك او لا يحبك ، كل ما قاله كان بسبب الغضب الشديد من افعالك و تكررها المستمر !

انتي حليت نصف المشكلة باعترافك بانك عصبية و شديدة الغيرة و سليطة اللسان ،
النصف الآخر من الحل هو ان تكوني حليمة هادئة متحكمة بغيرتك متوازنة في كلامك ،،،
ايضا انصحك بالاكثار من الاستغفار و ذكر الله حتى يبعد عنك الشياطين و الوساوس ، و اذا ما انتابتكي حالة غضب توضأي و صلي ركعتين ، و كرريها دائما حتى تقضي على العصبية تماما ،،

وفقكما الله و ابعد عنكما الزعل و المشاكل

الله يعطيكم العافيه انا تغيرت من جد وصرت ساكته مااتكلم الا الشي المهم والوضع مستقر حاليا الحمدلله الله يعطيكم العافيه وانا سويت نفس الي قلتيه ياصابره بدنيتي الله يكون في عوننا

ان الله لا يغيّر ما بقوم حتى يغيّروا من انفسهم ..

المشكله فيك يا اختي .. اربع سنوات وانت مو عارفه كيف تتعلمي من اغلاطك و كيف تتعاملي مع زوجك ..

الزوج يبغى انثى في البيت مو وحده نكديه و لسانها طويل و راعية مشاكل ..

حتى لو كنتي ملكة جمال اكيد راح يطفش منك ..

اختي حاولي تجلسي مع نفسك و تشوفي وين اغلاطك ..

اقرأي كتب في تطوير الذات و التصرف اللي يجلب لك مشكله حطى تحتة مليون خط احمر عشان ما ترجعي تكرري نفس الغلط ..

لا تطفشي زوجك اذا ما طلقك قد يتزوج عليك و يحرق قلبك و ذيك الساعه ما احد يقدر يلومه لانه عطاك فرصه طويله عشان تصلحي من اخلاقك ..