كيف اقنع امي وابوي
بقلوكم سالفه اليوم
وانا جالسه جت عندي امي وقالتلي جاك خطيب اووول ماقالت خطيب قلت وووواخير انخطبت بس هااااه لااحد يدري اني انخطبت لان تعرفي ناس خربو علي وانا مابي اخسر هذا في هالحظه تذكرت موضوع اخونا عزوبي بس رجل عن النضره الشرعيه قلت شوفي يمه اهله ايشوفني قبل ويسئلوني في اي حاجه يبغى يعرفها بعد مايعلمونه عن مواصفاتي وشكلي وحب هلمواصفات يدفع قبل لايشوفني موعلشان الفلوس لا اذا كان جاد فعلا وحب موصفاتي راح يدفع وهو مقتع فيني يعني مايبقى الا الارتياح
امي صارت تضحك هعهعهععهعهعههعهعهعهعههههههههه>> ضحكتها كذا 
قلت يمه وش بلاتس انا عبالي انه علشان كلامي لمن قلت يدفع
تدرون وش قالت 
لاااااااايا (اسمي) انا مغير قلته لك جاك خطيب بس مزحه وبعدين على طول اكمل كلامي بس انتي الله ايهداك قاطعتيني وصرتي تتكلميي وتتشرطين ,,,انا هنا مادري ابكي والا اضحك لكن مسكت نفسي وقلت طيب وش غرضك لمن قلتيلي جاك خطيب تبين تقهريني يعني!!!
قالت لااااااا وانا امك ماقصدي انتي بعدك صغيره المهم مابي اكثر كلام وراي شغل في واحد من جماعنتا ,, طق قلبي قلت ايوه قالت ماشاء الله عليه الكل يمدح اخلاقه وانسان يصلي ويخاف ربه ايقولون ماعمره ترك المسجد وبار بااهله ولاااا مايدخن بعد وش رايك نخطبه لك تخيلو ام تبي تخطب لبنتهااا انا قلت يمممممممه من جدك انتي تبغين تخطبيلي وش راح ايقولون الناس عني هو وش راح ايقول اهله بيقولون جتنا خطيبيه تبي تخطب ولدنا يمممه اصحححي وصرت اتكلم كلام كثير واهاوش
امي زعلت علي قالت مدري انتي بكيفك خلك كذا لاتتزوجين قاطعتها قلت يمه اعنس ولا اخطب لنفسي الله يهداك وش هالتفكير من الي قالك هالمره قالت ابوك اووول ماقالت ابوك سكت مادري وش اقووول تمنيت انها ماقلت لي ان الفكره من ابوي لان امي معروفه دائما تجيها افكار زي كذا يعني تعودت عليها لكن ابووووي يعني اكيد بيسويها ويكلمهم لان ابوي معروووف اذا قال شي خلاص لازم ايسويه مهما كان قلت يمه انا ماابغى انخطب بهالطريقه ابي الناس ايدقون باب بينتا مو احنا اندق بابهم قالت والله يابنتي الراي رايك وانتي ادرى بمصلحتك ولاتفوتين هذا الرجال قبل يطير بين ايدينا ويتزوج ترى الكل يمدحه راحت اتكمل شغلها وخلتني صرت افكر في كلامها واحاول اقنع نفسيي انا سبق وكتبت موضوع عن اني ابي ولد خالي امي اتكلم ابوه عني بس تلميح وكل البنات الي ردو علي قالولي انتي توك صغيره ولاترخصين نفسك و و و و و
انا مابغى اهلي يكلمونهم عني وخصوصا انهم مايقربون لنا يعني صعب انهم ايكلمونهم
انتم وش رايكم انا مرات اقول بس علشان امي ابوي ماأبي أكسحهم
ومرات اقول لاااااا وش ارح ايقولون عني
أحترت
وش رايكم اقنع ابوي اني مابيه ايكلمهم والا اخليه على راحته ايسوي الي يبغاه ؟؟
والله مادري كيف اقول لابوي قولولي شسوي معاه شقول من غير ماياخذ بخاطره شي مني لان انا ماتجراء على ابوي كثيير
__________________
اللهم اجعلني نورا بين عيني خطيبي..
اللهم ارزقني حبه وارزقه حبي وارزقنا حب وجهك الكريم
التعديل الأخير تم بواسطة وردة بين الثلوج ; 12-10-2009 الساعة 06:22 AM
11-10-2009, 02:35 PM
ضوابط المشاركة
العرض الشجري