|
|
15-05-2009, 08:23 PM
16-05-2009, 12:29 AM
|
المشاركة الأصلية كتبت بواسطة ساعدني أنساك
الحلقه الثانيه على قولة الاخت والاخيرهـ .....
ماابغى ادخل في تفاصيل اللي صار بالضبط بعد ذيك اللحظه لاني بنهار مرهـ ثانيه بس دخلت المستشفى 5 ايام باحتمالية ولاده قبل الموعد مع انهيار ... اخوي اللي كان معي ذيك الليله على انه رجال والله انه يبكي لا شافني لانه حضر ربع الموقف تقريبا ... زوجي ....آآآآآهـ ....صعبه انطقها وربي ...... زوجي ....جاني بيت ابوي يترجاني واخوي طرده ....وش تبغى تقول اكثر ؟؟؟ وش تبغى تبرر ؟؟؟ لما قلت لاخوي بالله عليك بس ابغى اسأله سؤال واحد وعيني بعينه ....رضى اخوي بشرط انه يكون حاضر معاي ... دخلت المجلس وحطيت عيني بعينه وهو ينزل عيونه ...صرخت فيه بقووووه .....( ناظرني ) قول لي ليييييييييييه ؟؟؟ بكل تفاهه قال عذر كل الشباب التافهين ياللي مثله .....( الشيطان شاطر ) يوم قال كذا .... التفت على اخوي وقلت له لولا احترامي لك ياخوي كان تفلت بوجهه .... طرده من بيتنا ... وفعلا طرده اخوي .... غيرت ارقام البيت والجوال واخذت اجازه من الشغل .... صرت اخذ حبوب مهدئه ومنومه حسبي الله عليهم .... ادري حامل بس خلاص ماعاد يهمني ... اصلا كرهت اللي ببطني قبل لا اشوفه .... اما عن خويتي الخاينه .... طبعا غيرت هي ارقامها وما انتظرت منها تبرير .... وانا اصلا مافيني حيل اني اكلم اهلها مع ان ببالي هالفكره بس الي وقفني ان امها مريضه وابوها شايب مره .... اهل زوجي علمتهم امي بالسالفه وبالبدايه ماصدقو بس لما اعترف ولدهم الخايس صدقو وتفشلو واعتذرو هه .... بأي بنك اصرفها ؟ طبعا طلبت الطلاق .... واصلا ماله عين يقول لا .... بس ابغى انتقم منه قبل لا يطلق ومو عارفه شلون ابغى اذله واهينه مثل ما ذلني .... قراري النهائي اني اتطلق واخذ ولدي والا بنتي واروح مع اخوي برا لانه بيكمل الماستر .... ماابغى ارجع ولا ابغى اعيش هنا ماابغى اشوف احد ماابغى اتذكر شي حسبي الله عليهم حطموني ..... تدرون وش احس فيه الحين ؟ اني بعدني بمرحلة الصدمه والانكار...مو مصدقه لهالساعه اللي صار ليه بس؟ وش كان يبغى اكثر ؟ اقطع نفسي عشانه ؟ وش يبغون الرجال من الحريم ؟ وخويتي الخاينه ... قلو رجال العالم الا زوجي؟ يعني ماتسمعيني اشكي لك ؟ يعني ماتدرين اني احبه ؟ والا بس تبين تحرقين قلبي ؟ بس اتمنى انها تقرا كلامي الحين لانها تدخل هنا احيانا .... ابغى اقولك ... حسبي الله عليك ... وش كسبتي الحين ؟ وش اللي حصلتيه ؟ هدمتي بيتي وحطمتيني هدمتي كل شي حلو بحياتي حسبي الله عليك جعلك تشوفينها بحياتك .... |
15-05-2009, 08:03 PM
15-05-2009, 08:03 PM
15-05-2009, 08:04 PM
15-05-2009, 08:14 PM
15-05-2009, 08:35 PM
15-05-2009, 09:02 PM
15-05-2009, 09:07 PM
بدلاً أن نملاها بالدموع
15-05-2009, 09:30 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور