لا أريد أن أتذكر؟



مساء الخير والسرور كيفكم جميعا ان شاء الله بأتم الصحة والعافية طبعا دايم يمر على الانسان مواقف تكدر صفو حياته وأحيانا يحزن الشخص لفترة وجيزة وبعدين ينسى ولايحب أن يتذكر ماأحزنه لكن أنا هنا أبطرح لكم ماحصل لي قبل فترة تقدم لخطبتي شاب وسألنا عنه وأعجب أهلي وارتاحو و أنا دققت بأشيا كثيرة يعني أخذت ممن يعرفونه تفاصيل دقيقة عن شخصيته لان انا راسمه حاجات في زوج المستقبل وتطمنت ومشت الامور وجاء اليوم لكي يأتي لرؤيتي وكنت مو مرتاحه مادري ليه المهم ودخلت وكان معاي عصير اللي لايعيده من عصير وجلست وتفااااااجئت وبكل جرئة غير الرجل أو بالأصح الخاطب جلسته ومال بالكنب فأصبح وجهه بوجهي وجلس يننننااااظر فيني جاء سألني ورديت بخجل ثم سألني ثم سألني وكان كأنه ينعم صوته ويكلمني بدلع أنا انهبلت تفاجئت بشخصيته كانت أمنيتي بشخص ثقيل وليس جرئ المهم كان يضحك بكثرة أنا شانت نفسي وحسيته واحد من عيال خواتي الصغار وبديت اناظره وأرد بكل جرئه أنا استغربت من نفسي علما انه أول مره اطلع يشوفني واشوف خاطب على تعدد خطابي والحين صار عندي ردت فعل من الرجال وأحس مستحيل أطلع لرجل يشوفني من جد انصدمت وبوقته كنت أناظر أخوي اللي جالس معنا تمنيته يكفخه وأخوي كان مستحي طبعا وكنسلنا الموضوع لكن المشكلة هنا تكمن كيف أبطلع مرة ثانية لرجل يشوفني من جد صار عندي ردة فعل من الرجال علما اني مقتنعة ان اللي صارلي خيرة بس غصب عني كل ماتذكرت ذاك الرجل تخنقني العبرة لاني كنت متفائله فيه على العموم أنا أبغى رايكم باللي صار وهل أنا رقيقه اني بقوة تاثرت لان اهلي يقولون لي كذ أو لا؟