ضروريه المكالمات لكن يشترط ان تكون مفيده مثلا يتحدثون عن مستقبلهم و كيف يخططون حياتهم

يتفاهمون كل واحد وش يبغى من الثاني ..

يتكلمون عن طبائعهم و رغباتهم و هواياتهم و الاشياء المشتركه بينهم ..

اما ان تكون طووول فترة المكالمات عن الحب و الغزل و بعد الزواج ينصدمون من بعضهم و ان فكرهم

و تفكيرهم و افكارهم تختلف عن بعض فهنا اقول انهم لم يستفيدوا من المكالمات ..

السلام عليكم ورحمة الله وبركاته

فترة الخطوبه حلو انه الوحده تكلم خطيبها فيها
بس ترا دا الشي راجع على شخصية العريس كمان
لانه في ناس يسووا مشاكل من بدري
فاإذا الوحده كلمته وماارتاحت او شافت انه له معتقدات او اشياء غريبه في تفكيرو
فهدي فرصه ومنها تكون عرفته قبل ماتملك وتدبس
بس في شخصيات لو كلمتيه حيحبك مووووت ويتعلق فيكي وهدا الشي الي حيخلي العلاقه تنجح بعد توفيق الله انه في قبول من الطرفين
وترا انا مخطوووووبه واحب خطيبي واكلمه ههههههههههه سر لاتقولوا لاحد بس اهلي ترا يعرفوا

أكيد لازم تكلميه ويكلمك .. هذا شرع ربك وهذا حقك ..

وحده سألت الشيخ الفاضل صالح الفوزان عن المكالمة في فترة الخطبة وقال انها مهمة لكن الأفضل أنك تكلمينه وانتي حول أهلك .. أو اذا أهلك ماكانوا حولك ينبغي انكم ماتعطوا نفسكم فرصة للكلام في أمور بعيدة عن مقصد الزواج .. هذا ماقاله تقريبا ,,

كلميه ثم كلميه ثم تزوجيه

سلام الله عليكم اختي مش المكالمات في الهاتف الي تسبب انفصال بلعكس فانتي مخطوبة يعني مقبلة على ازواج:14:الف مبروك يا اختي الله يسعدك وهنيكي
لازم تتكلمو فحياتكم تعرفي بعض اكثر .......الخ بس لازم اكون هناك احترام
اختي نصيحة مني عيشي ها لحضة الي انتي فيها لانها عن جد ما رح تنسيها

اررررررررفض وبقوووووووووووه والسبب اقولكم عليه

انا جرربت بعد ما تملكت كلمني زوجي ووووربي كل كلامه خراااااابيط ووعوووود وفي النهايه ما طبق ولاشي الي وعدني به
الرجااااال بعضهم نصاابين واذا كلمونا بس عشان نساعدهم في ليلة دخلتهم ...
ووربي يكلمني زوجي من كلام رومانسي ويوم تزوجت باااااااااااااااااااااااااح ..

أولا .. الطلاق اللي راح يحصل في المكالمات الهاتفية راح يحصل بعد الزواج لو ما كان فيه مكالمات .. يعني السالفة هي هي والله يكفينا وإياكم الشر

ثانيا .. من خلال تجربة وخبرة .. من الضروري جدا جدا التوسع في المكالمات والتعرف قبل الزواج بشكل أوسع خصوصا إذا كان يتبع الزواج مباشرة سفر للخارج أو للداخل .. تخيلوا أدخل على زوجتي وأنا ما أعرف منها إلا اسمها وعمرها (بروفايل على غفلة ههههه)

ثالثا .. أؤيد أيضا وبقوة الزيارات خلال فترة الملكة .. وبأخذ كلا الأمرين مع بعضهما ستتكسر الكثير من الحواجز قبل يوم الزواج وهذا هو المطلوب حتى لا ينقلب يوم الزواج إلى يوم خوف وبكاء ورهبة وحتى يعرف الزوجين بعضهما جيدا قبل البدء بحياتهما الزوجية

نقطة أخيرة .. بعض الناس يقول : بالطريقة هذي راح نحرق ليلة الزواج ولا راح يكون لها طعم !

ودي أفهم .. وش معنى الكلام هذا ؟ ووش الشي اللي راح ينحرق الله يكفينا الشر ؟ ووشو الطعم اللي راح نفتقده في ليلة الزواج في الحالة هذي ؟

ليلة الزواج أهم ليلة يجب أن يكون في الزوجان في حالة نفسية مستقرة خصوصا الزوجة.. حتى تتحقق متعة ليلة الزواج وحتى تكون بالفعل ليلة لا تنسى وحتى تكون خير بداية

الخلاصة .. المكالمات مطلوبة وبالقدر المطلوب .. إذا كانت فترة الملكة طويلة جدا فمن غير المناسب كون المكالمات يومية .. لكن إن كانت فترة الملكة شهرين أو ثلاثة فأؤيد وبقوة المكالمات اليومية أو شبه اليومية وتكون فيها السواليف مفتوحة للآخر .. سواء عن المستقبل أو أحدايث تكشف فيها شخصية كل من الطرفين للآخر أو حتى أحدايث رومانسية .. ايش المانع ؟ ايش الضرر منها إذا كانت المشاعر مهذبة وصادقة وغير مصطنعة ؟

لا تحرموا أنفسكم متعة أباحها الله لكم .. بل ربما يؤجر الشخص عليها كما ورد في الحديث (أرأيتم لو وضعها في حرام أكانت عليه وزر؟ فكذلك إن وضعها في الحلال فله بها أجر) أو كما قال صلى الله عليه وسلم

كلام سليم و ليلة الزواج زي ما قلت اهم ليلة ما في اي شي ممكن يحرقها او يضيع طعمها

بصراحه انا اؤؤيد المكالمات قبل الزواج عشان نفسية البنت ترتاح وتعرف منو الشخص اللي بتعيش معه بس كل شي وله حدود