بقية قصتي
المهم والدي دخل وراه لقاه يجمع ملابسه فاخذهم منه وقاله يابني سيبك من شغل الاطفال هذي كيف تلم ملابسك عيب احنا في غربة مهما كان حتى لو طلقت بنتي احنا اهل في الغربة انتظر خلنا نشوف ايش صار انا مش زي والدك
قاله لا انا مالي غير اب واحد بس
المهم ترك البيت وراح جلس في فندق وكل يوم ابوي يتصل عليه عشان يجلس معاه ويشوفه حل يتهرب منه مرة مايرد عليه مرة قلة تربية طبعا
المهم انا ساعتها صارلي حالة ذهول
المهم ماعرفت احد من اهله لاني اعرف رد فعلهم ابوه قبلها باسبوعين مطلق امه واخوه مطلق زوجته قبلها بشهر الموضوع عندهم عادي جدا
لقيت حماتي متصلة علي تقولي ليه ماعلمتيني قلتلها اعتبرتها لحظة شيطان والله يهديه
لقيتها تضحك باستهزاء وتقولي صحيح بغيت اسالك هو صحيح طلقك امام ابوك وجالسة تضحك يعني ان ابنها متهور
وقالتلي عادي عادي لحظة عصبية انا كدا وسلفتك كدا عموما عادي بيروح عند الشيخ ويردك وخلصت
انا ساعتها كلمتها خلتني بركان غضب
وبرضك والدك غلطان ليه يقول لابني سيبك من تصرفات الاطفال عيب على ابوكي انا ابني رجل مو طفل صغير لازم تكلمي ابوك انه عيب عليه كدا
لها الدرجة شرع الله والطلاق عندكم سهل كدا؟؟
لها الدرجة يا حماتي ماعندك اي تقدير لما فعله ابنك واساءته لي ولابي؟؟
ابنك بس طلقني لاني اغلقت الهاتف في وجهه
كل المشكلة كيف اتجرات واغلقت الهاتف في وجهه بعد ماجلس يشتمني انا وابوي باقذر الالفاظ عاااااااااااااااااااادي جدا
تقولي ايه المشكلة لحظة عصبية عادي
ابنها من حقه يشتم لحظة عصبية اما والدي مافي من حقه اي لحظة عصبية وانا مافي من حقي اي لحظة عصبية
لحظة العصبية محتكرة لهم هم فقط اما احنا لا؟؟
شفتو الجبروت ياناس
وجدتني بكل عفوية اقول لها عموما
انا ماراح ارجع لابنك غير لما يحجز اول طيارة يلاقيها وييجي هنا يراضيني
قالتلي خير ان شاء الله
قلتلها والله لما حماي طلقك زوجي حجز اول طيارة ونزل
ولما سلفي طلق زوجته زوجي حجز اول طيارة ونزل وانا ماني اقل منها اذا هي زوجة اخوه انا زوجته
وصارت تصرخ وتقولي اخرسي ايش هالكلام
عموما انا ماحبيت اقولك انه منبه انو ولا انتي ولا اهلك احد
يتصل عليه لانه حلف انه راح يسوي فيكم اشياء مش كويسة وبصراحة هو مايريد يسمع صوتكم بعد مانتي قفلتي السماعة بوجهه عيب عليكي هذا رجل
قلتلها الرجل يسب والدي انتي تقبلي اني اسب حمايا
قالتلي انتي مجنونة ؟؟؟
لما زوجك يسب ابوكي طبعا غلطان لكن هما رجال مع بعض اما انتي امراة كيف بتحطي راسك براس حماكي
عشنا وشفنا المراة تضع راسها براس الرجال
قلتلها الاحترام ماله علاقة برجل او امراة انا حتى لما ابنك هان ابي ماهنتكم لانه ابوي رباني عيب اهين الي اكبر مني او احد ماله ذنب
المهم نهينا المكالمة
بعدها اتصل اخو زوجي سالني عن الي صار قلتله مافي شيء اخوك طلقني لاني سكرت السماعة بوجهه قالي طبعا انتي غلطانة
قلتله وهو لما يسب ابي مش غلطان قالي مهما كان هو رجل اما انتي امراة
قلتله على فكرة اخوك قفل السماعة بوجهي بدون مبالغة مئات المرات
قالي انتي ماتفهمين اقولك انتي حرمة لكن اخوي له كرامته قلتله وانا كرامتي انا وابوي ماراح استهين فيها
قالي طيب انا عندي حل
قلتله اتفضل
قالي روحي عند اهلي (وانا مطلقة شفتو الاستهانة لاي درجة)
واجلسي ابكي وقوليلهم انا غلطانة وماراح اسوس كذا مرة ثانية واهم شيء والدي ابغاكي تراضيه عالي سويتيه في ابنه لانك قفلتي السماعة في وجهه_الي هو زوجي)
وبعدين احنا راح نتصل فيه ونقوله زوجتك جت وصارت تبكي واعترفت بخطاها خلاص رجعها عشان اولادك وساعتها بيردك ويخلص الموضوع؟؟؟؟
ياناااااااااااااااااااااااااااس ياعااااااااااااااااااااالم انا مجنوووووووونة ولا الناس هاذول هما الي مجانييييين؟؟؟
احس المراة عندهم هوى او كاننا بعصر المماليك
قلتله هذا رايك؟؟
قالي نعم قلتله مرفوووووووووووووووووووض مرفوووووووووووووووض مرفوووووووووووووض مع كامل احترامي لك
قالي كمان انتم غلطانين انتي ووالدك مافي احد فيكم فكر يتصل على والدي ويكبره ويحكيله الموضوع
قلتله طيب ليش ابوك ماتصل يراضينا على تصرفات ابنه؟؟
انا والدي له ثلاثة ايام جالس يركض ورى اخوك ويتصل عليه واخوك جالس يتهرب منه ليه ابوي كل همه انه ماينخرب البيت
كل همه الطفلين الي بيني وبين اخوك وابوك كل همه انه احنا الي نتصل عليه عشان يحس انه هو الكبير
قالي بلهجة استنكار كاني قلت كلام عيب؟؟
نعمممممممممممم
ابوي هو الي يتصل عليكم
انا والدي ياماما مايتصل على احد
طبعا مرارتي انفقعت
قلتله خلاص واحنا ماراح نتصل قالي بس خليكي متذكرة اني مديت ايدي لكي بالحل وانتي رديتيني ورفضتي ابوي يدخل قلتله بالعكس والدي ووالدك هما الكبار الي لنا خليه يتدخل
قالي
لااااااااااااااااااااااااا
اتصلي انتي او ابوكي عليه قلتله الي يبحث عن الخير مايدور احد يعزمه
وانهينا المكالمة
لي عودة بعد سماع ارائكم

اختي 000الله يفرج همك000العائله كلها سئيه 0طلاق ,وضرب ,وشتم وسب,(اذا كان رب البيت على الدف ضاربا فشيمة اهل الدار الرقص)زوجك رسم حياة امه وابوه ومع الاسف قاعد يطبقهاعليك ويتقمص شخصية ابوه ويبغاك مثل امه تنهانين وتسكتين وشعارهم (لاتحطين راسك براسي انا الرجل وانتي امراءه)لحد كذا وحوطي خط احمر لزوجك مايتجاوزه ولا بتصير حياتك مثل امه سيبي امه وابوه واخوه 0وفكري في انك تفرصين اذنه فرصه قويه ماينساها بهجره والمكوث في بيت اهلك مده طويله ولاتسالين عنه لحد مايتعدل 0ان انصلح كان بها مانصلح مانتحسفين على زوج بذئ حتى على والدك مايحشمه 0والدك لايقعد يطارده عشان مايشوف انكم متلهفين عليه وبكذاراح يتمادى0الله يغير حالك من حال الى افضل0

اول شي تعوذي من ابليس
و كتبي اللي بقلبك واستفيدي من خبره المتزوجين واللي صادفتهم مشكلتك يفيدونك اكثر مني لان المثل ينطبق علي باب النجار مخلع

ابي منك ما تتخذين قرار الحين مبين عليك تعبانه فاستخيري وارتاحي اول بعدين ابحثي عن الحل السليم بس لا تطولين

انتي عارفه طبع زوجك وتفكيره ومزاجه ولا تتوقعين انك راح تغيرينه لكن حاولي انك ما تستفزينه خاصه انك عاشرتيه سنين وعرفتي ما يحب وما يكره فعندك حل الصبر عليه واحتساب الاجر عشان عيالكم هالصغار الي مالهم ذنب دامك استحملتيه من قبل اكيد تقدرين تصبرين عليه وتفوزين بقصر بالفردوس

بعد ما قريت ما كتبي عما فعله زوجك فيك في صفحه مشكله الاخت دلع وكلي دلع
الصراحه تعجبت ومادري شلون قدرتي تصبرين عليه وهم جاكم طفل ثاني

اخي هل اطلقها

املك في ان يتغير من تحب يجعلك كالغريق الذي يتعلق في قشة
مع انه في قمة التاكد انها لن تنقذه ولكن يتعلق بها عفويا

املي في ان يتغير جعلني اصدقه
ندمه وواعتذاره وبكاؤه وتقبيله قدمي جعلني اقول عله يتغير اقسم لك ان زوجي عندما علم ونحن مختلفين ان قدمي كسرت حجز اول طائرة ونزل لي واول ماراني جلس على ركبه وقبل قدمي وهو يبكي
لا اذكر ذلك دفاعا عنه ولكن لاريك كم هو شخصية متناقضة
هل تصدق ان التناقض هذا هو سبب شقائي
كما ذكرت سابقا اذا كان هادي وسعيد
اقسم لك الناس تحسدني عليه
اما اذا ثار احسه انسان غير طبيعي اي شيء يخطر على باله ممكن يعمله

ما ادري شقول لاني والله اخاف ارد بشي وءاثم عليه اذا كان ردي بغير محله لذلك انا اقرا بالمنتدى وما اكتب
بس بحالتك
التناقض هذا يسمى الشوق من قبل زوجك لك...لاني مريت بنفس الشي ليمن نتزاعل بس اشوفها تبكي اتغير اصير انسان ثاني وانسى ما كان
الذي فهمته انه زوجك ما راح يحاول يرجعك وانه يبي منك تتاسفين....فاذا حابه الرجوع لا تطولين الموضوع لا يروح يتزوج...يعني حاولي الاصلاح يكون بدايه منكم ولكن بوجود حكمين من الطرفين حتى يكونوا شهودا على شروطك وشروط زوجك
المهم اذا نويتي الرجوع لا تجيبون عيال بعد اعطوا نفسكم وقت زمني 6 شهور او سنه على اساس انه يغير من نفسه وفي حاله اوفى شروطك بعد السنه تكملين معاه

المهم اصريت على موقفي وابي بعد محاولات راحو جلسو في بيت واحد معرفة في الغربة
وطبعا
اتكلم مع ابي في قمة الوقاحة امام الرجال الي جالسين لدرجة ان احد الحاضرين وكان شاب في عمر زوجي حوالي 30 سنة
قام اتعصب على زوجي وقاله عيب عليك يا اخي حتى الشجار له اصول
اعتقد لو زوجي كان يتكلم بلباقة ماكان واحد في سنه قاله جملة كهذي صح ولا غلط؟؟؟
كل هذا ووالدي يقوله ابغى اسمعك
المهم اول كلمة قالها زوجي انتم ناس كذابين
وانت ماعرفت تربي بنتك
ابوي قاله اوكي ليش انا ماعرفت اربي بنتي ابغاك تقول ايش سوت بنتي الي ماربيتها
قاله سكرت الخط بوجهي
قاله اوكي ليش سكرته بوجهك احكي للناس السبب
قاله مهما سويت فيها ماتسكر بوجهي
ابوي قاله يعني انت كنت تقولها انتي غالية وسكرت بوجهك؟؟
ولا كنت تقولها كلام حلو وقامت سكرت بوجهك؟؟
قام تهرب
وجلس يقول فيني كلا خرجه صحيح لكن داخله باطل
يعني مثلا قال انا قلتلها تعطي مبلغ من المال لامي مارضت
هو فعلا طلب مني اعطي مبلغ من المال لوالدته بس انا مارفضت بس قلتله
انتا سالتني كم المبلغ الي احتاجه مصاريف لي بالظبط فقلتلك عليه بدون زيادة وانا معاي طفلين واحنا باول الشهر كيف بعطيها هدا المبلغ وانا الي معاي يادوب يكفيني
كمان والدته عندها راتب فوق الممتاز
قلت له اذا انت تريد تعطيها مبلغ اعمل حوالة اخرى وهو ساعتها صراحة قالي فعلا عندك حق
انا المبلغ الي ارسلته لك ماتوقع يكفيكي لاخر الشهر
يعني هو اقتنع بكلامي مش انا رفضت
حتى الي موجودين قالو له مدام انتا مقتنع ان والدتك محتاجة فلوس ليه مابعت لها فلوس ؟؟؟
ماعرف يرد
المهم ابوي قاله ايش طلباتك قاله تيجي من السفر بنتك وتجيني الفندق تعتذرلي وبعدها بردها لعصمتي
فقالو طيب كيف تجي وهي مطلقة الناس ايش بتقول عليها؟
قاله بتقول انها عاقلة واعترفت بخطاها
فقاله وانا بنتي مصرة انك تنزلها زي ماخفت على بيت ابوك وبيت اخوك خاف عليها
طبعا ثااااااااااااااااار وهااااااااااااااااااج وقل ادبه كيف ان امراة تتشرط عليه وان ابوه عرف بشرطي ومار اح يعديها لي
ثم قال
ان نزوله على جثته وان ابوه حلف على امه يمين طلاق لو زوجي نزلي

وانا اصريت على موقفي اسبوعين
وكانت تاشيرتي قربت تنتهي ولما عرف اني ماراح ارجع بها الاسلوب واني راح اضيع التاشيرة
اتصل علي وحاول اني ارجع بس انا رفضت الا لما ينزلي
وبعد مهاترات وافق وقالي طيب بس تعالي المطار عشان اقول لاهلي انك انتي جيتي استقبلتيني عشان مايقولون عليا مش رجل
وماهتميت ووافقت
وابوي قالي هو سوى خطوة ونزل عشانك حتى لو ماحب يعرف اهله الحقيقة(لانه فهمهم انه نازل للعلاج)
المهم انه نزل ورحت وقابلته في المطار انا واخوي وجه وةقلتله لازم تراضي امي لانها هي واخواتي علمو بغلطك في ابي فوافق وقالي انتي كمان تراضي اهلي قلت له على راسي عشانك انتا اعمل اي شيء في الدنيا
مع اني ماخطات على اهله في شيء بس هو الي يهمني والي يرضيه ويخلينا سعداء مستعدة اعمله
وفعلا نزل واهلي استقبلوه استقبال كويس واعتذرلهم حتى انه تفاجا ان امي جايبتلنا هدايا تحف في المنزل احتفالا بعودتنا لبعض وعدم هدم البيت
المفاجاة ان والده رفض اصلا ان ادخل منزلهم وقال لو اتت انا بترك المنزل فورا لها وحينها زوجي اتى واعتذر لي عن ماقاله ابوه له عني وقال لي انه رد عليه بان زوجتي لن تحضر الا معززة مكرمة
وحجة حمايا في رفضي اني كيف اتجرا واتشرط على سلفي اخو زوجي
المهم عدنا الى هنا ولنا مع بعض 6 اشهر ساحكي تفاصيلها بعد قليل

كان الله في عونك و انزل عليك الصبر انا برايي زوجك مريض نفساني متقلب المزاج ودا كلوا من تربيته في جو اسرته ضرب وشتم وسب وطلاق كل مرة ...........لاحول و لاقوة إلا بالله العلي العظيم ربنا يقويك ويصبرك اختي ويعدى الايام على خير وراح ادعيلك من كل قلبي
لي عودة معك ان شاء الله

__________________
اللهم اني اعوذ بك من درك الشقاء وسوء القضاء
اللهم اني اعوذ بك من زوال نعمتك وتحول عافيتك و فجأة نقمتك ومن جميع سخطك امين رحمتك يارب ان لله وان اليه راجعون