ههههههههه طريقتك تموت من الضحك

بالنسبه لأول موضوع

هو كل شئ لازم رأيهم

يعني تخيلي مره جابلي عطر

وكنت مره عند اخته في بيتها شفت نفس العطر عندها زيه

بصراحه اضايقت كان نفسي يكون ذوق منه بحت ويحب يشمه فيا

والباقي ذهب او ملابس اوي اي شئ طبعا هما الي بيشتروه كمان غاليا ما بينزل معهم


ثاني موضوع

نفس رده عليا قالي يعني حلبس شورت مثلا بدله العريس شكلها ثابت

بس انا بحس انها مختلفه عن اي بدله عشان كده ما احب اشوفه لابسها الا بهذا اليوم


بالنسبه لرومانسيه مشغوله جدااااااااااااااااا مع اطفالها ادعيلها


واحتمال ما تقدر تيجي الفرح لانها حاليا بالسعوديه

__________________

اولا الف مبروك يا عروسة

الرجالة ما يفهمويش في لانجري او ملابس اللى تخص المرأة يا حببتي

بعدان ما يعرفيش المقاسات اعذريه يدخل محل الحاجات دى يتحرج اوووى

خليها بعد الجواز احسن مثل ما قالت الاخت ام داليا لما يشوفك بيهم ان شاء الله

هيجبلك منهم في مناسبتكم الحلوة والليالى الرومانسية ما تقلقيش كله ادام بأذن الله


بالنسبة لبدالة الفرح عندك حق يا جميل انتي حافظة شكل البدالة المعروفة الاسموكنج

بس لما تشوفي بيها يوم فرحك هتلاقي احساس تانى خالص وهتبقي فضولية ع الاخر يوم الفرح لاخر لحظة عشان تشوفيه ياخدك في دراعه
وتقوليله مبروك يا عريس

الف مبروك يا حببتي وربنا يتمم على خير ويبارلكم في حياتكم بإذن الله

بس اوعى تقاطعينا بعد الزواج زي ما أختفت المصرية

__________________
يارب لقد ضعفت ولا غيرك يقويني...لقد يئست ولم أفقد فيك يقيني ... لقد ضللت ولا سواك يهديني ... لقد غرقت وأنت وحدك منجيني ... يارب ارحمني في لحظة ضعفي وابعد عني شيطاني ونفسي واهدي لي قلبي وعقلي واغفر لي خطيئتي ويأسي

لا طبعا دنا مقدرش استغنى عنكم دنا قولتله النت يدخل البيت قبلي

ربنا يكرمك يا قمر

__________________

اهلا حبيبتي زوجة احمد ويارب يتمملك زواجك على خير
بالنسبة للموضوع الاول رايي انك تطنشي وعملي نفسك فرحانة جدا بالهدية ولاتحسسيه ان تعرفي انه احد غيره جابها هو اكيد ماقصده شي لما يبعث والدته او اخته يشتروها لانه الرجال ماعدهم خبرة بهه الامور وانا كمان خطيبي ساعات مو هو اللي يشتري الهدية ويقلي انه مااشتراها بنفسه خصوصا الامور اللي مايعرف بيها فاقله اني فرحانه بيها وكفاية شعوره بس

اما موضوع فستان الزفاف فانا رايي من رايك يعني احب اتركها مفاجاة ليوم العرس
وان شاء الله تتهني

__________________

اشكرك حبيبتي الله يتمملك بخير ان شاء الله

__________________

زوجة أحمد

امممم هو طبعاً الي خطيبك بيعملو مش غلط ومبرر كتير من الرجاله بيعمولو الحركه دي طبعاً بحجة زي مانتي قولتي انهم مش بيفهمو باحجات البنات

انا برأي ماتسبيش حاجه في نفسك خصوصاً انو علاقتك مع أحمد بسم الله ماشاء الله جميله اوي ربنا يخليكو لبعض ( قريت كم موضوع ليكي لما كنت بدخل المنتدى قبل ماسجل فيه) كنت بتلصص بالأصح هههههههههه

خلاص هزرنا كفايه
احنا حنقضي السنه كلها هزار ولا ايه

خلينا نرجع للموضوع

بصي طبعاً انتي مش محتاجه حد يوصيكي تعاملي احمد ازاي اهم حاجه انك تقولي الي بنفسك حتى الحاجات الصغيره والبسيطه لو قدرتي تخلي الحوار مستمر على كل حاجه وخصوصاً الحجات الصغيره لانها لما تكتر بتخلي الواحد ينفجر فجأة وعلى حجات مش مستاهله طبعاَ الحمدلله انتي خلاص مش باقي من جوزكم حاجه خلاص قربتو ربنا يتمملكم على خير يارب ويجمعكم تحت سقف بيت واحد مليان بالحب والاحترام ... خدي بالك ان الجواز غير الخطوبه مهما كنتي بتحبي احمد وفهماه وحافظاه بس العشره والمسؤليه حتخليكي تحسي بشوية اختلاف.. متخفيش مش كتير لو انتو اساسكم صح وقدرتو انكم تحلو كل حاجه اول بأول بإذن الله حتكونو اسعد زوجين


انا بطلع بره الموضوع كتير خلينا نرجع تاني للموضوع

فاتحيه بكل بساطه قوليلو..

( .. احمد.. انا عايزه اكلمك بحاجه هيا ممكن تبقى مش مهم بس بتأثر فيا شويه وانا مش عايزا اسيب اي حاجه مهما كانت صغيره او مش مهمه جويا نحيتك
بص ياسيدي انا عرفه طبعاً ومقدره انك بتحب تجبلي هدايا تفرحني وتناسبني ولأنك مش بتعرف تختار هدايا البنات بتوصي مامتك ولا أختك انهم يجبولي الهديه وزي ماقلتلك انا مقدره انت بتتصرف بالطريقه دي ليه
بس الي انت مش عارفو انو انا اكتر حاجه بتفرحني بالهديا انها تبقى منك مش مهم تبقى ايه المهم انها تبقى منك تبقى انت الي نزلت وفكرت وشتريتها عايزا الهديه تبقى بزوقك الخاص طبعاً مامتك واختك زوقهم يجنن .. بس انا فرحتي بالهديه بتبقى نقصه لأني ببقى عارفه انو مش انتى الي جبتها .. فاهمني ...)

بس ياستي وسكتي انتي بعدها وسبيه هو يتكلم .. وإن شاءالله الهديه الجايه تبقى بزوق أحمد



لأ .. لحد بدلة الفرح وستوب انا لايمكن اوافق انو خطيبي يشوف بدلة الفرح قبل يوم الفرح

عادي حبيبي قوليو انا عايزه تبقى مفجأة ... انا بحب قوي اننا نزل نجيب كل حاجه مع بعض بس معلش المرادي بس خليني اجيبها لوحدي .. كل بنت بتحب تفاجأ جوزها بنفسها يوم الفرح عشان خاطري ماتزعلش مني بس انا طووول عمري بحلم بالحظة دي خليني اعيشها زي ماتخيلتها


بس ياستي وإن شاءالله تلاقي حاجه تناسبك في الرغي الي انا قولتو

انا اسفه بجد اني طولت في الكتابه بس كنت حابه اني اديلك تفاصيل


ربنا يتمملك على خير .. ونفرح بيكم قريب

__________________
اللهم ان كان خيراً فجعله من نصيبي .. وإن كان شراً فجعل فيه الخير وأجعله من نصيبي

بجد بجد بجد انتي عسل واسلوبك روووووووعه حاسه اني اعرفك من زماااااااااان

ربنا يكرمك يا حبيبتي بجد مكنتش عاوزه كلامك ونصايحك تخلص

ربنا يخليكي يا حبيبه قلبي نورتي الموضوع بجد

__________________

والله انتي الي عسل

وعلاقتك انتي وأحمد بتفتح النفس للحياة ( ربنا يحميكم ويحفظكم من العين ) مش مهم انو احياناً بيبقى في مشاكل صغيره ولا سوء تفاهم المهم انكم في الاخر بتقدرو تحلوها لأنكم بتحبو بعض بجد ... كل مالقيتي نفسك مدايقه شوي منو افتكري عالطول انو انتو شخصين والواحد بيفهم نفسو احيانا غلط.. وبيدايق من نفسو احياناً فمابلك لما بيكون بيتعامل مع طرف تاني .. متكبريش اي حاجه بتحصل بينكم اتعملي مع كل حاجه بحجمها ولو قدرتي كمان تتعاملي معها على انها اصغر من حجمها يبقى احسن واحسن .. <<<< محسوبتك عامله فيها ام العروسة :14: هههههههههه
اممممم انا نسيت كنت عايز اوصلك ايه من المقدمه الي انا قلتها


اهاااا افتكرت كلو ماتختلفو
( ربنا مايجيب خلاف ولازعل .. بس ده حيحصل طبيعي بعد الجواز على حاجات ممكن تكون تافهه)

المهم ياقمر كل ماتختلفو اعرفي ان الاختلاف بيقربكم لبعض اكتر مش بيبعدكم


يعني مش عايزا اشوفك في المنتدى بعد الجواز بتقولي احمد اتغير عليا .. أحمد مابقاش بيحبني ماااااشي

بس ياستي اسيبك دلوقتي لردود الناس التانيه

معلش ياستي محسوبتك رغااايه شويه

__________________
اللهم ان كان خيراً فجعله من نصيبي .. وإن كان شراً فجعل فيه الخير وأجعله من نصيبي

ربنا يخليكي يا حبيبتي

خلاص نصايحك ححطها حلقه في وداني ماشاء الله شكلك خبره

ياريت تتدخلي دايما في مواضيعي وتفيديني بنصايحك

نورتي الموضوع والمنتدى كله يا قمر

__________________

رايى رايى رايى يعنى بجد

موضوعك الاول مهم جدا

هتبقى عاده واهله هيعرفوا كل حاجه بيجيبها لك هديه ..........وده مش ظريف
ثم لازم يتعلم
يعنى لو رحتوا بمكان ما فيه امه ولا اخته بيقول للسكرتيره ولا يبطل يشترى!!!!!!!!!!!!!!!!!!!

هاتيها له بذوق
حبيبى انا عارفه انك تحبنى وتجيب لى هدايا بس حاسه ان ده مش ذوقك يعنى انت شاب وشيك وعصرى والهدايا غريبه شويه ..........انا عارفه ان مالك خبره .........
انا نفسى تجيب لى حاجات على ذوقنا سوا او حاجات انا نفسى فيها .......
بص كل ما هنخرج هتلاقى انى بعلق على حاجات معينه فى المحلات ركز فيها شويه وانت اكيد ذكى جدا هتعرف منها ذوقى شكله ايه.......
مش انت تحب اهاديك باللى تتمناه
انا كمان كده

اجمل حاجه فى الدنيا دى ان الزوج ينزل ويجيب لحبيبته هديه هى شافتها فى محل وعلقت عليها ويعمل نفسه عادى ولا مهتم ظاهريا بس يفاجئها بانه كان واخد باله وجابها لها فى اى مناسبه والله يا حبيبى قمة الرومانسيه

بالنسبه لبدله الفرح ههههههههه
ارحمى روحك بدل ما يعملها لك مفاجئه ويجى الفرح ببدله صيفى

__________________